Connect with us

Hi, what are you looking for?

LuduNwayOo

နိုင်ငံတကာ

အင်ဒိုနီးရှား ငလျင်ကြောင့် သေဆုံးသူ ၃၀၀ ကျော်လွန်လာ

နိုဝင်ဘာ ၂၅ ရက်က ကယ်ဆယ်ရေး အဖွဲ့တွေဟာ ကွန်ကရစ်အလွှာ ၃ ခုအောက်မှာ ပိမိနေတဲ့ အသက် ၇ နှစ်အရွယ် မိန်းကလေး တစ်ဦးကို အစွမ်းကုန် ကယ်ထုတ်ခဲ့ကြပေမယ့် ရုပ်အလောင်းသာ ပြန်ရခဲ့တာကြောင့် ရင်ကွဲခဲ့ကြရပါတယ်။ နောက်တစ်နေ့မှာတော့ အသေအပျောက် ကိန်းဂဏန်းက ၃၁၀ ထိ မြင့်တက်လာခဲ့ပါတယ်။

အင်ဒိုနီးရှား ငလျင်ကြောင့် သေဆုံးသူ ၃၀၀ ကျော်လွန်လာ
အင်ဒိုနီးရှား ငလျင်ကြောင့် သေဆုံးသူ ၃၀၀ ကျော်လွန်လာ

အင်ဒိုနီးရှား ငလျင်ကြောင့် သေဆုံးသူ ဦးရေဟာ ၃၀၀ ကျော်လွန်သွားပြီလို့ ကယ်ဆယ်ရေး အဖွဲ့တွေက အတည်ပြု ပြောကြားခဲ့ပါတယ်။

အခု သီတင်းပတ် အစောပိုင်းက အနောက်ဂျာဗား ဒေသမှာရှိတဲ့ ဆီယန်ဂျာမြို့မှာ ရစ်ချ်တာစကေး ၅.၆ အဆင့် ငလျင်တစ်ခု လှုပ်ခတ်ခဲ့တာကြောင့် အိမ်ခြေ သောင်းနဲ့ချီ ပြိုကျ ပျက်စီးခဲ့သလို လူတွေလည်း အသေအပျောက် များပြားခဲ့ပါတယ်။ အစောပိုင်းမှာ အင်ဒိုနီးရှား အစိုးရက ငလျင်ကြောင့် လူ ၆၀ ကျော် သေဆုံးကြောင်း ထုတ်ပြန်ခဲ့ပေမယ့် အပျက်အစီးပုံတွေအောက်က အလောင်းတွေကို နေ့စဉ်ရက်ဆက် တွေ့ရှိလာရတာ ဖြစ်ပါတယ်။

နိုဝင်ဘာ ၂၅ ရက်က ကယ်ဆယ်ရေး အဖွဲ့တွေဟာ ကွန်ကရစ်အလွှာ ၃ ခုအောက်မှာ ပိမိနေတဲ့ အသက် ၇ နှစ်အရွယ် မိန်းကလေး တစ်ဦးကို အစွမ်းကုန် ကယ်ထုတ်ခဲ့ကြပေမယ့် ရုပ်အလောင်းသာ ပြန်ရခဲ့တာကြောင့် ရင်ကွဲခဲ့ကြရပါတယ်။ နောက်တစ်နေ့မှာတော့ အသေအပျောက် ကိန်းဂဏန်းက ၃၁၀ ထိ မြင့်တက်လာခဲ့ပါတယ်။

သေဆုံးသူတွေထဲမှာ ကလေးငယ် အများအပြား ပါဝင်ခဲ့ပြီး ကျောင်းတစ်ခု ပြိုကျတဲ့ နေရာမှာတင် ကလေး ၂၀ ကျော် အသက်ဆုံးရှုံးခဲ့ပါတယ်။ ကယ်ဆယ်ရေး အဖွဲ့တွေက နောက်ထပ် ပျောက်ဆုံးနေသူ ၂ ဒါဇင်ကျော်လောက်ကို ဖြန့်ကျက် ရှာဖွေနေဆဲ ဖြစ်ပါတယ်။ ဒါပေမဲ့ ငလျင်ကြောင့် လမ်းပန်း ဆက်သွယ်ရေး ပြတ်တောက်မှုတွေ ကြုံတွေ့နေရပြီး လုပ်ငန်း ဆောင်ရွက်ရာမှာ အခက်အခဲ အတားအဆီးတွေနဲ့ ရင်ဆိုင်နေရပါတယ်။

အင်ဒိုနီးရှားဟာ ပစိဖိတ် မီးကွင်း ဒေသလို့ ခေါ်ဝေါ်တဲ့ ရေအောက်မီးတောင် ရပ်ဝန်းနဲ့ ဆက်စပ် တည်ရှိတဲ့ ကျွန်းစုနိုင်ငံတစ်ခု ဖြစ်တာကြောင့် ငလျင် လှုပ်ခတ်မှုတွေနဲ့ မကြာခဏ ကြုံရလေ့ ရှိပါတယ်။ ဒါပေမဲ့ အခုငလျင်ကတော့ လူနေထူထပ် သိပ်သည်းတဲ့ ဧရိယာကို ဗဟိုပြုခဲ့တာကြောင့် အသေအပျောက် များပြားနေရတာပါ။ နောက်ပြီး တောင်ကုန်း တောင်စောင်းတွေ ထူထပ် များပြားတာကြောင့် နောက်ဆက်တွဲ မြေပြိုမှုတွေ ဖြစ်မှာကိုပါ စိုးရိမ်နေရဆဲလို့ သိရပါတယ်။

You May Also Like

နိုင်ငံတကာ

သွေးသံရဲရဲ ဖြစ်နေတဲ့ မိန်းကလေးကို သူငယ်ချင်းတွေက ရေထဲကနေ ရအောင် ဆွဲတင်ပြီး အသက်ပြန်ရှင်အောင် နည်းလမ်းပေါင်းစုံနဲ့ ကြိုးစားခဲ့ပေမယ့် ဒဏ်ရာ ပြင်းလွန်းတာကြောင့် လက်လွှတ်လိုက်ရတာ ဖြစ်ပါတယ်။

သတင်း

တကောင်းနီကယ်စက်ရုံဂိတ်ကိုယမန်နေ့(ဖေဖော်ဝါရီ၃ ရက်)ညနေ ၃ နာရီခန့်တွင်ပြည်သူ့ကာကွယ်ရေးရဲဘော်များကမိုင်းဆွဲတိုက်ခိုက်ခဲ့ခြင်းဖြစ်သည်။

သတင်း

မြန်မာ့အရေးကို နည်းလမ်း ၃ သွယ် ချမှတ်ပြီး ဖြေရှင်းဖို့စီစဉ်ထားတယ်လို့ မနေ့က ဂျာကာတာမြို့မှာ ကျင်းပတဲ့ အာဆီယံ နိုင်ငံခြားရေးဝန်ကြီးများအစည်းအဝေးအပြီး သတင်းစာရှင်းလင်းပွဲမှာ အင်ဒို နိုင်ငံခြားရေးဝန်ကြီးက အသိပေးလိုက်တာပါ။

သတင်း

အဆိုပါ စစ်ကောင်စီတပ်အား နံနက် ၉ နာရီခွဲခန့်တွင် တိုက်နယ်စွန်(စွန်) PDFအဖွဲ့က တပ်စိတ်တစ်စိတ်ဖြင့် သွားရောက်တိုက်ခိုက်ခဲ့ကြသည်။