သြဂုတ် ၄၊၂၀၂၆။ ဟာနာဆန်/People’s Spring
မန္တလေးမြို့မှာ တက္ကစီမောင်းနေတဲ့ စစ်မှုထမ်းဟောင်းတစ်ဦး ပြန်ပေးဆွဲခံရပြီးနောက် ၂ ပတ်ကျော်ကြာ ပျောက်ဆုံးနေကြောင်း သတင်းရရှိပါတယ်။
ပြီးခဲ့တဲ့ ဇူလိူင် ၁၅ ရက် မနက်က မန္တလေးမြို့နေ တက္ကစီသမား စစ်မှုထမ်းဟောင်း ဦးစိုးဝင်းဆိုသူဟာ ၎င်းရဲ့ AD Van ကားနဲ့အတူ ပျောက်ဆုံးသွားတာဖြစ်ကြောင်း၊ ဇူလိုင် ၁၆ ရက်မှာ လူတစ်ဦးက ဖုန်းဆက်ပြီး ကျပ်သိန်း ၃၀နဲ့ ပြန်ရွေးဖို့ ပြောဆိုခဲ့ပေမဲ့ နောက်ပိုင်းမှာ ဖုန်းစက်ပိတ်သွားကြောင်း ပျောက်ဆုံးသူရဲ့ဇနီးနဲ့ ပေါက်ကိုယ်တော်က Tiktok လူမှုကွန်ရက်ကနေ ပြောပါတယ်။
ပျောက်ဆုံးသူရဲ့ဆွေမျိုးတွေက လိုက်လံရှာဖွေရာမှာ ကားကိုတော့ ပြည်ကြီးတံခွန်မြို့နယ်မှာ ပြန်လည်ရှာဖွေတွေ့ရှိခဲ့ပြီး လူ ပျောက်ဆုံးနေဆဲဖြစ်ကြောင်း သိရပါတယ်။ လက်ရှိ အဆိုပါကားကို ပြည်ကြီးတံခွန်ရဲစခန်းက သိမ်းထားတယ်လို့ ဆိုပါတယ်။
Public Service Announcement
ရဲတွေက လက်ရှိ အဆိုပါကား လက်ဝယ်တွေ့ရှိရသူတွေကို ခေါ်ယူစစ်ဆေးပေမဲ့ ဖမ်းဆီးခြင်းမရှိဘဲ ပြန်လွှတ်လိုက်တယ်လို့ ပျောက်ဆုံးသူရဲ့ဇနီးနဲ့ ပေါက်ကိုယ်တော်က ဆိုပါတယ်။ ပျောက်ဆုံးနေတဲ့ စစ်မှုထမ်းဟောင်းဟာ ယခင် ကပစ (၇) ဝါဇီ ငွေစက္ကူစက်ရုံမှာ ၂၁ နှစ် တာဝန်ထမ်းဆောင်ခဲ့သူဖြစ်ကြောင်း သိရပါတယ်။
