ဩဂုတ် ၁၃၊ ၂၀၂၆။ ထားမြတ်/People’s Spring
မွန်ပြည်နယ်၊ ရေးမြို့နယ်က အောင်သပြေရွာဟောင်းအနီး စစ်ကြောင်းထိုးလာတဲ့ စစ်တပ်ကို မဟာမိတ်ပူးပေါင်းတပ်တွေက တိုက်ခိုက်ခဲ့ရာ စစ်တပ်က ၆ဦး သေဆုံးကာ ၃ဦး ဒဏ်ရာရရှိခဲ့ကြောင်း ရေးပြောက်ကျားတပ်ဖွဲ့(YGF)က ထုတ်ပြန်ပါတယ်။
စစ်တပ်ရဲ့ ခမရ(၅၈၈)၊အမတ(၃၁၇)၊ခလရ(၁၀၆)တပ်ရင်းတို့က အင်အား ၁၀၀ခန့်ပါ စစ်ကြောင်းဟာ ဒေသတွင်းကို စစ်ကြောင်းထိုးလာလို့ ဩဂုတ် ၈ရက်မှာ တိုက်ပွဲဖြစ်ခဲ့တာလို့ အသိပေးပါတယ်။
အဲဒီတိုက်ပွဲဟာ မိနစ် ၂၀ခန့် ကြာမြင့်ခဲ့ပြီး စစ်တပ်က ထိခိုက်မှုရှိသလို မဟာမိတ် ပူးပေါင်းတပ်ဘက်က ရာမညမွန်တပ်တော်(RMA) ရဲဘော် ၂ဦးလည်း ကျဆုံးခဲ့ရတယ်လို့ ထုတ်ပြန်ပါတယ်။
Public Service Announcement
စစ်တပ်ကို တိုက်ခိုက်ရာမှာ YGFအမှတ်(၈၀၀၁)တပ်ရင်း/တပ်ခွဲ(၁)နဲ့ ချေမှုန်းရေးတပ်ဖွဲ့၊မွန်ပြည်တော်လှန်ရေးတပ်(MSRF)၊ရာမညမွန်တပ်တော်(RMA)(၉၀၁)တပ်ရင်းတို့ ပူးပေါင်းဆောင်ရွက်ခဲ့တာဖြစ်ပါတယ်။
RMAကလည်း အဲဒီတိုက်ပွဲဖြစ်စဉ်ကို သတင်းထုတ်ပြန်ထားရာ တော်လှန်ရေးပူးပေါင်းတပ်က လက်ဦးမှုရယူပြီး စစ်တပ်စစ်ကြောင်းကို တိုက်ခိုက်ခဲ့ပေမယ့် စစ်တပ်က လက်နက်ကြီး၊ လက်နက်ငယ်များ ပြန်လည်ပစ်ခတ်ရာ RMA ရဲဘော် ကျော်စွာဝင်း(ခ)ဂျေကြီးနဲ့ ရဲဘော်သော်ဇင်(ခ)ဧရာ တို့ ကျဆုံးခဲ့ရတယ်လို့ ဖော်ပြထားပါတယ်။
