ဇန်နဝါရီ-၁၊ ၂၀၂၆။ သုည/People’s Spring
စစ်ကိုင်းနဲ့ မကွေးတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရွေးကောက်ပွဲနဲ့ စစ်မှုထမ်းဥပဒေကို ဆန့်ကျင်ကြောင်း ဆန္ဒပြသပိတ်လှုပ်ရှားမှုတွေ ဒီကနေ့ (ဇန်နဝါရီ ၁)မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း ယင်းမာပင်မြို့နယ်မှာ အောင်လံလွှင့်မည် ဒေါင်းသွေးနီ သပိတ်စစ်ကြောင်းဟာ “သင့်မဲဖြင့်တရားဝင် လူသတ်ခွင့် မပေးနဲ့”၊ “မတရားတဲ့စစ်မှုထမ်းဥပဒေကိုဆန့်ကျင်ကြ” စာသားတွေကိုင်ဆောင်ပြီး ဆန္ဒထုတ်ဖော်ပြသခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းမှ “သင့်မဲဖြင့် တရားဝင် လူသတ်ခွင့်မပေးနဲ့”၊ “ဖက်ဆစ်ရွေးကောက် ခွေးထွက်ပေါက် မဲမပေးနဲ့သပိတ်မှောက်” ကြွေးကြော်တွေနဲ့ ချီတက်ဆန္ဒပြခဲ့ပါတယ်။
Public Service Announcement
မကွေးတိုင်း၊ ဂန့်ဂေါမြို့နယ်အတွင်းမှာ ပြည်သူတွေနဲ့ လူထုလှုပ်ရှားမှုကော်မတီတို့ ပူးပေါင်းကာ စစ်တပ်ရဲ့ ရွေးကောက်ပွဲကို ဆန့်ကျင်တဲ့ လှုပ်ရှားမှုကို ဖော်ဆောင်ခဲ့ပါတယ်။
အဆိုပါလှုပ်ရှားမှုမှာ ရွေးကောက်ပွဲဆန့်ကျင်ရေးပိုစတာတွေ ကိုင်ဆောင်ဆန္ဒထုတ်ဖော်ခြင်း၊ လူထုစုဝေးပွဲမှာ စည်းရုံးဟောပြောခြင်းနဲ့ စစ်ရှောင်ပြည်သူတွေကို ခွန်အားပေးစည်းရုံးခြင်းတွေ ဆောင်ရွက်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ GSCB၊ ဂန့်ဂေါခရိုင် လူထုသပိတ်
