Connect with us

Hi, what are you looking for?

LuduNwayOo

နိုင်ငံတကာ

မာလီ အမျိုးသမီးတစ်ဦး ၉ မွှာပူးမွေး

မာလီနိုင်ငံက အမျိုးသမီး တစ်ဦးက ၉ မွှာပူး ကလေးတွေကို အောင်အောင်မြင်မြင် မွေးဖွားနိုင်ခဲ့ကြောင်း သိရှိရပါတယ်။

အသက် ၂၅ နှစ်အရွယ် ဟာလီမာ ဆစ်ဆီရဲ့ ကိုယ်ဝန်ကို အနောက်အာဖရိက ဒေသတွင်း နိုင်ငံက သားဖွား ဆရာဝန်တွေက စစ်ဆေးပြီးတဲ့နောက် အထူးကြပ်မတ် စောင့်ကြည့်မှု လိုအပ်တယ်လို့ ထောက်ခံ မှတ်ချက် ပေးခဲ့ပါတယ်။ ဒါကြောင့် မတ်လက စစ်ဆေးမှုတွေအပြီး မကြာခင်မှာပဲ ဆစ်ဆီကို မိုနာကို ပို့ဆောင်ခဲ့ကြပါတယ်။

မိုနာကိုမှာတော့ ဆရာဝန်တွေက မိခင်လောင်းနဲ့ ကိုယ်ဝန်ကို အရိပ်တကြည့်ကြည့် စောင့်ရှောက်ပေးခဲ့ကြပြီး အခုတော့ အောင်အောင်မြင်မြင် မီးဖွားနိုင်ခဲ့ပါပြီ။ မိန်းကလေး ၅ ယောက်၊ ယောက်ျားလေး ၄ ယောက်နဲ့ မိခင်ဖြစ်သူပါ ကျန်းကျန်းမာမာ ရှိကြတယ်လို့ မိုနာကို ကျန်းမာရေး ဝန်ကြီးဌာနက ထုတ်ပြန်ပါတယ်။

၉ မွှာပူး မွေးတယ်ဆိုတာ ဆေးပညာ သမိုင်းမှာ ရှားပါးလွန်းတဲ့ ဖြစ်စဉ်တစ်ခုပါ။ အဲဒီ အခြေအနေမျိုးမှာ ကလေးတချို့ဟာ လမစေ့ဘဲ ဖြစ်နေတတ်တယ်လို့ သုတေသီတွေက ဆိုပါတယ်။ Ultrasound စစ်ဆေးမှုတွေမှာ ကလေး ၂ ဦးက သေချာ မပေါ်လွင်တာကြောင့် မူလက ဆစ်ဆီဟာ ၇ မွှာပူး မွေးမယ်လို့ ယူဆထားခဲ့ကြောင်းလည်း သိရပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

နိုင်ငံတကာ

ကလေးတွေက သေးကွေးကြုံလှီလွန်းတာကြောင့် အသက်ရှင်ပါ့မလားဆိုတဲ့ စိုးရိမ်မှုတွေက မိဘတွေဆီမှာရော၊ ဆရာဝန်တွေဆီမှာပါ ကိန်းအောင်းနေခဲ့ပါတယ်။ အခုတော့ မေလ ၄ ရက်က သူတို့ရဲ့ နေအိမ်မှာ ကလေးတွေအတွက် ၁ နှစ်ပြည့် မွေးနေ့ပွဲလေးတောင် ကျင်းပပေးနိုင်ခဲ့ပြီလို့ သိရပါတယ်။

နိုင်ငံတကာ

အခုတော့ ပြင်သစ်ဟာ သံအမတ်ကြီး မေယာကို ပြန်လည် ခေါ်ယူလိုက်ပြီဖြစ်ပြီး မာလီ စစ်အစိုးရ အနေနဲ့ ပြင်သစ်ကို ရန်စတဲ့ အပြုအမူတွေ ပိုမိုဆင်ခြင်ဖို့ ပြင်သစ် ကာကွယ်ရေး ဝန်ကြီး ဖလောရင့်စ် ပါလေကလည်း သတိပေးသွားခဲ့ပါတယ်။

ဆောင်းပါး

ခေတ်သစ်ကမ္ဘာမှာ အာဏာသိမ်းမှုနေရာမရှိစေရလို့ ကုလအထွေထွေအတွင်းရေးမှူးချုပ်က ကြုံးဝါးထားပေမယ့် ဒီနှစ်ထဲမှာတင် ကမ္ဘာမှာ အာဏာသိမ်းတဲ့ နိုင်ငံ ၄ နိုင်ငံရှိလာခဲ့ပါတယ်။ မြန်မာ၊ မာလီ၊ ဂီနီနဲ့ ဆူဒန်နိုင်ငံတွေမှာ အာဏာသိမ်းမှုတွေဖြစ်ပေါ်ခဲ့သလို အာဏာသိမ်းဖို့ကြိုးပမ်းမှုတွေ ပေါ်ပေါက်ခဲ့တဲ့ နိုင်ငံတွေလည်းရှိခဲ့ပါသေးတယ်။ ဒါကို အာဏာသိမ်းမှု ကူးစက်ကပ်ရောဂါလို့ ကုလအထွေထွေအတွင်းရေးမှူးချုပ်ကတင်စားလိုက်ပါတယ်။ ၂၀၂၁ ခုနှစ်ထဲ...

နိုင်ငံတကာ

မာလီနိုင်ငံမှာ စစ်တပ်က ၉ လအတွင်း ဒုတိယအကြိမ် အာဏာသိမ်းယူလိုက်ပါတယ်။