Connect with us

Hi, what are you looking for?

LuduNwayOo

နိုင်ငံတကာ

အမေရိကန် လေတပ် F-35 တိုက်လေယာဉ်တစ်စီး ပျက်ကျ၊ လေယာဉ်မှူး လွတ်မြောက်

ကမ္ဘာပေါ်မှာ ခေတ်အမီဆုံး ဘက်စုံသုံး တိုက်လေယာဉ်အဖြစ် ညွှန်းဆိုခံထားရတဲ့ F-35 ပျက်ကျခဲ့တဲ့ အကြောင်းရင်းကိုတော့ အတိအကျ မသိရသေးပါဘူး။ အနီးအနားမှာ ရှိနေသူ တချို့ကတော့ လေယာဉ် အဆင်းမှာ ပျက်ကျသွားတာကို တွေ့လိုက်ကြောင်း ပြောပါတယ်။

အမေရိကန် လေတပ် F-35 တိုက်လေယာဉ်တစ်စီး ပျက်ကျ၊ လေယာဉ်မှူး လွတ်မြောက်
အမေရိကန် လေတပ် F-35 တိုက်လေယာဉ်တစ်စီး ပျက်ကျ၊ လေယာဉ်မှူး လွတ်မြောက်

အမေရိကန် လေတပ်ရဲ့ ခေတ်အမီဆုံး ဂျက်တိုက်လေယာဉ် တစ်စီး ပျက်ကျခဲ့ပြီး လေယာဉ်မှူးကတော့ အသက်ရှင် လွတ်မြောက်သွားခဲ့ပါတယ်။

F-35A Lightning II အမျိုးအစား ဂျက်တိုက်လေယာဉ်ဟာ အောက်တိုဘာ ၂၀ မနက်အစောပိုင်းက ယူတားပြည်နယ်၊ ဟေးလ် လေတပ်စခန်းရဲ့ ပြေးလမ်း အကျော်မှာ ပျက်ကျသွားခဲ့တာ ဖြစ်ပါတယ်။ လူမှုကွန်ရက်တွေပေါ်မှာတော့ လေယာဉ် ပေါက်ကွဲမီးလောင်လို့ မီးခိုးလုံးတွေ အူထွက်နေတာကို အဝေးက ရိုက်ကူးထားတဲ့ ဗီဒီယိုတွေ ပျံ့နှံ့ခဲ့ပါတယ်။

လေယာဉ်မှူးက ခုန်ထွက်လွတ်မြောက်ခဲ့ပြီး အခြေအနေ စိုးရိမ်စရာ မရှိကြောင်း၊ သူ့ကို အနီးအနားက ဆေးရုံတစ်ခုဆီ ခေါ်ဆောင်သွားပြီး ကျန်းမာရေး စစ်ဆေးမှုတွေ လုပ်ဆောင်ပေးခဲ့ကြောင်း ဟေးလ် လေတပ်စခန်းရဲ့ Twitter စာမျက်နှာမှာ ဖော်ပြထားပါတယ်။

ကမ္ဘာပေါ်မှာ ခေတ်အမီဆုံး ဘက်စုံသုံး တိုက်လေယာဉ်အဖြစ် ညွှန်းဆိုခံထားရတဲ့ F-35 ပျက်ကျခဲ့တဲ့ အကြောင်းရင်းကိုတော့ အတိအကျ မသိရသေးပါဘူး။ အနီးအနားမှာ ရှိနေသူ တချို့ကတော့ လေယာဉ် အဆင်းမှာ ပျက်ကျသွားတာကို တွေ့လိုက်ကြောင်း ပြောပါတယ်။

Public Service Announcement

Public Service Announcement

ပုံမှန်ဆိုရင် ပြေးလမ်းရဲ့ တောင်ဖက်ခြမ်းကနေ လေယာဉ်တွေ ဆင်းလာလေ့ ရှိပေမယ့် အခု F-35ကတော့ ရုတ်တရက် စက်ရပ်သွားဟန်ရှိပြီး ချက်ချင်း ထိုးဆင်းသွားခဲ့ကြောင်း မျက်မြင်တစ်ယောက်က ဆိုပါတယ်။ ဟေးလ် လေတပ်စခန်းဟာ အကျယ်အဝန်းနဲ့ အမှုထမ်း ဦးရေတွေအရ အမေရိကန်လေတပ်ရဲ့ ဒုတိယ အကြီးဆုံး အခြေစိုက် စခန်းလို့ သတ်မှတ်နိုင်ပါတယ်။

