Connect with us

Hi, what are you looking for?

LuduNwayOo

နိုင်ငံတကာ

ယူကရိန်း စစ်ပွဲမှာ ပါဝင်တိုက်ခိုက်နေတဲ့ ရုရှားကြေးစားတပ်ကို ရာဇဝတ်ဂိုဏ်းအဖြစ် အမေရိကန် သတ်မှတ်

နိုဝင်ဘာ ၁၈ နဲ့ ၁၉ ရက်က ရိုက်ကူးထားတယ်ဆိုတဲ့ ဓာတ်ပုံတွေမှာ မြောက်ကိုရီးယားက ပြန်ထွက်လာတဲ့ ရုရှား ရထားတွဲတွေဟာ ပခုံးထမ်း လောင်ချာနဲ့ ဒုံးကျည်တွေ တင်ဆောင်လာတာကို တွေ့ရပါတယ်။

ယူကရိန်း စစ်ပွဲမှာ ပါဝင်တိုက်ခိုက်နေတဲ့ ရုရှားကြေးစားတပ်ကို ရာဇဝတ်ဂိုဏ်းအဖြစ် အမေရိကန် သတ်မှတ်
ယူကရိန်း စစ်ပွဲမှာ ပါဝင်တိုက်ခိုက်နေတဲ့ ရုရှားကြေးစားတပ်ကို ရာဇဝတ်ဂိုဏ်းအဖြစ် အမေရိကန် သတ်မှတ်

ယူကရိန်း စစ်ပွဲမှာ ထဲထဲဝင်ဝင် ပါဝင်တိုက်ခိုက်နေတဲ့ ရုရှား ပုဂ္ဂလိက ကြေးစားတပ် Wagnerကို အမေရိကန်က ရာဇဝတ်ဂိုဏ်း တစ်ခုအဖြစ် သတ်မှတ် ကြေညာလိုက်ပါတယ်။

အမေရိကန် အစိုးရ ရုံးစိုက်ရာ အိမ်ဖြူတော်ရဲ့ အမျိုးသား လုံခြုံရေးဆိုင်ရာ ပြောရေးဆိုခွင့်ရ အရာရှိ ဂျွန်ကာဘီက ရုရှား သမ္မတ ဗလာဒီမာ ပူတင်နဲ့ ရင်းနှီးတဲ့ လုပ်ငန်းရှင် သူဌေးကြီး ယက်ဗ်ဂျီနီ ပရိုင်ဂေါ့ဇင် ထိန်းချုပ်ထားရာ Wagner ပုဂ္ဂလိက စစ်တပ် ကုမ္ပဏီကို နယ်စပ်ဖြတ်ကျော် ရာဇဝတ် ဂိုဏ်းတစ်ခုအဖြစ် အမေရိကန်က သတ်မှတ်သွားမယ်လို့ အတည်ပြုခဲ့ပါတယ်။

ဒါဟာ Wagnerအပေါ် အမေရိကန်ရဲ့ ထိထိရောက်ရောက် ပြင်းပြင်းထန်ထန် ဖိအားပေးမှု တစ်ခုလို့လည်း ဆိုနိုင်ပါတယ်။ ပရိုင်ဂေါ့ဇင်ဟာ ရုရှားမှာ ထောင်ကျနေတဲ့ ရာဇဝတ်သား၊ အကျဉ်းသားတွေကို ယူကရိန်း ကျူးကျော်စစ်ပွဲမှာ ပါဝင်တိုက်ခိုက်ပေးရင် ပြစ်ဒဏ်က လွတ်မြောက်ခွင့် ပေးမယ်လို့ လိုက်လံ စည်းရုံးခဲ့ပါတယ်။ ဒါကြောင့်လည်း ယူကရိန်းကို ရောက်လာတဲ့ Wagner ကြေးစား စစ်သားတွေဟာ အရပ်သား ပြည်သူတွေအပေါ် ကျင့်ဝတ်သိက္ခာမဲ့တဲ့ အဓမ္မ လုပ်ရပ်တွေ ပိုမို ကျူးလွန်လေ့ ရှိတယ်လို့ ယူကရိန်း အစိုးရက စွပ်စွဲထားပါတယ်။

