Connect with us

Hi, what are you looking for?

LuduNwayOo

နိုင်ငံတကာ

အမေရိကန်က အစ္စရေး သံရုံးရှေ့မှာ လူတစ်ဦး ကိုယ့်ကိုယ်ကိုယ် မီးတင်ရှို့

သံရုံးကတော့ အခုဖြစ်စဉ်မှာ ဝန်ထမ်းတွေ ထိခိုက်ဒဏ်ရာရတာမျိုး မရှိခဲ့ဘူးလို့ ကြေညာခဲ့ပါတယ်။ အခုကိစ္စမှာ ကိုယ့်ကိုယ်ကိုယ် မီးတင်ရှို့တာဟာ ဂါဇာစစ်ပွဲနဲ့ ပတ်သက်လို့ အစ္စရေးကို ဆန္ဒပြတာလား၊ တခြားရည်ရွယ်ချက် တစ်ခုခုကြောင့်လား ဆိုတာကို ကွဲကွဲပြားပြား မသိရသေးပါဘူး။

အမေရိကန်က အစ္စရေး သံရုံးရှေ့မှာ လူတစ်ဦး ကိုယ့်ကိုယ်ကိုယ် မီးတင်ရှို့
အမေရိကန်က အစ္စရေး သံရုံးရှေ့မှာ လူတစ်ဦး ကိုယ့်ကိုယ်ကိုယ် မီးတင်ရှို့

အမေရိကန်နိုင်ငံဆိုင်ရာ အစ္စရေး သံရုံးရှေ့မှာ လူတစ်ဦးက ကိုယ့်ကိုယ်ကိုယ် မီးတင်ရှို့မှု ဖြစ်ပွားခဲ့ကြောင်း သိရပါတယ်။

ဝါရှင်တန်ဒီစီ မြို့တော်က သံရုံးရှေ့မှာ ဖေဖော်ဝါရီ ၂၅ ရက်နေ့ နေ့လယ်ပိုင်းလောက်တုန်းက အခုလိုမျိုး ထိတ်လန့်စရာ အခြေအနေနဲ့ ကြုံခဲ့တာလို့ ကယ်ဆယ်ရေး ဝန်ထမ်းတွေက ပြောပါတယ်။ ဝါရှင်တန် ဒီစီ မြို့တော် မီးသတ်ဌာနက လုံခြုံရေး တပ်ဖွဲ့ဝင်တွေဟာ အဲဒီ အမျိုးသားရဲ့ ခန္ဓာကိုယ်ပေါ်က မီးတွေကို ငြှိမ်းသတ်ပေးပြီးတဲ့နောက် ဆေးရုံကို အမြန်ဆုံး ပို့ဆောင်ခဲ့ကြောင်း ဆိုပါတယ်။ သူဟာ ခန္ဓာကိုယ်အနှံ့ အပြင်းအထန် မီးလောင်ပြီး အသက်အန္တရာယ် စိုးရိမ်ရနိုင်တဲ့ ဒဏ်ရာတွေ ရထားကြောင်းလည်း သိရပါတယ်။

ဝါရှင်တန်ဒီစီ ရဲတပ်ဖွဲ့က အခုဖြစ်စဉ်နဲ့ ပတ်သက်လို့ အထူးထောက်လှမ်းရေး အေးဂျင့်တွေနဲ့အတူ ပူးပေါင်းစုံစမ်းမှုတွေ လုပ်ဆောင်နေတယ်လို့ ပြောပါတယ်။

ဖြစ်စဉ်မှာ ပါဝင်ပတ်သက်သူ ဘယ်သူဘယ်ဝါ ဆိုတာကို အတိအကျ မထုတ်ပြန်ပေမယ့် သံရုံးဝန်ထမ်းတွေ သိကျွမ်းသူ တစ်ဦးလို့ အစ္စရေး သံရုံးက အတည်ပြုထားပါတယ်။

