သမ္မတ ဦးဝင်းမြင့် အကျဉ်းထောင်ကနေ နေအိမ်ပြန်လည်ရောက်ရှိ

ဧပြီ – ၁၇ ၊၂၀၂၆/People’s Spring

သမ္မတ ဦးဝင်းမြင့် တောင်ငူအကျဉ်းထောင်ကနေ နေအိမ်ကို ပြန်လည်ရောက်ရှိပြီလို့ စာရေးဆရာ ဦးထင်လင်းဦးက သူရဲ့ဖေ့ဘွတ်ခ်ကနေ အသိပေးပါတယ်။

ရွေးကောက်ခံ အရပ်သား အစိုးရ ရဲ့ သမ္မတ ဦးဝင်းမြင့်ကို အာဏာသိမ်းတဲ့ ၂၀၂၁ ခုနှစ် ၊ဖေဖော်ဝါရီလ ၁ ရက်မနက်အစောပိုင်းမှာကတည်းကစစ်တပ်က ဖမ်းဆီးခဲ့တာပါ။

အဲဒီနောက် အဂတိမှု ၊ သဘာဝဘေးအမှု ၊ နိုင်ငံဆူပူအောင်လှုံ့ဆော်မှု စွပ်စွဲချက်တွေနဲ့ ပုဒ်မတွေတပ်ပြီး အမှု ၈ မှု အတွက် ထောင်ဒဏ် ၁၄ နှစ်ချကာ တောင်ငူထောင်မှာ အကျဉ်းချခဲ့ပါတယ်။

Public Service Announcement

အဲဒီထောင်ဒဏ်တွေထဲက လေးနှစ်ကို ပြီးခဲ့တဲ့ ၂၀၂၃ ခုနှစ် သြဂုတ်လအတွင်း စစ်ကောင်စီက လျော့ပေါ့ပါတယ်။ အခုတော့ ကျန်ရှိတဲ့ ထောင်ဒဏ်တွေကနေ လွှတ်ပေးလိုက်တာလို့ စစ်တပ်ရဲ့ ဝါဒဖြန့်ယန္တယား မြဝတီက ကြေညာပါတယ်။

အာဏာသိမ်းစစ်တပ်ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုလည်း ပုဒ်မမျိုးစုံတပ်ကာ ထောင်ဒဏ် ၃၅ နှစ်ချထားပေမယ့် ဘယ်နေရာမှာ ချုပ်နှောင်ထားတယ်ဆိုတာ လူသိရှင်ကြား ထုတ်ပြန်တာမတွေ့ရပါဘူး။

ဓာတ်ပုံ – Htin Lin Oo/FB