ထိုင်းနဲ့ စစ်ရေး ပဋိပက္ခအတွင်း သေဆုံးခဲ့တဲ့ ထိပ်တန်း စစ်ဦးစီး ဗိုလ်ချုပ် တစ်ဦးရဲ့ နာရေး အခမ်းအနားကို ကမ္ဘောဒီးယား ဝန်ကြီးချုပ် ဟွန်မာနတ်က တက်ရောက်ခဲ့ကြောင်း သိရပါတယ်။
အသက် ၆၇ နှစ်အရွယ် ဒုတိယ ဗိုလ်ချုပ်ကြီး ဒူအွမ် ဆွမ်နီယန်ဟာ ထိုင်း-ကမ္ဘောဒီးယား နယ်စပ် စစ်ရေးပဋိပက္ခ အရှိန်မြင့်တက်နေချိန် ဇူလိုင် ၂၆ ရက်နေ့က ထိုင်းရဲ့ လက်နက်ကြီးဒဏ်ကြောင့် ပရာဗီဟီရာ ပြည်နယ်မှာ သေဆုံးခဲ့တာ ဖြစ်ပါတယ်။
အမှတ် ၇ ကြားဖြတ် တိုက်ခိုက်ရေး တပ်မဟာ အကြီးအကဲ ဒုတိယ ဗိုလ်ချုပ်ကြီး ဒူအွမ်ဟာ ရဲရဲရင့်ရင့် တိုက်ပွဲဝင်ရင်း စစ်သားပီသစွာ နိုင်ငံအတွက် အသက်ပေးသွားခဲ့တယ်လို့ ထိုင်းကာကွယ်ရေး ဝန်ကြီးဌာနက ကြေညာခဲ့ပါတယ်။
သူ့ရဲ့ နာရေး အခမ်းအနားကို ဇူလိုင် ၂၇ ရက်နေ့က ဖနွမ်ပင် မြို့တော်မှာ ကျင်းပခဲ့ပြီး ရုပ်အလောင်းကို ဝန်ကြီးချုပ် ဟွန်မာနတ် ကိုယ်တိုင် သွားရောက် အရိုအသေပေး အလေးပြုခဲ့ပါတယ်။ ဟွမ်မာနတ်က ထိုင်းနဲ့ စစ်ရေးပဋိပက္ခမှာ အသက်ပေးခဲ့ရတဲ့ ကမ္ဘောဒီးယား စစ်သားအားလုံးရဲ့ နာရေးကိစ္စတွေကို လေးလေးစားစား စီစဉ်ပေးဖို့လည်း အာဏာပိုင်တွေကို ညွှန်ကြားထားခဲ့တယ်လို့ ဆိုပါတယ်။
Public Service Announcement
ထိုင်းနဲ့ ကမ္ဘောဒီးယားတို့ကြားက စစ်ရေး ပဋိပက္ခဟာ ၅ ရက်တာ ကြာမြင့်ခဲ့တဲ့နောက် ဇူလိုင် ၂၈ ရက်နေ့ ညသန်းခေါင်က စလို့ အပစ်အခတ် ရပ်စဲသွားပါတယ်။ အစောပိုင်းမှာတော့ ကမ္ဘောဒီးယားက သဘောတူညီချက်ကို ချိုးဖောက်ပြီး တိုက်ခိုက်မှုတွေ ဆက်လက် လုပ်ဆောင်နေတယ်လို့ ထိုင်းစစ်တပ်က စွပ်စွဲခဲ့ပေမယ့် ကမ္ဘောဒီးယားက ပယ်ချခဲ့ပြီး နယ်စပ်မှာ အခြေအနေတွေ ငြိမ်သက်နေပြီလို့ ကြေညာခဲ့ပါတယ်။
ဇူလိုင် ၂၄ ရက်နေ့က စတင်ခဲ့တဲ့ ထိုင်း-ကမ္ဘောဒီးယား နယ်စပ် တိုက်ပွဲတွေအတွင်း စစ်သားတွေ၊ အရပ်သားတွေ အပါအဝင် နှစ်ဖက်အသေအပျောက် ၃၅ ဦးထက်မနည်း ရှိခဲ့ကြောင်းလည်း သိရပါတယ်။
ကိုးကား: Phnom Penh Post
