ဇွန်-၁၉၊ ၂၀၂၅။ သုည/People’s Spring
မန္တလေးမြို့ လူစည်ကားရာစျေးတစ်ခုတွင် သပိတ်အင်အားစုက လူငယ်များ ဦးဆောင်ကာ လူထုခေါင်းဆောင် ဒေါ်အောင်ဆန်းစုကြည်၏ အသက် (၈၀) ပြည့်မွေးနေ့ လူထုလှုပ်ရှားမှုကို ယနေ့ နံနက်က ပြုလုပ်ခဲ့သည်။
ယင်းလူငယ်များက ဒေါ်အောင်ဆန်းစုကြည်၏ ဓာတ်ပုံနှင့် ပန်းများကို ကိုင်ဆောင်ပြီး “Happy birthday အမေစု” ၊ “အမေစု ကျန်းမာပါစေ”၊ “Freedom from Fear” ၊ “ဒေါ်အောင်ဆန်းစုကြည်နဲ့တကွ တပြည်လုံး လွတ်မြောက်ရေးအတွက် ဆက်ရုန်းကြ” စာသားတို့ကို ဖြန့်ကျဲ၍ ဆန္ဒထုတ်ဖော်ခဲ့သည်။
ထို့အပြင် ပြည်သူများအနေဖြင့် ဒေါ်အောင်ဆန်းစုကြည် မွေးနေ့ ဇွန် ၁၉ ပန်းသပိတ်တွင် ပူးပေါင်းပါဝင်ကြရန်နှင့် အကြမ်းဖက်စစ်အာဏာရှင်ကို ဆန့်ကျင်ကြရန် တိုက်တွန်းလှုံ့ဆော်ခဲ့သည်။
Public Service Announcement
https://www.facebook.com/LuduNwayOo/videos/1041099834794364
ရုပ်သံ – မန္တလေးသပိတ်အင်အားစု
