Connect with us

Hi, what are you looking for?

LuduNwayOo

နိုင်ငံတကာ

အမေရိကန် သမ္မတဟောင်း ထရမ့်ရဲ့ ဇနီးဟောင်း မတော်တဆမှုနဲ့ ကွယ်လွန်

အိုင်ဗာနာဟာ ထရမ့်မတိုင်ခင်က တစ်ကြိမ် လက်ထပ်ခဲ့ဖူးပြီး သူ့ရဲ့ ပထမဆုံး အိမ်ထောင်ဖက်က ဩစတြီးယား နှင်းလျှောစီး နည်းပြ အဲလ်ဖရက်ဒ် ဝင်ကယ်လ်မေယာ ဖြစ်ပါတယ်။ ဒါပေမဲ့ သူတို့နှစ်ဦးဟာ သူငယ်ချင်းတွေသာ ဖြစ်ကြပြီး အိုင်ဗာနာက အမေရိကန် နိုင်ငံသား ဖြစ်ခွင့် ရချင်လို့ စာချုပ်စာတမ်းအရ လက်ထပ်ခဲ့တာသာ ဖြစ်တယ်ဆိုတဲ့ ကောလာဟလတွေလည်း ထွက်ပေါ်ခဲ့ပါတယ်။

အမေရိကန် သမ္မတဟောင်း ထရမ့်ရဲ့ ဇနီးဟောင်း မတော်တဆမှုနဲ့ ကွယ်လွန်
အမေရိကန် သမ္မတဟောင်း ထရမ့်ရဲ့ ဇနီးဟောင်း မတော်တဆမှုနဲ့ ကွယ်လွန်

အမေရိကန် သမ္မတဟောင်း ဒေါ်နယ်လ်ထရမ့်ရဲ့ ဇနီးဟောင်းဖြစ်သူ သေဆုံးမှုဟာ မတော်တဆမှု သက်သက်သာ ဖြစ်တယ်လို့ စုံစမ်းစစ်ဆေးရေး အရာရှိတွေက ကြေညာခဲ့ပါတယ်။

အသက် ၇၃ နှစ်အရွယ် အိုင်ဗာနာ ထရမ့်ဟာ ရင်ဘတ်ကို ပြင်းပြင်းထန်ထန် ဆောင့်မိတဲ့ ဒဏ်ရာကြောင့် ကွယ်လွန်ခဲ့တာလို့ စစ်ဆေးမှု အစီရင်ခံစာမှာ ဖော်ပြထားပါတယ်။ အိုင်ဗာနာဟာ သမ္မတဟောင်း ထရမ့်ရဲ့ ပထမ ဇနီးဖြစ်ပြီး ဒေါ်နယ်လ်ထရမ့် ဂျူနီယာ၊ အိုင်ဗန်ကာ ထရမ့်နဲ့ အဲရစ်ထရမ့်ဆိုတဲ့ သားသမီး ၃ ယောက် ရရှိထားပါတယ်။

ချက်ကိုဆလိုဗက်ကီးယားမှာ မွေးဖွားခဲ့တဲ့ အိုင်ဗာနာဟာ ဘီလီယံနာ သူဌေးကြီး ထရမ့်နဲ့ ၁၉၇၇ ခုနှစ်မှာ လက်ထပ်ခဲ့ပြီး ၁၅ နှစ်အကြာ ၁၉၉၂ ခုနှစ်မှာ ကွာရှင်းခဲ့ပါတယ်။ အမေရိကန် မီဒီယာတွေရဲ့ ဖော်ပြချက်အရ အိုင်ဗာနာဟာ ဇူလိုင် ၁၄ ရက်မှာ နယူးယောက်မြို့၊ ကိုယ်ပိုင် တိုက်ခန်း လှေကားကနေ ခြေချော်ကျခဲ့တာလို့ သိရပါတယ်။

