မေ – ၁၁ ၊၂၀၂၆ ၊ ဆိုင်းမင်း/People’s Spring
ရန်ကုန်မြို့ ၊အင်းစိန်မြို့နယ်၊ ဒညင်းကုန်းလမ်းဆုံအနီးမှာဒီနေ့ (မေ ၁၁ ရက်)မနက်ပိုင်းက YBS ကားတက်ကြိတ်မိပြီးသက်ကြီးပိုင်းအမျိုးသမီးတစ်ဦးသေဆုံးခဲ့တယ်လို့ကူညီကယ်ဆယ်ရေးလုပ်ဆောင်ခဲ့တဲ့သူတွေထံကသိရပါတယ်။
ဒီမနက်ပိုင်း၉ နာရီခန့်ကဒညင်းကုန်းလမ်းဆုံအနီးမှာ YBS ၈၈ ယာဉ်လိုင်းကယာဉ်တစ်စီးဟာနောက်ပြန်ဆုတ်ရာကနေကားနောက်မှာရပ်နေတဲ့ အမျိုးသမီးကို တက်ကြိတ်မိသွားတာပါ။
အဲဒီဖြစ်စဉ်မှာသေဆုံးသွားတဲ့အမျိုးသမီးက အသက် ၆၀ ကျော်အရွယ်ရှိပြီလို့ ကူညီကယ်ဆယ်ရေးလုပ်ပေးခဲ့သူတစ်ဦးက ပြောပါတယ်။
Public Service Announcement
“ဦးခေါင်းပိုင်းအတော်လေးပျက်ဆီးသွားတယ်၊ကားနောက်ဘီးနဲ့ကြိတ်မိတာ၊အနောက်မှာလူရှိနေတာကိုသတိမထားဘဲ ဆုတ်လိုက်လို့ဖြစ်တာပါ” လို့ အဲဒီကူညီကယ်ဆယ်ရေးလုပ်ဆောင်ပေးခဲ့သူကဆိုပါတယ်။
သေဆုံးသွားတဲ့အမျိုးသမီးရုပ်အလောင်းကိုတော့အင်းစိန်ဆေးရုံကြီးဆီ ပို့ဆောင်လိုက်ရတယ်လို့ သိရပါတယ်။