ကာဘီက ယူကရိန်း စစ်မြေပြင်မှာ Wagner အဖွဲ့သား ၅၀၀၀၀ ဝန်းကျင်လောက် ပါဝင် တိုက်ခိုက်နေပြီး ၈၀ ရာခိုင်နှုန်းဟာ ထောင်ထွက်တွေ ဖြစ်တယ်လို့ ပြောပါတယ်။ Wagnerဟာ ကြမ်းကြုတ် ရက်စက်မှုနဲ့ လူ့အခွင့်အရေး ချိုးဖောက်မှုတွေကို ကျယ်ကျယ်ပြန့်ပြန့် ကျူးလွန်နေတဲ့ ရာဇဝတ်ဂိုဏ်း တစ်ခုဆိုတာ သံသယရှိဖို့ မလိုကြောင်းလည်း သူက ဆိုပါတယ်။

အမေရိကန် အစိုးရဟာ Wagnerကို ထောက်ပံ့ကူညီနေတဲ့ အဖွဲ့အစည်းတွေကို မနားမနေ စုံစမ်းဖော်ထုတ် အရေးယူသွားမယ်လို့လည်း သူက ပြောပါသေးတယ်။ ပြီးတော့ ကာဘီက မြောက်ကိုရီးယား နိုင်ငံဟာ ယူကရိန်းနဲ့ စစ်ပွဲအတွက် Wagner အဖွဲ့ဆီ စစ်လက်နက်တွေ ထောက်ပံ့ရောင်းချနေကြောင်း ထောက်လှမ်းရေး အချက်အလက် ဓာတ်ပုံတချို့ကိုလည်း သတင်းထောက်တွေဆီ ပြသခဲ့ပါသေးတယ်။

နိုဝင်ဘာ ၁၈ နဲ့ ၁၉ ရက်က ရိုက်ကူးထားတယ်ဆိုတဲ့ ဓာတ်ပုံတွေမှာ မြောက်ကိုရီးယားက ပြန်ထွက်လာတဲ့ ရုရှား ရထားတွဲတွေဟာ ပခုံးထမ်း လောင်ချာနဲ့ ဒုံးကျည်တွေ တင်ဆောင်လာတာကို တွေ့ရပါတယ်။

အမေရိကန်က နယ်စပ်ဖြတ်ကျော် ရာဇဝတ်ဂိုဏ်းအဖြစ် သတ်မှတ်တာ ခံလိုက်ရတာနဲ့ ပတ်သက်လို့ Wagnerရဲ့ ခေါင်းဆောင် ပရိုင်ဂေါ့ဇင်ကတော့ ဘာမှတ်ချက်မှ မပေးသေးပါဘူး။ အဲဒီ သတ်မှတ်ချက်ဟာ အီတလီရဲ့ မာဖီးယား အဖွဲ့ကြီးနဲ့ ဂျပန်၊ ရုရှားတို့က ဂိုဏ်းဂဏ ရာဇဝတ် ကွန်ရက်တွေနဲ့ တစ်တန်းတည်း ထားရှိလိုက်ခြင်းလည်း ဖြစ်ပါတယ်။

You May Also Like

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

သတင်း

ယနေ့(ဖေဖော်ဝါရီ ၄ ရက်) နံနက် ၁နာရီက ဝင်ရောက်စီးနင်းခဲ့သည့် စစ်ကောင်စီစခန်းမှာ စစ်ကိုင်း - မုံရွာလမ်းပေါ်ရှိ ထီးဆောင်းကျေးရွာ၌ အထိုင်ချထားကြောင်း ၎င်းက ဆိုသည်။

နိုင်ငံတကာ

ဂျာမနီဟာ ယူကရိန်းနဲ့ ဥရောပ မဟာမိတ်တွေရဲ့ အစဉ်တစိုက် ဖိအားပေး တောင်းဆိုမှုတွေကို ပြီးခဲ့တဲ့ လကမှ လိုက်လျော သဘောတူပြီး ကိုယ်တိုင်က Leopard 2 ၁၄ စီးပေးပို့မယ့်အပြင် တခြားနိုင်ငံတွေက ဝယ်ယူထားတဲ့ Leopard 2တွေ ယူကရိန်းဆီ လက်လွှဲပေးဖို့ကိုပါ ခွင့်ပြုခဲ့ပါတယ်။

သတင်း

ယမန်နေ့(ဖေဖော်ဝါရီ ၂)ည ၇ နာရီ ၅၀မိနစ်ခန့်က ဝေါမြို့နယ် မြစ်ကျိုးကျေးရွာရှိ စစ်ကောင်စီလက်အောက်ခံ နယ်မြေရဲစခန်းအား KNLA၊ PDF ပူးပေါင်းတပ်များက ဒရုန်းဖြင့် ဗုံးသီးတစ်လုံးပစ်ချကာ ဖောက်ခွဲတိုက်ခိုက်ခဲ့ခြင်းဖြစ်သည်ဟု ဆိုသည်။