အိုင်ဗန်နာဟာ လှပပြီး ထူးခြားတဲ့၊ အံ့ဩစရာတွေ ပြည့်နှက်နေတဲ့ အမျိုးသမီး တစ်ဦးဖြစ်ပြီး သူ့ဘဝမှာ ကောင်းမွန် ခမ်းနားတဲ့ လွှမ်းမိုးမှုတွေ ရှိစေခဲ့တယ်လို့ သမ္မတဟောင်း ထရမ့်က အမှတ်တရ ဆိုပါတယ်။ ထရမ့် ဇနီးမောင်နှံဟာ ၁၉၈၀ နဲ့ ၁၉၉၀ ပြည့်လွန်နှစ်တွေ အတောအတွင်း နယူးယောက်မှာ လူသိများတဲ့ စုံတွဲဖြစ်ခဲ့သလို သူတို့ရဲ့ ကွာရှင်းမှု သတင်းကိုလည်း လူထုက အထူးတလည် စိတ်ဝင်စားခဲ့ပါတယ်။

Public Service Announcement

Public Service Announcement

အိုင်ဗာနာဟာ ထရမ့်မတိုင်ခင်က တစ်ကြိမ် လက်ထပ်ခဲ့ဖူးပြီး သူ့ရဲ့ ပထမဆုံး အိမ်ထောင်ဖက်က ဩစတြီးယား နှင်းလျှောစီး နည်းပြ အဲလ်ဖရက်ဒ် ဝင်ကယ်လ်မေယာ ဖြစ်ပါတယ်။ ဒါပေမဲ့ သူတို့နှစ်ဦးဟာ သူငယ်ချင်းတွေသာ ဖြစ်ကြပြီး အိုင်ဗာနာက အမေရိကန် နိုင်ငံသား ဖြစ်ခွင့် ရချင်လို့ စာချုပ်စာတမ်းအရ လက်ထပ်ခဲ့တာသာ ဖြစ်တယ်ဆိုတဲ့ ကောလာဟလတွေလည်း ထွက်ပေါ်ခဲ့ပါတယ်။

ဝင်ကယ်လ်မေယာနဲ့ လက်ထပ်လိုက်တဲ့အတွက် အိုင်ဗာနာ အနေနဲ့ ကွန်မြူနစ်ဝါဒ ကျင့်သုံးနေတဲ့ မိခင်နိုင်ငံကနေ တရားဝင် ထွက်ခွာခွင့် ရခဲ့ကြောင်းလည်း သိရပါတယ်။

ဆက်စပ်သတင်းများ

နိုင်ငံတကာ

ဇူလိုင် ၁၃ ရက်နေ့က ပယ်ဆယ်လ်ဗေးနီးယားမှာ ကျင်းပတဲ့ ရွေးကောက်ပွဲကြို မဲဆွယ်ပွဲမှာ ထရမ့်ဟာ လူတစ်ဦးရဲ့ ပစ်ခတ်လုပ်ကြံဖို့ အားထုတ်မှုနဲ့ ကြုံခဲ့ပြီး ညာဖက်နားရွက် အထက်နားမှာ ထိခိုက်ဒဏ်ရာ ရခဲ့ပါတယ်။

နိုင်ငံတကာ

ထရမ့်နဲ့ သူ့ရဲ့ ရီပတ်ဘလစ်ကန် ပါတီဟာ အမေရိကန်မှာ လက်နက်ကိုင်ဆောင်ခွင့် ထိန်းချုပ်ရေး တောင်းဆိုမှုတွေကို အစဉ်တစိုက် ဆန့်ကျင်ငြင်းဆန်ခဲ့ပါတယ်။

နိုင်ငံတကာ

မော်စကိုမြို့ တရားရုံးရဲ့ ဝရမ်းထုတ်ပြန်မှုကြောင့်တော့ သူဟာ ခင်ပွန်းဖြစ်သူ လျှောက်ခဲ့တဲ့လမ်းကို စွန့်ခွာမှာ မဟုတ်ကြောင်းလည်း ယူလီယာက ပြောကြားသွားပါတယ်။

နိုင်ငံတကာ

အမေရိကန် လွှတ်တော်ဖြစ်တဲ့ ကက်ပီတိုလ်ကို ထရမ့်ရဲ့ အမာခံ ကျောထောက်နောက်ခံ အင်အားစုတွေဖြစ်တဲ့ လက်ယာစွန်း အစုအဖွဲ့တွေက စီးနင်းထိန်းချုပ်ခဲ့တာဖြစ်ပြီး ထရမ့်ကတော့ အဲဒီဖြစ်စဉ်မှာ သူဟာ ဘယ်လို ပတ်သက် ဆက်နွှယ်မှုမှ မရှိဘူးလို့ အစဉ်တစိုက် ငြင်းဆိုထားပါတယ်။