F-35တွေဟာ ရေဒါနဲ့ ထောက်လှမ်းမှုကို ရှောင်ကွင်းနိုင်တဲ့ ကိုယ်ပျောက်စွမ်းရည် မြင့်မြင့်မားမား ပါဝင်ပြီး အဆင့်မြင့် နည်းပညာတွေ အသုံးပြုထားတဲ့ ပဉ္စမမျိုးဆက် တိုက်လေယာဉ်တွေ ဖြစ်ပါတယ်။ အမေရိကန်ရယ်၊ အနီးစပ်ဆုံး မဟာမိတ် နိုင်ငံ အနည်းအကျဉ်းရယ်လောက်ကိုပဲ ဒီလေယာဉ်တွေ တင်ပို့တာဖြစ်ပြီး နည်းပညာ ပေါက်ကြားမှု မရှိအောင် ဘက်ပေါင်းစုံကနေ ကန့်သတ်ထားပါတယ်။

F-35မှာ မျိုးကွဲ ၃ ခု ရှိရာမှာ အခုပျက်ကျတဲ့ F-35Aကတော့ သာမန် ပြေးလမ်းတွေမှာသာ အတက်အဆင်း ပြုလုပ်နိုင်ပြီး လေတပ်အတွက် အဓိက ရည်ရွယ် တည်ဆောက်ထားတာ ဖြစ်ပါတယ်။ ကျန်တဲ့ မျိုးကွဲတွေကတော့ လေယာဉ်တင် သင်္ဘောတွေက ပြေးလမ်းတိုတွေနဲ့ အံဝင်မယ့် အမျိုးအစားရယ်၊ မရိန်းတပ်ဖွဲ့အတွက် ဒေါင်လိုက် အတက်အဆင်း လုပ်နိုင်တဲ့ အမျိုးအစားရယ် ဖြစ်ပါတယ်။ F-35 တိုက်လေယာဉ် တစ်စီးရဲ့ ပျမ်းမျှတန်ဖိုးဟာ ဒေါ်လာ သန်း ၁၀၀ ဝန်းကျင်လောက် ရှိကြောင်းလည်း သိရပါတယ်။

ဆက်စပ်သတင်းများ

နိုင်ငံတကာ

အီရန် မီဒီယာတွေကလည်း ရိုင်ဆီ သေဆုံးသွားပြီလို့ ဖော်ပြကြပေမယ့် အစိုးရဆီက တရားဝင် ကြေညာချက်တော့ ထွက်ပေါ်မလာသေးပါဘူး။

နိုင်ငံတကာ

ဗြိတိန် တပ်ဖွဲ့ဝင်တွေဟာ ဂါဇာမြေကို လုံးဝမနင်းဘဲ ကမ်းခြေထိ ထောက်ပံ့ရေး ပစ္စည်းတွေ လွှဲပြောင်း ပို့ဆောင်ပေးနေတဲ့ အမေရိကန် စစ်တပ်ရဲ့ မစ်ရှင်မှာ ပူးပေါင်း ကူညီပေးနေပါတယ်။

နိုင်ငံတကာ

အစ္စရေး စစ်တပ် (IDF)ရဲ့ ပြောရေးဆိုခွင့်ရ အရာရှိ ဒန်နီရယ်လ် ဟာဂါရီကလည်း အမေရိကန်ဆီက စစ်လက်နက် အထောက်အပံ့တွေ ရပ်ဆိုင်းထားရင်တောင်မှ ရာဖားဟ်ထိုးစစ်အတွက် စစ်လက်နက် ရင်းမြစ် အလုံအလောက် ပိုင်ဆိုင်ထားပြီး ဖြစ်တယ်လို့ မှတ်ချက်ပေးသွားခဲ့ပါတယ်။

နိုင်ငံတကာ

လက်ရှိ အစ္စရေးဟာ ရာဖားဟ်မှာ လေကြောင်းတိုက်ခိုက်မှုတွေ အပါအဝင် ကန့်သတ်စစ်ဆင်ရေးတချို့ လုပ်ဆောင်နေပေမယ့် မြေပြင်ထိုးစစ်ကြီး အဆင့်ထိ ရောက်နေပြီလို့ အမေရိကန်က သတ်မှတ်မထားသေးကြောင်းလည်း ဘိုင်ဒန်က ဆိုပါတယ်။