ဧပြီ-၁၆၊၂၀၂၆။တေဇ/People’s Spring
တနင်္သာရီတိုင်း၊မြိတ်မြို့နယ်မှာ သင်္ကြန်အကျနေ့ (ဧပြီ၁၄)က ဆိုင်ကယ်ရေဆေးတဲ့ Gunနဲ့ရေကစားစဥ် (၁၆)နှစ်အရွယ် ကလေးတစ်ဦး ဓာတ်လိုက်သေဆုံးခဲ့တယ်လို့ ဒေသခံတွေကပြောပါတယ်။
“ သင်္ကြန်မှာရေကစားရင်း ဓာတ်လိုက်တာ” လို့ သေဆုံးသူနဲ့ အမျိုးတော်စပ်သူတစ်ဦးကပြောပါတယ်။
မြိတ်မြို့ ကန်ဇွန်းအင်းမဏ္ဍပ်မှာ သေဆုံးသွားတဲ့ မောင်စွယ်တော်ဦးက ရေကစားဖို့ ဆိုင်ကယ်ရေဆေးတဲ့ Gunကိုလုယူစဥ်မတော်တဆဖြစ်ပြီးဓာတ်လိုက်သေဆုံးတာလို့ သိရပါတယ်။
Public Service Announcement
” သင်္ကြန်အကျနေ့ကရေကစားမဏ္ဍပ်တစ်ခုမှာ ဆိုင်ကယ်ရေဆေးgun နဲ့ရေကစားရာက ဓါတ်လိုက်ပြီး Grade 7 ကလေးတစ်ယောက်ဆုံးသွားပါတယ်။ ပျော်တာတော့ပျော်ကြပေါ့ကလေးတို့။ သူတစ်ပါးလည်းနာကျင် ကိိုယ်လည်းအန္တရာယ်မကင်းတဲ့ပစ္စည်းတွေနဲ့နောက်မကစားကြပါနဲ့။” လို့ ကန်ဇွန်းအင်းကိုယ်ပိုင်အထက်တန်းကျောင်း ပိုင်ရှင်က သူ့ရဲ့ဖေ့စ်ဘွတ်ခ်မှာရေးသားထားပါတယ်။
မောင်စွယ်တော်ဦးရဲ့နာရေးကို ဒီကနေ့(ဧပြီ၁၆)မှာ မြိတ်မြို့ ကလွင်သုဿန်မှာပြုလုပ်ခဲ့ပြီးသူ့ရဲ့သူငယ်ချင်းတွေ၊ဆွေးမျိုးတွေနဲ့ ဒေသခံပြည်သူအများအပြားလိုက်ပါပို့ဆောင်တာကို ဗီဒီယိုဖိုင်တွေမှာ တွေ့ရပါတယ်။
စစ်တပ်က ထိန်းချုပ်ထားတဲ့ဒေသတွေမှာ အခုနှစ် သင်္ကြန်ကို စည်ကားအောင်လုပ်ဖို့ ညွှန်ကြားပြီးရေကစားမဏ္ဍတွေဆောက် ၊ဖျော်ဖြေရေးနဲ့ ပျော်ပွဲရွှင်ပွဲတွေလုပ်ဖို့ ဖိအားပေးစေခိုင်းခဲ့တာဖြစ်ပါတယ်။
