'/%3E%3C/svg%3E){kind=small}
မတ်-၁၂၊ ၂၀၂၆။အိမ်သွင်၊ထားမြတ်/People’s Spring
ကချင်ပြည်နယ်၊ ဗန်းမော်မြို့နယ် စင်းခန်းဒေသက ရွှေလုပ်ကွက်နေရာတွေကို စစ်ကောင်စီက မတ်လ ၁၀ရက် ညနေပိုင်းမှာ လေကြောင်းကနေ ဗုံးကြဲတိုက်ခိုက်ခဲ့ရာ ပြည်သူ ၂ဦး သေဆုံးပြီး ၈ ဦး ဒဏ်ရာရတယ်လို့ သိရကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။
တိုက်ပွဲဖြစ်ပွားခြင်းမရှိဘဲ အဲဒီဒေသကို စစ်ကောင်စီက ဗုံးကြဲခဲ့တာဖြစ်ပြီး ကနဦး သတင်းတွေအရ သေဆုံးသူအများအပြားရှိခဲ့ကြောင်း သတင်းရင်းမြစ်တွေက ပြောပါတယ်။
ဆက်သွယ်ရေးအခက်အခဲကြောင့် အသေးစိတ် အခြေအနေတွေကိုတော့ မသိရသေးပါဘူး။
Public Service Announcement
ကချင်လူ့အခွင့်အရေးစောင့်ကြည့်အဖွဲ့(KHRW) ပြောရေးဆိုခွင့်ရှိသူ ကိုဂျေကော့ကလည်း ဗန်းမော်မြို့နယ်က မြစ်ကမ်းတလျှောက် ရွှေလုပ်ကွက်နေရာတွေကို စစ်တပ် ဗုံးကြဲခဲ့မှန်ကန်ပေမယ့် သေဆုံးထိခိုက်အခြေအနေတွေကိုတော့ မသိရသေးဘူးလို့ ပြောပြပါတယ်။
စစ်ကောင်စီဟာ အခုနှစ် ဇန်နဝါရီကလည်း ဗန်းမော်မြို့နယ် ထီးလင်းကောင်ဂျာကျေးရွာကို လေကြောင်းကနေ ဗုံးကြဲခဲ့ရာ ၂၃ဦးထက်မနည်းသေဆုံးကာ အများအပြား ဒဏ်ရာရခဲ့ပါတယ်။
စစ်ကောင်စီက လေကြောင်းတိုက်ခိုက်မှုတွေ လုပ်နိုင်လို့ သတိပြုကြဖို့ ဗိုလ်မှူးကြီးနော်ဘူက သတိပေးပါတယ်။
စစ်ကောင်စီဟာ အခုရက်ပိုင်းအတွင်း ကချင်၊ စစ်ကိုင်း၊ ရက္ခိုင် ၊ မကွေး၊ ချင်း၊ မန္တလေး၊ တနင်္သာရီ၊ ပဲခူးနဲ့ ကရင်စတဲ့ နိုင်ငံတဝန်း နေရာအများအပြားကို လေကြောင်းဗုံးကြဲတိုက်ခိုက်မှုတွေ ဆက်တိုက်ကျူးလွန်လျက်ရှိပြီး လူအစုလိုက်၊ အပြုံလိုက်အသုံးဆုံးရှုံးမှုတွေ ဖြစ်ခဲ့ပါတယ်။
