Connect with us

Hi, what are you looking for?

LuduNwayOo

နိုင်ငံတကာ

ရွေးကောက်ပွဲရှုံးလို့ ပြိုင်ဘက်တွေရဲ့ နေအိမ်တွေကို လူငှားပြီး ပစ်ခတ်စေခဲ့တဲ့ လွှတ်တော် ကိုယ်စားလှယ်လောင်း

ပစ်ခတ်မှု ဖြစ်ပွားရာ နေရာတစ်ခုဖြစ်တဲ့ အယ်လ်ဘူကာကာ မြို့ရဲ့ မြို့တော်ဝန် တင်မ်ကယ်လာက အခုကိစ္စဟာ နိုင်ငံရေး အစွန်းရောက်မှုတွေရဲ့ အကျိုးဆက် တစ်ခုလို့ ဝေဖန်ခဲ့ပြီး ဒီလို ကိစ္စမျိုးတွေကို ပြတ်ပြတ်သားသား တွန်းလှန်ဖို့ အရေးကြီးတယ်လို့ ပြောကြားသွားခဲ့ပါတယ်။

ရွေးကောက်ပွဲရှုံးလို့ ပြိုင်ဘက်တွေရဲ့ နေအိမ်တွေကို လူငှားပြီး ပစ်ခတ်စေခဲ့တဲ့ လွှတ်တော် ကိုယ်စားလှယ်လောင်း
ရွေးကောက်ပွဲရှုံးလို့ ပြိုင်ဘက်တွေရဲ့ နေအိမ်တွေကို လူငှားပြီး ပစ်ခတ်စေခဲ့တဲ့ လွှတ်တော် ကိုယ်စားလှယ်လောင်း

ရွေးကောက်ပွဲမှာ အရေးနိမ့်ခဲ့တဲ့ အမေရိကန် လွှတ်တော် ကိုယ်စားလှယ်လောင်း တစ်ဦးဟာ ဒေသတွင်းက ပြိုင်ဘက်ပါတီဝင်တွေရဲ့ နေအိမ်တွေကို သေနတ်နဲ့ လိုက်ပစ်စေခဲ့တာကြောင့် အဖမ်းခံခဲ့ရပါတယ်။

နယူးမက္ကဆီကို ပြည်နယ်က ရီပတ်ဘလစ်ကန်ပါတီ ကိုယ်စားပြု အောက်လွှတ်တော်အမတ် ဆိုလိုမန် ပီနာဟာ ရွေးကောက်ပွဲမှာ ရှုံးနိမ့်မှုကို မကျေနပ်တာကြောင့် ပြိုင်ဘက် ဒီမိုကရက် ပါတီရဲ့ အထက်လွှတ်တော်နဲ့ အောက်လွှတ်တော် ကိုယ်စားလှယ်တွေ နေထိုင်ရာ အိမ်တွေကို ပစ်ခတ်ဖို့ လူ ၄ ဦးကို အခကြေးငွေပေး ငှားရမ်းခဲ့ပါတယ်။

အဲဒီ ပစ်ခတ်မှု ၄ ကြိမ်အတွင်း လူတွေ ထိခိုက်ဒဏ်ရာရတာမျိုးတော့ မရှိခဲ့ပေမယ့် ဇန်နဝါရီ ၁၆ ရက်မှာ နယူးမက္ကဆီကို ပြည်နယ် ရဲတပ်ဖွဲ့က ပီနာကို ဖမ်းဆီးခဲ့ပါတယ်။ ဒီကိစ္စမှာ ပီနာဟာ နိုဝင်ဘာလ ရွေးကောက်ပွဲ ရှုံးနိမ့်မှု ရလဒ်ကို မကျေနပ်လို့ ကျူးလွန်တာမျိုး ဖြစ်နိုင်ကြောင်း ရဲတွေက ပြောပါတယ်။

