ကန့်​ဒေါင့်စခန်းသိမ်းတိုက်ပွဲမှာ အမျိုးသမီးရဲ​ဘော်များပါ ပါဝင်တိုက်ခိုက်

ဇွန်-၂၀၊ ၂၀၂၅။ People’s Spring

စစ်ကိုင်းတိုင်း၊ပုလဲမြို့နယ်က ကန့်ဒေါင့်နယ်မြေရဲစခန်းသိမ်းတိုက်ပွဲမှာ အမျိုးသမီးရဲဘော်တွေပါ ပါဝင်တိုက်ခိုက်ခဲ့တယ်လို့ ပြည်သူ့လွတ်မြောက်ရေးတပ်မတော်(PLA)ရဲ့ ပြောရေးဆိုခွင့်ရှိသူက ပြောပါတယ်။

အနောက်မြောက်တိုင်းစစ်ဌာနချုပ် (နမခ)က ကန့်ဒေါင့်ရဲစခန်း မကျရေးအတွက် လေကြောင်းပစ်ကူ တရပ်စပ်သုံးခုခံခဲ့​ပေမယ့် PLA နဲ့ မဟာမိတ်တပ်ပေါင်းစုတွေရဲ့ မလျှော့တဲ့ ဇွဲလုံလ ဝီရိယတွေနဲ့ ရွပ်ရွပ်ချွံချွံ ထိုးစစ်ဆင်တိုက်ခိုက်မှုတွေကြောင့် ဇွန်လ ၁၉ ရက် နံနက် ၆ နာရီ ၄၀မိနစ်အချိန်မှာ အောင်မြင်စွာ သိမ်းပိုက်နိုင်ခဲ့တယ်လို့ PLAက ဒီကနေ့ထုတ်ပြန်ပါတယ်။

“အမျိုးသမီးရဲဘော်တွေက စစ်ကူစစ်ကြောင်းတွေ ဖြတ်တောက်ရေးမှာပါတယ်။ အစောပိုင်းက သိရသလောက်တော့ ၁၀ယောက်ကျော်ပါတယ်။ နောက်ထပ် ထပ်တိုးလား မသိရသေးဘူး”လို့ PLAရဲ့ ပြောရေးဆိုခွင့်ရှိသူက ပြောပါတယ်။

Public Service Announcement

စခန်းသိမ်းတိုက်ပွဲအတွင်း စစ်ကောင်စီဘက်မှ ၄၀ထက်မနည်းသေဆုံးပြီး စခန်းအတွင်းသေဆုံးခဲ့သည့် ရုပ်အလောင်း ၂၀ကျော် ရရှိထားတယ်လို့လည်း ဆက်ပြောပါတယ်။

” ၄၀ကျော် သေတယ်။ စခန်းထဲမှာကို သေတာက ၂၀ကျော် သေတယ်။ စစ်ကူလာတာလည်းတပ်တွေလှန်ကျတယ်ဆိုတော့သေတာများတယ်။ ခန့်မှန်းချေတော့ ၄၀ကျော်လောက်ရှိမယ်”လို့ ၎င်းကဆက်ပြောပါတယ်။

ဒါပေမယ့် သိမ်းဆည်းရတဲ့လက်နက်ခဲယမ်းစာရင်းနဲ့ ဖမ်းမိတဲ့ စစ်သုံ့ပန်းစာရင်းကိုတော့အတိအကျမသိရသေးဘူးလို့ ဆိုပါတယ်။

ကန့်ဒေါင့်ရဲစခန်းဟာ အချက်အချာကျတဲ့ အာဆီယံလမ်းမကြီး ပုလဲ -ဂန့်ဂေါ လမ်းပိုင်းပေါ်မှာတည်ရှိတယ်လို့လည်း ဖော်ပြထားပါတယ်။ အဲဒီလမ်းဟာအိန္ဒိယနိုင်ငံအထိသွားလာနိုင်လို့မဟာဗျူဟာအရအလွန်အရေးပါတဲ့နေရာလို့လည်းဆိုပါတယ်။ ဒါ့အပြင် ကန့်ဒေါင့်ကနေ အနောက်မြောက်ဖက် မိုင် ၃၀ ကျော်အကွာမှာ စစ်ကောင်စီရဲ့ အမှတ် ၂၃ ကာကွယ်ရေးပစ္စည်းစက်ရုံ (ကပစ ၂၃) တည်ရှိပြီး ​တော့ အနောက်တောင်ဖက် ၃၅ မိုင်ခန့်မှာ ကပစ −(၂၄) တည်ရှိပါတယ်။

ကန့်ဒေါင့်ရဲစခန်းဟာ ပုလဲမြို့မရဲစခန်းပြီးရင် ဒုတိယအကြီးဆုံး ရဲစခန်းဖြစ်ပြီး ဘန်ကာတွေ၊ မိုင်းကွင်းတွေ၊ ကတုပ်ကျင်းတွေနဲ့ ခံစစ်အထပ်ထပ်ပြင်ထားတဲ့ တပ်စခန်းတစ်ခုလို့လည်း PLAက ဖော်ပြထားပါတယ်။

ဒါ​ကြောင့် စခန်းမကျဖို့ မုံရွာမှာအ​ခြေစိုက်တဲ့ အ​နောက်​မြောက်တိုင်းစစ်ဌာနချုပ်(နမခ)က ​လေ​ကြောင်းပစ်ကူ ၊ဗုံးကြဲတာ​တွေအများအပြားပြုလုပ်ခဲ့​ပါတယ်။ဒါပေမယ့် တပ်​ပေါင်းစုရဲ့မလျှော့တဲ့ ဇွဲလုံလ ဝီရိယနဲ့ ရွပ်ရွပ်ချွံချွံ ထိုးစစ်ဆင်တိုက်ခိုက်တာ​တွေကြောင့်အောင်မြင်စွာ သိမ်းပိုက်နိုင်ခဲ့တယ်လို့​ဖော်ပြထားပါတယ် ။

