Connect with us

Hi, what are you looking for?

သတင်း

အင်းတော်ကြီးဒေသရှိ နှစ်ခြင်းဘုရားကျောင်းကို စစ်တပ်နဲ့ SNAက အသေခံဒရုန်းနဲ့ တိုက်ခိုက်

ကချင်ပြည်နယ်၊ မိုးညှင်းမြို့နယ် အင်းတော်ကြီးဒေသ ချောင်း၀ရွာရှိ ကချင်နှစ်ခြင်းခရစ်ယာန်ဘုရားကျောင်းကို အာဏာသိမ်းစစ်တပ်နဲ့ လက်အောက်ခံ SNA တပ်က အသေခံဒရုန်းနဲ့ တိုက်ခိုက်ခဲ့လို့ ဘုရားကျောင်းပျက်စီးခဲ့ကြောင်း အင်းတော်ကြီးဒေသခံ သတင်းရင်းမြစ်က ပြောပါတယ်။

(အင်းတော်ကြီးဒေသ ချောင်း၀ရွာရှိ ကချင်နှစ်ခြင်းခရစ်ယာန်ဘုရားကျောင်းကို အာဏာသိမ်းစစ်တပ်နဲ့ လက်အောက်ခံ SNA တပ်က အသေခံဒရုန်းနဲ့ တိုက်ခိုက်ပြီးနောက် ဒရုန်းအပိုင်းအစတွေ။ ဓာတ်ပုံ - ပေးပို့)

အောက်တိုဘာ ၆၊ ၂၀၂၆။ ထားမြတ်/People’s Spring

ကချင်ပြည်နယ်၊ မိုးညှင်းမြို့နယ် အင်းတော်ကြီးဒေသ ချောင်း၀ရွာရှိ ကချင်နှစ်ခြင်းခရစ်ယာန်ဘုရားကျောင်းကို အာဏာသိမ်းစစ်တပ်နဲ့ လက်အောက်ခံ SNA တပ်က အသေခံဒရုန်းနဲ့ တိုက်ခိုက်ခဲ့လို့ ဘုရားကျောင်းပျက်စီးခဲ့ကြောင်း အင်းတော်ကြီးဒေသခံ သတင်းရင်းမြစ်က ပြောပါတယ်။

အောက်တိုဘာ ၅ရက် မွန်းလွဲပိုင်းမှာ ချောင်း၀ရွာ ကချင်နှစ်ခြင်းခရစ်ယာန်ဘုရားကျောင်းကို တိုက်ခိုက်ခဲ့တာဖြစ်ပါတယ်။ တိုက်ခိုက်ခံရမှု ဖြစ်စဉ်မှာ လူသေဆုံးထိခိုက်မရှိပေမဲ့ ဘုရားကျောင်း အဆောက်အဦး ထိခိုက်ပျက်စီးမှုတွေရှိခဲ့တယ်လို့ ဆိုပါတယ်။

“လောလောဆယ်တိုက်ပွဲတွေမရှိဘူး” လို့ ဒေသခံ သတင်းရင်းမြစ်က တိုက်ပွဲမရှိဘဲ ဒရုန်းတိုက်ခိုက်ခံရမှု အခြေအနေကို ပြောပါတယ်။

Public Service Announcement

Public Service Announcement

အဲဒီ ဘုရားကျောင်းမှာ မူကြို ကလေးငယ်တွေ စာသင်ကြားတာရှိပေမဲ့ ဒရုန်းနဲ့ တိုက်ခိုက်ခံရတဲ့နေ့မှာ ဘုရားကျောင်းမှာ ဆုတောင်းပွဲရှိလို့ ကျောင်းပိတ်ထားချိန်ဖြစ်တယ်လို့ ဒေသခံ သတင်းရင်းမြစ်ကပြောပါတယ်။

ချောင်း၀ ဒေသဟာ KIA/PDF ပူးပေါင်းတပ် ထိန်းချုပ်ထားတဲ့ ဒေသလည်းဖြစ်ပါတယ်။

အာဏာသိမ်းစစ်တပ် လက်အောက်ခံ တပ်တွေဟာ ချောင်း၀ဆေးရုံကိုလည်း အသေခံ ဒရုန်းနဲ့ တိုက်ခိုက်မှု လုပ်ဆောင်ခဲ့ဖူးတယ်လို့ သတင်းရင်းမြစ်က ပြောပါတယ်။

“ သူတို့ တိုက်ခိုက်လိုက်တော့ဆရာဝန်က ပြန်သွားတော့ အခု ဆေးကုသဖို့ ဟိုပင် ၊ မိုးညှင်းသွားဖို့ ငွေကုန်ပြီ အခက်အခဲဖြစ်တယ်လေ”လို့ ဒေသခံ က ပြောပါတယ်။

ဘုရားကျောင်း အသေခံ ဒရုန်းတိုက်ခိုက်ခံရမှုနဲ့ပတ်သက်ပြီး KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ မေးမြန်းရာ သတင်းအချက်အလက် မကြားသိရသေးဘူးလို့ ပြောကြားပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။