Public Service Announcement

Public Service Announcement

ကိုယ့်ကိုယ်ကိုယ် မီးရှို့သူနဲ့ ပတ်သက်တဲ့ မသင်္ကာစရာ ကားတစ်စီးကိုလည်း တွေ့ရှိခဲ့တဲ့နောက် ဗုံးရှင်းလင်းရေး အဖွဲ့တွေကို စေလွှတ်ခဲ့ပါတယ်။ ဒါပေမဲ့ ကားထဲမှာတော့ ဘယ်လို အန္တရာယ်ပေးနိုင်တဲ့ ပစ္စည်းမှ ရှိမနေခဲ့ပါဘူး။

သံရုံးကတော့ အခုဖြစ်စဉ်မှာ ဝန်ထမ်းတွေ ထိခိုက်ဒဏ်ရာရတာမျိုး မရှိခဲ့ဘူးလို့ ကြေညာခဲ့ပါတယ်။ အခုကိစ္စမှာ ကိုယ့်ကိုယ်ကိုယ် မီးတင်ရှို့တာဟာ ဂါဇာစစ်ပွဲနဲ့ ပတ်သက်လို့ အစ္စရေးကို ဆန္ဒပြတာလား၊ တခြားရည်ရွယ်ချက် တစ်ခုခုကြောင့်လား ဆိုတာကို ကွဲကွဲပြားပြား မသိရသေးပါဘူး။

အမေရိကန်မှာရှိတဲ့ အစ္စရေး သံတမန်ရေးရာ မစ်ရှင်တွေရှေ့မှာ ကိုယ့်ကိုယ်ကိုယ် မီးတင်ရှို့တဲ့ ဖြစ်စဉ်မျိုးက ဒါဟာ ပထမဆုံး အကြိမ်တော့ မဟုတ်ပါဘူး။ ဒီဇင်ဘာလတုန်းကလည်း ဂျော်ဂျီယာ ပြည်နယ်မှာရှိတဲ့ အစ္စရေး ကောင်စစ်ဝန်ရုံးရှေ့မှာ ဆန္ဒပြသူ တစ်ဦးက ကိုယ့်ကိုယ်ကိုယ် မီးရှို့ခဲ့ဖူးပါတယ်။ နောက်ပိုင်းမှာတော့ ရဲတွေက ဆန္ဒပြသူဟာ မီးရှို့ဖို့အတွက် ဓာတ်ဆီကို အသုံးပြုခဲ့ကြောင်းနဲ့ အနီးမှာ ပါလက်စတိုင်း အလံတစ်ခု တွေ့ရကြောင်း ကြေညာပါတယ်။ အသက်အန္တရာယ် အလေးအနက် စိုးရိမ်ရတဲ့ထိ အပြင်းအထန် ဒဏ်ရာရသွားခဲ့တဲ့ ဆန္ဒပြသူက အမျိုးသားလား၊ အမျိုးသမီးလား ဆိုတာကိုတော့ အဲဒီတုန်းက ရဲတွေက တိတိကျကျ မပြောခဲ့ပါဘူး။

ကိုးကား: BBC

ဆက်စပ်သတင်းများ

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

နိုင်ငံတကာ

အစ္စရေးနဲ့ အီရန်ကြားမှာ တိုက်ရိုက် ပဋိပက္ခဖြစ်မယ့် အလားအလာက လျော့ကျသွားပြီ ဆိုပေမယ့် အီရန်ရဲ့ လက်ဝေခံ လက်နက်ကိုင် အဖွဲ့အစည်းတွေနဲ့ အီရန်ကြား တိုက်ခိုက်မှုတွေကတော့ အရှေ့အလယ်ပိုင်း ဒေသအနှံ့ ဆက်လက် ဖြစ်ပွားနေပါတယ်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။

နိုင်ငံတကာ

အစ္စ္စရေးနဲ့ အီရန်တို့ဟာ ခါးသီးရန်ဘက်တွေအဖြစ် ကာလရှည်ကြာ ရပ်တည်ခဲ့ပေမယ့် နှစ်နိုင်ငံကြား အတိအလင်း ကိုယ်ထိလက်ရောက် စစ်ပြုတိုက်ခိုက်တာမျိုးကတော့ ဧပြီ ၁၃ ရက်ဖြစ်စဉ်ဟာ ပထမဆုံးလို့ သိရပါတယ်။