သြဂုတ် ၁၆၊၂၀၂၆။သုည/People’s Spring
စစ်ကိုင်းတိုင်း၊ ရွှေဘိုခရိုင်၊ ရွှေဘိုမြို့နယ်အတွင်းမှာ ရေဘေးအန္တရာယ်ကြုံတွေ့နေရတဲ့ ပြည်သူတွေကို ဝမ်းရောဂါ မဖြစ်ဖို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ရွှေဘိုမြို့နယ် ပြည်သူ့ကာကွယ်ရေးအဖွဲ့(ပကဖ) က ကျန်းမာရေးစောင့်ရှောက်မှုပေးနေကြောင်း ပကဖ အသံက ဒီကနေ့ (သြဂုတ် ၁၆) ထုတ်ပြန်ပါတယ်။
ရေဘေးသင့်ပြည်သူတွေနဲ့ ဝမ်းပျက်ဝမ်းလျှော၊ အရေပြားရောဂါနဲ့ ဖျားနာမှုတွေ ခံစားရနိုင်တာကြောင့် သောက်သုံးရေနဲ့ အစားအစာတွေကို သန့်ရှင်းစွာစားသုံးဖို့နဲ့ တစ်ကိုယ်ရေသန့်ရှင်းရေးကို အထူးဂရုစိုက်ကြဖို့ ရွှေဘိုမြို့နယ် ပြည်သူ့ကာကွယ်ရေးအဖွဲ့က တိုက်တွန်းထားပါတယ်။
ဒါ့အပြင် ကျန်းမာရေးမူမမှန်မှုတွေ ဖြစ်ပေါ်ပါက နီးစပ်ရာ ကျန်းမာရေးဝန်ထမ်းတွေထံ အမြန်ဆုံး ဆက်သွယ်ကုသမှုခံယူကြပါဖို့လည်း အသိပေးနှိုးဆော်ထားပါတယ်။
Public Service Announcement
ရွှေဘိုမြို့နယ် အပါအဝင် အခြားသော မြို့နယ်တွေမှာလည်း ရေဘေးသင့်ပြည်သူတွေအနေနဲ့ ကျန်းမာရေးစောင့်ရှောက်မှု အပါဝင် သောက်သုံးရေ၊ ဓာတ်ဆားနဲ့ ဆေးဝါးတွေ လိုအပ်လျက်ရှိပြီး တတ်နိုင်သလောက်ဝိုင်းဝန်းကူညီပေးကြဖို့ကိုလည်း တိုက်တွန်းနှိုးဆော်ထားပါတယ်။
