အောက်တိုဘာ-၂၃၊၂၀၂၅။သတိုး/People’s Spring
မန္တလေးတိုင်း၊ မြင်းခြံမြို့ကနေ နွားထိုးကြီးမြို့ဘက်မောင်းနှင်လာတဲ့ စစ်ကောင်စီတပ်ယာဉ်တန်းကို ပစ်ခတ်တိုက်ခိုက်ရာ တစ်ဦးသေဆုံးပြီး လက်နက်တွေလည်း သိမ်းရရှိခဲ့တယ်လို့ မြင်းခြံခရိုင် တပ်ရင်း(၇)၊ ZERO ပြောက်ကျား တပ်ဖွဲ့ဦးဆောင်သူ ကိုသက်ကြီးက ပြောပါတယ်။
ပြီးခဲ့တဲ့ အောက်တိုဘာ ၂၁ရက် မနက်မှာ မြင်းခြံခရိုင် တပ်ရင်း(၇) Zeroပြောက်ကျားတပ်ဖွဲ့ နဲ့ မြင်းခြံခရိုင် တပ်ရင်း(၈) ရဲဘော်တွေက စစ်ကောင်စီတပ်ယာဉ်တန်းကို ကြားဖြတ်တိုက်ခိုက်ခဲ့တာဖြစ်ပြီး စစ်ကောင်စီဘက်က တစ်ဦးသေဆုံးတာတွေ့ခဲ့ရတယ်လို့ ကိုသက်ကြီးက ပြောပါတယ်။
အခြားဒဏ်ရာရရှိတဲ့ စစ်ကောင်စီတပ်ဖွဲ့ဝင်တွေ ထွက်ပြေးသွားပြီး MA1(၁) လက်၊MA3 (၁) လက်နဲ့ G3 (၁) လက် သိမ်းဆည်းနိုင်ခဲ့ကာ ကျန်ခဲ့တဲ့ ဂျန်မာကားကိုတော့ မီးရှို့ဖျက်ဆီးခဲ့တယ်လို့ ကိုသက်ကြီးကပြောပါတယ်။
Public Service Announcement
“နှစ်ဖက်မှာ နီးနီးလေးကြားထဲမှာ မစ်ရှင်ကခဲ့ရတာ ။ ဟိုဘက်ဒီဘက်ခွေးက နီးနီးလေးရယ်။ အဲဒါကြောင့် ဘယ်လိုမှမယူနိုင်ခဲ့တာ” လို့ ကိုသက်ကြီးက ပြောပါတယ်။
တပ်ရင်းက ရဲဘော်တွေအနေနဲ့ စစ်ဆင်ရေးတွေ ဆက်တိုက်လုပ်ဆောင်နေတာဖြစ်ပြီး နိုဝင်ဘာလထဲမှာတော့ လက်တံဆိုတဲ့ ကမ်ပိန်းပြုလုပ်ဖို့ရှိတယ်လို့ ကိုသက်ကြီးက ပြောပါတယ်။
” မဖော်ပြတဲ့ တိုက်ပွဲတွေ များသော်ညားလည်းတောက်လျှောက်အလုပ်တွေ လုပ်နေရတာရှိ တယ်။ ကလေးတွေလည်း မနားရဘူး။နောက်လမှာလက်တံဆိုတဲ့ ကမ်ပိန်းလေးတစ်ခုလုပ်ဖို့ရှိပါတယ်။ အဲဒီ့ လက်တံ ကမ်ပိန်းလေးမှာလည်း တတ်အားသရွေ့ပါဝင်ကြဖို့ ရှေ့ဆက် တိုက်ပွဲတွေ ဖော်ဆောင်နိုင်ဖို့ အောင်ပွဲတွေရယူဖို့ ပါဝင်ပေးကြပါလို့ အကူအညီတောင်းခံချင်တာလေးရှိပါတယ်။” လို့ ကိုသက်ကြီးက ပြောပါတယ်။
