သတင်း
ဇူလိုင် ၂၂ရက်နှင့် ၂၃ရက်များက ဝင်းရေးမြို့နယ် (ရေးမြို့နယ်) ဝဲဝန်းရွာအနီးနှင့် သံဖြူဇရပ် - ရေး လမ်းပိုင်း၌ တိုက်ပွဲများ ဖြစ်ခဲ့သည်ဟု ဆိုသည်။
Hi, what are you looking for?
ဇူလိုင် ၂၂ရက်နှင့် ၂၃ရက်များက ဝင်းရေးမြို့နယ် (ရေးမြို့နယ်) ဝဲဝန်းရွာအနီးနှင့် သံဖြူဇရပ် - ရေး လမ်းပိုင်း၌ တိုက်ပွဲများ ဖြစ်ခဲ့သည်ဟု ဆိုသည်။
တိုက်ခိုက်မှုများအတွင်း စစ်ကောင်စီဘက်မှ ထိခိုက်မှုအခြေအနေကို စုံစမ်းဆဲဖြစ်ပြီး PDF ပူးပေါင်းတပ်မှရဲဘော်အားလုံး အထိအခိုက်အကျအဆုံးမရှိဘဲ သက်ဆိုင်ရာတပ်စခန်းများသို့ အောင်မြင်စွာပြန်လာနိုင်ခဲ့ကြပြီဖြစ်ကြောင်း အသိပေးထားသည်။
ဝင်ရောက်စီးနင်းတိုက်ခိုက်ချိန်မှာညအချိန်ဖြစ်သောကြောင့် မည်မျှထိခိုက် သေဆုံးဒဏ်ရာရသည်ကို မျက်မြင်အတည်ပြုနိုင်ခဲ့ခြင်းမရှိဘဲစစ်ကောင်စီတပ်သားများ ထွက်ပြေးတိမ်းရှောင်သွားခဲ့ရသည်ဟု အသိပေးသည်။
ယခင်ကလည်း ရေးဘီလူးအဖွဲ့၏ တိုက်ခိုက်မှုကြောင့် ရေးမြို့နယ်ရှိ စစ်ကောင်စီတပ်သားများ၊ ရေးမြို့နယ်ရှိ ရဲစခန်းမှူးနှစ်ဦး နှင့် စစ်ကောင်စီထောက်တိုင်များ သေဆုံးထိခိုက်မှုများရှိခဲ့ပြီး စစ်ကောင်စီတပ်ထံမှ လက်နက်ခဲယမ်းများ သိမ်းဆည်းရရှိခဲ့သည့် ဖြစ်စဉ်များ ရှိခဲ့သည်။
တော်လှန်ရေးပူးပေါင်းတပ် ပြန်လည်ဆုတ်ခွာပြီး တစ်နာရီကျော် အကြာတွင် စစ်ကောင်စီတပ်မှတိုက်ခိုက်ရေး ရဟတ်ယာဉ် နှစ်စင်းဖြင့် နှစ်ကရင်ရွာအား လေကြောင်းတိုက်ခိုက်ခဲ့ရာ ပြည်သူ သုံးဦးထက်မနည်း သေဆုံးခဲ့ကြောင်း ကျားဖြူစစ်ကြောင်းက ခန့်မှန်းထားသည်။
တိုက်ပွဲအတွင်း စစ်ကောင်စီဘက်မှ သေဆုံး၊ ဒဏ်ရာရမှုကို ဆက်လက်စုံစမ်းနေဆဲဖြစ်ပြီး KNLA၊ PDF ပူးပေါင်းတပ်ဖွဲ့တွင်အထိအခိုက်မရှိခဲ့ဟု ဒုစစ်ဒေသခွဲမှူးရုံး၊ စစ်ဒေသခွဲ အမှတ် ၃၊တောင်ပိုင်းတိုင်း(J.O.C) က သတင်းထုတ်ပြန်ထားသည်။
ရေးဘီလူးအဖွဲ့သည် ဇွန်လ ၂၀ရက်ကလည်း ရေးမြို့နယ် ကျောက်မိချောင်းရွာမှ စစ်ကောင်စီ ၏ စစ်မှုထမ်းဟောင်းတစ်ဦးကို ပစ်ခတ်ရှင်းလင်းခဲ့သည်ဟုဆိုသည်။ ၎င်းသည် ပြည်သူ့စစ်အဖွဲ့ဝင် တစ်ဦးလည်း ဖြစ်ကြောင်း ရေးဘီလူးအဖွဲ့က အသိပေးထားသည်။
မဟာမိတ် ပူးပေါင်းတပ်ဖွဲ့ဝင်များအနေဖြင့် အမှတ်(၈) ပြည်ထောင်စုလမ်းမကြီးတစ်လျှောက် ပုံမှန်စစ်ဆေးရေးပြုလုပ်သွားမည်ဖြစ်၍ ခရီးသွားမိဘပြည်သူများအနေဖြင့် ပူးပေါင်းဆောင်ရွက်ပေးပါရန်လည်း PDF စစ်ရုံးချုပ်က မေတ္တာရပ်ခံထားသည်။
KNLA/PDF ပူးပေါင်းတပ် စစ်ဆေးမှု ပြုလုပ်သည့် နေရာများသည် စစ်ကောင်စီတပ်နှင့် မိုင်အနည်းငယ်သာဝေးကွာသည်ဟုသိရသည်။ ရေးမြို့နယ် မော့ကနင်ရွာတွင်စစ်ကောင်စီတပ် ခလရ (၁၀၆)၊ ခမရ (၅၈၈) တပ်တို့ အခြေစိုက်ပြီး ရွာသစ်ရွာအနီးတွင်လည်း အမှတ်(၃၁၇) အမြောက်တပ် အခြေစိုက်တပ်စွဲထားသည်။
ဒေသခံသတင်းရင်းမြစ်ကလည်း ရေးမြောက်ပိုင်းတိုက်ပွဲ၌ စစ်ကောင်စီတပ်မှ သေဆုံးမှုများပြားသည်ကို အရပ်သတင်းကြားရကြောင်း People’s Spring သို့ ပြောကြားသည်။