သြဂုတ်-၂၁၊၂၀၂၆/People’s Spring
စစ်ကိုင်းတိုင်း၊ မြောင်မြို့နယ်က ဆွဲလဲအိုကျေးရွာဘုန်းကြီးကျောင်းမှာ တရားစခန်းကျင်းပနေတဲ့ ဓမ္မာရုံကို စစ်တပ်က ဗုံးကြဲတိုက်ခိုက်ရာ သံဃာတော်တွေအပါအဝင် သေဆုံးသူ ၂၀ကျော် ရှိနေပြီလို့ အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောပါတယ်။
” ဒီနေ့ ၂၀၂၆ ခုနှစ် ဩဂုတ်လ ၂၁ ရက်နေ့ စစ်ကိုင်းဖက်ဒရယ်ယူနစ် မြောင်မြို့နယ် ဆွဲလဲအိုကျေးရွာက ဘုန်းကျောင်းကျောင်းတကျောင်းမှာ ပြည်သူတွေ ဥပုသ်နေ့ ဥပုသ်သီလဆောက်တည်နေကြတုန်း အကြမ်းဖက်စစ်တပ်က လေကြောင်းကနေဗုံးကြဲတာ သံဃာတော်တွေအပါအဝင် ပြည်သူတွေ (၂၀) ဦးကျော် သေဆုံးခဲ့ပါတယ်”လို့ ဦးနေဘုန်းလတ်က သူ့ရဲ့လူမှုကွန်ရက်ကတဆင့် အသိပေးထားပါတယ်။
ဒီကနေ့ ဩဂုတ် ၂၁ရက်ဟာ ဝါတွင်းကာလဖြစ်တဲ့ ဝါခေါင်လဆန်း ၈ရက် ဥပုသ်နေ့ဖြစ်တာမို့ ဆွဲလဲအိုကျေးရွာဒေသခံတွေ တရားနာသီလယူနေကြစဉ်မှာ စစ်တပ်က လေယာဉ်နဲ့ ဗုံးကြဲတိုက်ခိုက်ခဲ့တာလို့ ဒေသခံသတင်းရင်းမြစ်က ပြောပါတယ်။
Public Service Announcement
“ဓမ္မာရုံတည့်တည့်ကို ကြဲတာ။ ဘုရားခန်းကို ဒဲ့ ကျတာ။ဘုန်းကြီးလည်းပျံလွန်တယ်။ စုစုပေါင်း ဆယ်ဦးကျော် သေဆုံးတယ်”လို့ ဒေသခံသတင်းရင်းမြစ်က ပြောပါတယ်။
သြဂုတ်၂၁ ရက် မနက်၉နာရီ ဝန်းကျင်က ဆွဲလွဲအိုရွာ ဘုန်းကြီးကျောင်းဓမ္မာရုံက တရားစခန်းကိုစစ်တပ်ရဲ့ တံတားဦးလေတပ်က တက်လာတဲ့ ဂျက်ဖိုက်တာနဲ့ ဗုံးလေးလုံးကြဲခဲ့တာလို့ သတင်းရရှိပါတယ်။သံဃာတော်တွေ အပါအဝင် ဒေသခံဥပုသ်သည်တွေ သေဆုံးခဲ့တာ ဖြစ်ပါတယ်။
