'/%3E%3C/svg%3E){kind=small}
ဇူလိုင် – ၁၆ ၊၂၀၂၅၊ နိုင်ပကောင်း/People’s Spring
ကရင်ပြည်နယ် ၊ ကျုံဒိုး – ကော့ကရိတ် လမ်းပိုင်းကို စိုးမိုးနိုင်ဖို့အတွက် စစ်ကြောင်းထိုးလာတဲ့ စစ်ကောင်စီတပ် ၊ ခွဲထွက် DKBA တို့နဲ့ KNU ပူးပေါင်းတပ်တွေကြားတိုက်ပွဲဖြစ်နေပြီး စစ်ကောင်စီတပ်က နေ့စဉ်နီးပါး လေကြောင်းကနေ တိုက်ခိုက်နေတယ်လို့ ကရင်သတင်းရင်းမြစ်က ပြောပါတယ်။
လက်ရှိ ဇူလိုင်လ ပထမ ပတ်ကစတင်ပြီး ကျုံဒိုး – ကော့ကရိတ်လမ်းမှာ တိုက်ပွဲတွေ ဖြစ်ပွားနေတာပါ။
စစ်ကြောင်းထိုးလာတဲ့ စစ်ကောင်စီတပ်နဲ့ ခွဲထွက် DKBA တပ်ဖွဲ့တွေကို KNU ဦးဆောင်တဲ့ ပူးပေါင်းတပ်က ကြားဖြတ်ပိတ်ဆို့တိုက်ခိုက်နေတာလည်းဖြစ်တယ်လို့ ကရင်သတင်းရင်းမြစ်က ဆိုပါတယ်။
Public Service Announcement
မြေပြင်ထိတွေ့တိုက်ပွဲမှာ တိုးမရတဲ့အခါ စစ်ကောင်စီလေတပ်က ကျုံဒိုး – ကော့ကရိတ်လမ်းပိုင်းက ကျေးရွာတွေကို ဗုံးကြဲတိုက်ခိုက်တယ်လို့ ဒေသခံတွေဆီကလည်းသိရပါတယ်။
ကျုံဒိုး-ကော့ကရိတ်လမ်းပိုင်းကို ထိန်းချုပ်နိုင်ဖို့အတွက် စစ်ကောင်စီတပ်က ဗိုလ်ဘိဦးဆောင်တဲ့ ခွဲထွက် DKBA ပူးပေါင်းတပ်ကို သုံးပြီး ကျုံးဒိုးကနေ ကော့ကရိတ်ဘက်ကို စစ်ကြောင်းထိုးတာလည်းဖြစ်ပါတယ်။
မနေ့ ဇူလိုင်လ ၁၅ ရက် တိုက်ပွဲမှာတော့ ခွဲထွက် DKBA ခေါင်းဆောင်ဗိုလ်ဘိ ထိခိုက်ဒဏ်ရာရပြီး စစ်ဆေးရုံမှာ ကုသမှု ခံယူနေတယ်ဆိုတဲ့သတင်းတွေ ထွက်ခဲ့ပေမယ့် အဲဒီသတင်းက သတင်းမှားသာဖြစ်တယ်လို့ ခွဲထွက် DKBA ဘက်က သတင်းရင်းမြစ်က အသိပေးပါတယ်။
စစ်ကောင်စီတပ်ဟာ ဗိုလ်ဘိဦးဆောင်တဲ့ ခွဲထွက် DKBA ကို လက်နက်ခဲယမ်းထောက်ပံ့ပေးပြီး ဗိုလ်ဘိကလည်း ကျုံဒိုး – ကော့ကရိတ် လမ်းပိုင်း စစ်ဆင်ရေးအတွက် တပ်ဖွဲ့ဝင် ၁၀၀ ကျော်ကို သုံးပေးထားပါတယ်။