ကန့်ဒေါင့်ရဲစခန်းကို ပြည်သူ့လွတ်မြောက်ရေးတပ်မတော်က ဇွန်လ ၂ ရက်မှာ စတင်ထိုးစစ်ဆင်ခဲ့ပြီး နှစ်ပတ်ကျော်အကြာ သိမ်းပိုက်နိုင်ခဲ့တာပါ။

တိုက်ပွဲကာလတွင် စစ်​ကောင်စီက လေကြောင်းပစ်ကူ တရစပ်ပေးခဲ့ပြီး အပြင်းအထန်ခုခံခဲ့တယ်လို့လည်းသိရပါတယ်။ဇွန်လ ၂ ရက်ကစပြီး စခန်းသိမ်းနိုင်သည့် ဇွန်လ ၁၉ ရက်အထိ လေကြောင်းတိုက်ခိုက်မှု အကြိမ် ၂၀၀ကျော် ပြုလုပ်ခဲ့ပြီး ဗုံးသီးအလုံးရေ ၅၀၀ကျော်ကြဲချခဲ့တယ်လို့လည်းဆိုပါတယ်။ဗုံးသီးအလုံးရေ (၅၀၀) ကျော် ကျဲချခဲ့သည်။ စစ်တပ်က ဂျက်ဖိုက်တာ​တွေ၊ Y12 ဗုံးကြဲလေယာဉ်​တွေ၊Mi35 တို-က်ခိုက်ရေးရဟတ်ယာဉ်နဲ့ စက်တပ်လေထီး​တွေနဲ့ တိုက်ခိုက်ပြီးစခန်းမကျ​အောင်ခုခံခဲ့တဲ့ကြားက စစ်ရှုံးခဲ့တာဖြစ်ပါတယ် ။

ဂျက်ဖိုက်တာတွေ၊ Y12 ဗုံးကြဲလေယာဉ်တွေအပါအဝင် Mi35 တိုက်ခိုက်ရေး ရဟတ်ယာဉ်နဲ့ စက်တပ်လေထီးတွေနဲ့လည်း လာရောက်တိုက်ခိုက်ခဲ့တယ်လို့ ဖော်ပြထားပါတယ်။ စစ်ကူ​တွေကိုလည်းကန့်​ဒေါင့်ရွာနဲ့ ၃ မိုင်ခန့်​ဝေးတဲ့ အင်းမထီးရွာတဆင့် Mi-17 နဲ့အကြိမ်ကြိမ်ပို့ခဲ့ပါတယ်။ဒါ​ပေမယ့်စစ်ကူ​တွေကို ​တော်လှန်​ရေးအဖွဲ့​တွေကြားဖြတ်တိုက်ခိုက်မှု​ကြောင့် ​နောက်ပြန်လန့်ကျတာ၊​သေဆုံးထိခိုက်တာ​တွေအများကြီးရှိခဲ့ပါတယ်။

ဒါပေမယ့် ဇွန်လ ၁၀ရက်မှာ တိုက်ပွဲအတွင်း လေကြောင်းပစ်ကူလာပေးတဲ့ စစ်ကောင်စီရဲ့ F7 (Chengdu J-7) အမျိုးအစား တိုက်လေယာဉ်တစ်စီးကို ပြည်သူ့လွတ်မြောက်ရေးတပ်မတော် – PLA က ပစ်ချနိုင်ခဲ့တယ်လို့လည်း ဆိုပါတယ်။

စစ်တပ်က​လေ​ကြောင်းက ပို့တဲ့လက်နက်ခဲယမ်းရိက္ခာထုတ်​တွေကို စစ်သားနဲ့ပျူ​တွေထွက်ယူချိန် ​တော်လှန်း​ရေးအဖွဲ့​တွေက ပစ်ခတ်တာ​ကြောင့် ထွက်ယူမရလည်းဖြစ်ခဲ့တယ်လို့သိရပါတယ် ။သိမ်းဆည်းရရှိတဲ့လက်နက်ခဲယမ်း​တွေ ဒရုန်း​တွေထဲမှာ ​လေယာဥ်​ပေါ်ကချပြီး အသုံးရ​သေးတဲ့ ဒရုန်းတချို့ကိုလည်း​​တွေ့ရပါတယ် ။

“မနေ့ကလည်း တနေကုန်ကြဲတယ်လေယာဉ်က”လို့ PLAရဲ့ ပြောရေးဆိုခွင့်ရှိသူက စခန်းသိမ်းပြီးအ​ခြေအ​နေကို ပြောပါတယ်။

ကန့်​ဒေါင့်ရဲစခန်းသိမ်းတိုက်ပွဲကို PLA နှင့်အတူမြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF)၊ ယင်းမာပင်ခရိုင် အမှတ် ၁၁ တပ်ရင်း (ကျားသစ်နက်တပ်မတော်)၊ ဗမာလွတ်မြောက်ရေးဒီမိုကရက်တစ်တပ်ဦး (BLDF)၊ ဒေါင်းနက် နယ်စည်းမခြား ပြောက်ကျားတပ်ဖွဲ့နဲ့ အညာမြေတပ်ပေါင်းစုတို့က ပူး​ပေါင်းတိုက်ခိုက်ခဲ့တယ်လို့သိရပါတယ် ။