Connect with us

Hi, what are you looking for?

LuduNwayOo

နိုင်ငံတကာ

WWII နောက်ပိုင်း ပထမဆုံးအဖြစ် မဟာမိတ် သင်္ဘောပေါ်ကနေ အမေရိကန် တိုက်လေယာဉ်တွေ စစ်ဆင်ရေးဆင်နွှဲ

အမေရိကန် မရိန်းတပ်ဖွဲ့ရဲ့ F-35B တိုက်လေယာဉ်တွေဟာ ဗြိတိန် ရေတပ်ရဲ့ Queen Elizabeth လေယာဉ်တင် သင်္ဘောကြီးပေါ်ကနေ ပျံတက်ပြီး အိုင်အက်စ် စစ်သွေးကြွ ပစ်မှတ်တွေကို တိုက်ခိုက်ခဲ့ကြောင်း ပူးပေါင်း စစ်ဆင်ရေး ဦးစီးဌာနက ဇွန်လ ၂၂ ရက်မှာ ထုတ်ပြန် ကြေညာခဲ့ပါတယ်။

ဒုတိယ ကမ္ဘာစစ် (WWII)နောက်ပိုင်း ပထမဆုံး အကြိမ်အဖြစ် အမေရိကန် တိုက်လေယာဉ်တွေဟာ မဟာမိတ် နိုင်ငံတစ်ခုရဲ့ လေယာဉ်တင် သင်္ဘောပေါ်မှာ အခြေစိုက်ပြီး စစ်ဆင်ရေး ဆင်နွှဲခဲ့တယ်လို့ သိရပါတယ်။

အမေရိကန် မရိန်းတပ်ဖွဲ့ရဲ့ F-35B တိုက်လေယာဉ်တွေဟာ ဗြိတိန် ရေတပ်ရဲ့ Queen Elizabeth လေယာဉ်တင် သင်္ဘောကြီးပေါ်ကနေ ပျံတက်ပြီး အိုင်အက်စ် စစ်သွေးကြွ ပစ်မှတ်တွေကို တိုက်ခိုက်ခဲ့ကြောင်း ပူးပေါင်း စစ်ဆင်ရေး ဦးစီးဌာနက ဇွန်လ ၂၂ ရက်မှာ ထုတ်ပြန် ကြေညာခဲ့ပါတယ်။

Queen Elizabethဟာ ဗြိတိန် ရေတပ်ရဲ့ အကြီးမားဆုံး၊ ခေတ်အမီဆုံးနဲ့ အသစ်လွင်ဆုံး စစ်ရေယာဉ်ကြီး တစ်စီးလည်း ဖြစ်ပါတယ်။ အမေရိကန် တိုက်လေယာဉ်တွေက မဟာမိတ် လေယာဉ်တင် သင်္ဘောပေါ်ကနေ ပျံတက်ပြီး စစ်ဆင်ရေးတာဝန် ထမ်းဆောင်ခဲ့ဖူးတာဟာ ၁၉၄၃ ခုနှစ်နောက်ပိုင်း ပထမဆုံးလို့လည်း သိရပါတယ်။ အဲဒီတုန်းက အမေရိကန် တိုက်လေယာဉ်တွေက ပစိဖိတ် တောင်ပိုင်းမှာ ရှိနေတဲ့ ဗြိတိန်ရေတပ် HMS Victoriousကနေ ပျံတက်ခဲ့ကြတာပါ။

Queen Elizabethပေါ်မှာ အမေရိကန်နဲ့ ဗြိတိန်ရဲ့ F-35B စုစုပေါင်း ၁၈ စီး တပ်စွဲထားတယ်လို့ ဆိုပါတယ်။ ဒါဟာ ပဉ္စမမျိုးဆက် ခေတ်အမီဆုံး တိုက်လေယာဉ်တွေကို သင်္ဘော တစ်စီးတည်းပေါ်မှာ အရေအတွက် အများဆုံး ထားရှိတဲ့ ပမာဏလို့လည်း သိရပါတယ်။

အမေရိကန်က ဦးဆောင် တည်ဆောက်ပြီး မဟာမိတ် နိုင်ငံတွေကိုပါ ရောင်းချပေးနေတဲ့ F-35Bတွေဟာ ရေဒါနဲ့ ထောက်လှမ်းမှုကို ရှောင်ကွင်းနိုင်တဲ့ အဆင့်အမြင့်ဆုံး ကိုယ်ပျောက် နည်းပညာကို အသုံးပြုထားပါတယ်။ Queen Elizabeth ဦးဆောင်တဲ့ ဗြိတိန် အမှတ် ၂၁ တိုက်ရေယာဉ် အုပ်စုဟာ ကီလိုမီတာ ၃၀၀၀၀ ကျော် ခရီးတာ ရှည်လျားမယ့် ၇ လတာ နယ်လှည့် စစ်ဆင်ရေး တာဝန်ကို ထမ်းဆောင်နေတာ ဖြစ်ပါတယ်။

You May Also Like

နိုင်ငံတကာ

M1A2တွေဟာ အရင်မျိုးဆက်ရဲ့ ဒီဇိုင်းဟောင်းကို အကြီးအကျယ် မွမ်းမံ ပြင်ဆင်မှုတွေ အားဖြည့်ထားတာဖြစ်ပြီး ပိုပြီး ပစ်အားပြင်းပြင်းနဲ့ ဝေးဝေးရောက်နိုင်တဲ့ အမြောက်၊ ကာကွယ်ရေး အစီအမံတွေနဲ့ တခြား ခေတ်မီ နည်းပညာတွေ ပေါင်းစပ်ထားလိုက်ပါတယ်။

နိုင်ငံတကာ

ဒီဖြစ်စဉ်မှာ ကွန်ဂိုရဲ့ Su-25 အမျိုးအစား တိုက်လေယာဉ်ဟာ လေပိုင်နက် ကျူးကျော်လာတာကြောင့် နည်းမှန်လမ်းမှန် တုံ့ပြန်ခဲ့တာလို့ ရဝမ်ဒါ စစ်တပ်က ပြောပါတယ်။

ဗီဒီယို

ရုရှားနိုင်ငံဆိုင်ရာ အမေရိကန် သံရုံးကတော့ အခုကိစ္စနဲ့ ပတ်သက်ပြီး အမေရိကန်ဟာ ရုရှားကို နောက်တစ်ကြိမ် ပေါ်ပေါ်ထင်ထင် ရန်စလိုက်တာ ဖြစ်တယ်လို့ စွပ်စွဲထားပါတယ်။

သတင်း

ကျုံဒိုးမြို့အနီးရှိ ကမ်းနီ၊ မိဂလုံ၊ ကော့ကာ၊ ကော့ကျိုက် စသောကျေးရွာများအတွင်းသို့ စစ်ကောင်စီတပ် စစ်ကြောင်းများမှ ယခုရက်ပိုင်းထဲ ဝင်ရောက်လာနေကြောင်း ဒေသခံများက ပြောသည်။