ဇူလိုင် – ၂၄ ၊ ၂၀၂၅ /People’s Spring
ထိုင်း စစ်တပ်နဲ့ ဖြစ်ပွားနေတဲ့နယ်စပ်တိုက်ပွဲတွေမှာ ကမ္ဘောဒီးယားစစ်တပ်ဘက်ကပါဝင်ကွပ်ကဲပေးနေတယ်လို့ ကမ္ဘောဒီးယားဝန်ကြီးချုပ်ဟောင်းဟွန်ဆန်ကသူရဲ့ ဖေ့ဘွတ်ခ်ကနေ အသိပေးရေးသားလာပါတယ်။
အဲဒီအသိပေးရေးသားချက်မှာ မြေပုံတွေကို ကမ္ဘောဒီးယား စစ်ဘက်၊ အရပ်ဘက် အရာရှိတွေနဲ့ ကြည့်ရှုနေတဲ့ ဓာတ်ပုံတွေ လည်းပူးတွဲဖော်ပြပါတယ်။
ဒါအပြင် ထိုင်းစစ်တပ်နဲ့ ဖြစ်ပွားနေတဲ့ တိုက်ပွဲတွေမှာ ကမ္ဘောဒီးယား စစ်တပ်ကို သားဖြစ်သူ ဝန်ကြီးချုပ် ဟွန်မာနတ် ၊ ကာကွယ်ရေးဝန်ကြီး ၊ စစ်တပ်ဦးစီးချုပ် တို့နဲ့အတူ ကွပ်ကဲနေတယ်ဆိုတာကို ဟွန်ဆန်က ဆိုပါတယ်။
Public Service Announcement
ဓာတ်ပုံတွေထဲမှာ မြေပုံတွေကို မှန်ဘီလူးနဲ့ အသေးစိတ်ကြည့်ရှုနေတဲ့ ဟွန်ဆန်ကို တွေ့ရပါတယ်။
ဒါအပြင်သူအနေနဲ့ဘယ်ကိုမှထွက်ပြေးမှာမဟုတ်တာကြောင့်ကမ္ဘောဒီး ယား ပြည်သူတွေ စိတ်မပူကြဖို့ကိုလည်း ဟွန်ဆန်က ရေးသားထားပါတယ်။
ဟွန်ဆန်ဟာ သီးသန့်လေယာဉ်နဲ့ ကမ္ဘောဒီးယား မြို့တော် ဖနွမ်းပင်ကနေ တရုတ်ကို ထွက်ခွာသွားတယ်လို့ ထိုင်းသတင်းမီဒီယာ The Nation က ဒီနေ့ ညနေပိုင်းမှာ ရေးသားပါတယ်။
အဲဒီရေးသားချက်ထွက်လာပြီးနောက် ဟွန်ဆန်က သူဘယ်မှမပြေးဘဲ စစ်တပ် ကို ကွပ်ကဲနေတယ်ဆိုတာကိုဓာတ်ပုံတွေနဲ့ တုံ့ပြန်လာတာပါ။
ဟွန်ဆန်ရဲ့ သားဖြစ်သူ လက်ရှိ ကမ္ဘောဒီးယား ဝန်ကြီးချုပ် ဟွန်မာနတ်က ကမ္ဘောဒီးယားဟာထိုင်းရဲ့လက်နက်ကိုင်ရန်လိုတိုက်ခိုက်မှုကြောင့် ရွေးချယ်စရာမရှိဘဲ လက်တုံ့ပြန်ရတာလို့ ဆိုထားပါတယ်။