ပီနာဟာ ပြည်နယ်ရဲ့ အောက်လွှတ်တော် ကိုယ်စားလှယ်ဖြစ်သူ ဒီမိုကရက် ပါတီဝင် မီဂွယ်လ် ဂါစီယာကို စိန်ခေါ်ခဲ့ပေမယ့် မဲအရေအတွက် ၇၄-၂၆ ရာခိုင်နှုန်းဆိုတဲ့ ကြီးမားတဲ့ အချိုးအစားနဲ့ ရှုံးနိမ့်ခဲ့ရပါတယ်။ ပီနာက ဒါကို မကျေနပ်ဘဲ ဒေသဆိုင်ရာ ရွေးကောက်ပွဲ ကော်မရှင်မှာ အကြိမ်ကြိမ် စောဒက တက်ခဲ့သလို မဲလိမ်မှုတွေ ရှိခဲ့တယ်လို့လည်း စွပ်စွဲခဲ့ကြောင်း ရဲတွေက ဆိုပါတယ်။

အခုအခါမှာတော့ သူဟာ အခကြေးငွေပေးပြီး သေနတ်သမားတွေ ငှားရမ်းခဲ့တဲ့ ကိစ္စအတွက် စစ်ဆေး မေးမြန်းမှုတွေ ခံယူနေရပါပြီ။ ပီနာဟာ အမေရိကန် သမ္မတဟောင်း ဒေါ်နယ်လ်ထရမ့်ကို အမာခံ အားပေး ထောက်ခံသူ တစ်ဦးဖြစ်ပါတယ်။ ထရမ့် ကိုယ်တိုင်လည်း ၂၀၂၀ ပြည့်နှစ် ရွေးကောက်ပွဲမှာ ရှုံးနိမ့်တုန်းက မဲမသမာမှုတွေ ရှိတယ်ဆိုပြီး စွပ်စွဲခဲ့ဖူးပါတယ်။

ပစ်ခတ်မှု ဖြစ်ပွားရာ နေရာတစ်ခုဖြစ်တဲ့ အယ်လ်ဘူကာကာ မြို့ရဲ့ မြို့တော်ဝန် တင်မ်ကယ်လာက အခုကိစ္စဟာ နိုင်ငံရေး အစွန်းရောက်မှုတွေရဲ့ အကျိုးဆက် တစ်ခုလို့ ဝေဖန်ခဲ့ပြီး ဒီလို ကိစ္စမျိုးတွေကို ပြတ်ပြတ်သားသား တွန်းလှန်ဖို့ အရေးကြီးတယ်လို့ ပြောကြားသွားခဲ့ပါတယ်။

You May Also Like

သတင်း

တရားမဝင်ရွေးကောက်ပွဲ ဆန့်ကျင်ရေး ပူးပေါင်းလုပ်ငန်းကော်မတီကို အမျိုးသားညီညွတ်ရေးအတိုင်ပင်ခံကောင်စီ (NUCC) နှင့် အမျိုးသားညီညွတ်ရေးအစိုးရ (NUG) တို့မှ ကိုယ်စားလှယ်များပါဝင်မှုဖြင့် ဖွဲ့စည်းထားခြင်းဖြစ်သည်။

သတင်း

အဲဒီကော်မတီဟာ ဇန်နဝါရီလ ၂၅ ရက်မှာ NLD ပါတီ ဗဟိုအလုပ်ကော်မတီ ၊ သပိတ်အင်အားစုတွေနဲ့ သီးခြားစီတွေ့ဆုံခဲ့တယ်လို့ NUG ဘက်က ဒီနေ့မှာ အသိပေးပါတယ်။

သတင်း

၂၀၂၁ ဖေဖော်ဝါရီ ၁ရက်တွင် စစ်ကောင်စီက ၂၀၂၀ အထွေထွေရွေးကောက်ပွဲအတွင်း မဲမသမာမှုရှိသည်ဟုစွပ်စွဲကာ ပြည်သူလူထု၏ ဆန္ဒကို လေးစားလိုက်နာမှုမရှိဘဲ နိုင်ငံတော်အာဏာကို အတင်းအဓမ္မသိမ်းယူခဲ့ခြင်းဟု KNDF က သတ်မှတ်သည်။

သတင်း

အာဏာသိမ်းစစ်ကောင်စီက ၎င်းတို့ကျင်းပပြုလုပ်မည့် ရွေးကောက်ပွဲအတွက် ကြိုတင်ပြင်ဆင်မှုများစတင်ဆောင်ရွက်နေပြီး မြေပြင်ကွင်းဆင်းဆောင်ရွက်ပေးနေသည့် စစ်အုပ်စုကိုလည်း တော်လှန်ရေးအင်အားစုများက တန်ပြန်သတိပေးအရေးယူမှုများ ပြုလုပ်နေပြီဖြစ်သည်။