'/%3E%3C/svg%3E){kind=small}
ဇွန် ၁၃၊ ၂၀၂၆။မေရီ/People’s Spring
မန္တလေးမြို့မှာ အမျိုးသားပုံစံဝတ်ဆင်နေထိုင်တဲ့ ပစ္စည်းတွေသယ်ယူပို့ဆောင်ပေးသူ(Delivery) အမျိုးသမီးတစ်ဦး ပစ္စည်းပို့ရင်း ပျောက်ဆုံးနေကြောင်း သတင်းရရှိပါတယ်။
စစ်မှုထမ်းပေါ်တာဆွဲခံရသူတွေ မကြာခဏ သွားရောက်အကူညီတောင်းနေကြတဲ့ ငြိမ်းချမ်းရေးဆရာတော်ဆိုသူထံကို ပျောက်ဆုံးနေသူရဲ့သူငယ်ချင်းတွေက သွားရောက်တိုင်ကြားခဲ့တာဖြစ်ကြောင်း အဆိုပါဆရာတော်ရဲ့ Tiktok မှာ ရုပ်သံမှတ်တမ်းနဲ့ တင်ထားပါတယ်။
ဖြစ်စဥ်မှာ ဇွန်လ ၉ ရက် ည ၇ နာရီခွဲခန့်က မန္တလေးမြို့မှာ ယောကျာ်းလေးပုံစံ ဝတ်ဆင်နေထိုင်တဲ့ မသက်သက်မိုးဆိုသူ Delivery ဝန်ထမ်းဟာ ပြည်ကြီးတံခွန်မြို့နယ်၊ ၆၂လမ်း ၁၁၆ လမ်းအနီး ပစ္စည်းသွားပို့စဥ် ပျောက်ဆုံးသွားတာဖြစ်ကြောင်း ၎င်းရဲ့သူငယ်ချင်းက ဆရာတော်ကို လျှောက်ထားခဲ့တာ တွေ့ရပါတယ်။
Public Service Announcement
“နောက်ဆုံးသွားပို့ရတာ မမတိုက်ခန်း(မြရည်နန္ဒာတိုက်ခန်း)ဘက်သွားပို့ရတာ ပြန်လာနေပြီလို့ပြောတယ်။ ပြန်ရောက်မလာတော့တာ။”လို့ အဆိုပါအမျိုးသမီးက ဆရာတော်ကို ပြောပြခဲ့ပါတယ်။
၎င်းအမျိုးသမီး Delivery သွားပို့တဲ့နေရာတွေဟာ အာဏာသိမ်းစစ်ကောင်စီလက်အောက်ခံ ပျူစောထီးတွေသောင်းကျန်းပြီး ပေါ်တာဆွဲတာတွေလည်း မကြာခဏဖြစ်ပွားနေတဲ့နေရာတွေဖြစ်ကြောင်း မန္တလေးမြို့ခံတွေက ပြောပါတယ်။
ပြီးခဲ့တဲ့ရက်ပိုင်းကပဲ ဆိုင်ကယ်လိုက်လုသူတွေကို ဖမ်းဆီးရမိခဲ့ရာမှာ ၂ ဦးဟာ စစ်တပ်က ပြည်သု့စစ်ကတ်ပြားထုတ်ပေးထားတဲ့ ပျူစောထီးတွေဖြစ်နေကြောင်း မြို့ခံတွေက ပြောပါတယ်။
မန္တလေးမြို့မှာ စစ်တပ်နဲ့ လက်အောက်ခံ ပျူစောထီးတွေက ပေါ်တာဆွဲဖမ်းဆီးတာတွေပြုလုပ်နေပြီး ဆိုင်ကယ်တွေကိုသိမ်းဆည်းတာ၊ ငွေညှစ်တာတွေပြုလုပ်နေကြောင်း သိရပါတယ်။
