Connect with us

Hi, what are you looking for?

LuduNwayOo

နိုင်ငံတကာ

အစ္စရေး သံရုံးရှေ့မှာ ကိုယ့်ကိုယ်ကိုယ် မီးရှို့ ဆန္ဒပြခဲ့တဲ့ အမေရိကန် လေတပ်သား သေဆုံး

အစ္စရေး သံရုံးက အခုဆန္ဒပြမှုအပေါ် သဘောထားမှတ်ချက် မပေးခဲ့ပေမယ့်လည်း သံရုံးဝန်ထမ်းတွေ ထိခိုက်ဒဏ်ရာရမှု လုံးဝ မရှိခဲ့ဘူးလို့တော့ အတည်ပြုသွားပါတယ်။

အစ္စရေး သံရုံးရှေ့မှာ ကိုယ့်ကိုယ်ကိုယ် မီးရှို့ ဆန္ဒပြခဲ့တဲ့ အမေရိကန် လေတပ်သား သေဆုံး
အစ္စရေး သံရုံးရှေ့မှာ ကိုယ့်ကိုယ်ကိုယ် မီးရှို့ ဆန္ဒပြခဲ့တဲ့ အမေရိကန် လေတပ်သား သေဆုံး

အစ္စရေး သံရုံးရှေ့မှာ ကိုယ့်ကိုယ်ကိုယ် မီးရှို့ ဆန္ဒပြခဲ့တဲ့ အမေရိကန် လေတပ်သားဟာ ပြင်းထန်လွန်းတဲ့ ဒဏ်ရာတွေကြောင့် ကွယ်လွန်သွားကြောင်း သိရပါတယ်။

ရဲတပ်ဖွဲ့နဲ့ လေတပ်တို့က ဝါရှင်တန်ဒီစီ မြို့တော်က အစ္စရေး သံရုံးရှေ့မှာ ကိုယ့်ကိုယ်ကိုယ် မီးတင်ရှို့ခဲ့သူဟာ လက်ရှိ စစ်မှုထမ်းနေဆဲ အသက် ၂၅ နှစ်အရွယ် အေရွန် ဘုရှ်နဲလ်ဆိုသူ ဖြစ်တယ်လို့ အတည်ပြုခဲ့ကြပါတယ်။

ဘုရှ်နဲလ်ကို ရဲတွေနဲ့ လုံခြုံရေး အထူးအေးဂျင့်တွေက မီးငြှိမ်းသတ်ပေးပြီး ဆေးရုံကို အရေးပေါ် တင်ပို့ခဲ့ပေမယ့်လည်း ဒဏ်ရာတွေ ပြင်းထန်လွန်းတာကြောင့် ကွယ်လွန်ခဲ့တာ ဖြစ်ပါတယ်။

ဖေဖော်ဝါရီ ၂၅ ရက်နေ့က ဘုရှ်နဲလ်ရဲ့ ဆန္ဒပြမှုဟာ အမေရိကန် မီဒီယာတွေရဲ့ ခေါင်းကြီးပိုင်း သတင်းတစ်ပုဒ် ဖြစ်လာစေခဲ့ပါတယ်။ ဘုရှ်နဲလ်က ဂါဇာစစ်ပွဲကို ရည်ညွှန်းပြီး သူဟာ အစုအပြုံလိုက် သတ်ဖြတ်မှုကြီး တစ်ခုမှာ ပတ်သက်လိုစိတ် မရှိတော့ဘူးလို့ ပြောကြားထားခဲ့ပါတယ်။

Public Service Announcement

Public Service Announcement

သူဟာ ကိုယ့်ကိုယ်ကိုယ် မီးတင်ရှို့ချိန်မှာလည်း ပါလက်စတိုင်း လွတ်လပ်ရေးအတွက် အော်ဟစ် ကြွေးကြော် တောင်းဆိုသွားခဲ့ကြောင်း သိရပါတယ်။

ဘုရှ်နဲလ်ဟာ သူ့ရဲ့ ကျောချမ်းစရာ လုပ်ရပ်မတိုင်ခင် Twitchမှာ ဗီဒီယို ဖြတ်ပိုင်းတစ်ခု တင်ထားခဲ့ပြီး သူ့နာမည်နဲ့ လက်ရှိ တာဝန်ထမ်းဆောင်ဆဲ လေတပ်သား တစ်ဦးဖြစ်တယ် ဆိုတာတွေကို ပြောပြသွားခဲ့တာပါ။

သူဟာ စစ်ဝတ်စုံကို ဝတ်ထားခဲ့ပြီး အရမ်း ပြင်းထန် ပြတ်သားတဲ့ ဆန္ဒပြမှု တစ်ခုကို လုပ်ဆောင်တော့မယ်လို့လည်း ဘုရှ်နဲလ်က Twitch ဗီဒီယိုထဲမှာယ ပြောထားခဲ့ပါတယ်။

အစ္စရေး သံရုံးက အခုဆန္ဒပြမှုအပေါ် သဘောထားမှတ်ချက် မပေးခဲ့ပေမယ့်လည်း သံရုံးဝန်ထမ်းတွေ ထိခိုက်ဒဏ်ရာရမှု လုံးဝ မရှိခဲ့ဘူးလို့တော့ အတည်ပြုသွားပါတယ်။

ဝါရှင်တန်ဒီစီ ရဲတပ်ဖွဲ့ဟာ အထူးထောက်လှမ်းရေးဌာန၊ ယစ်မျိုးဌာန တာဝန်ရှိသူတွေနဲ့ ပူးပေါင်းပြီး အခုဖြစ်စဉ်ကို စုံစမ်း စစ်ဆေးနေတယ်လို့ ကြေညာထားပါတယ်။

အမေရိကန်ရဲ့ ကာကွယ်ရေး ဝန်ကြီးဌာနဖြစ်တဲ့ ပင်တဂွန် စစ်ဌာနချုပ်ကတော့ ကြုံတွေ့ခဲ့ရတဲ့ အခြေအနေဟာ ကြေကွဲစရာ ဖြစ်တယ်လို့ သတင်းစာ ရှင်းလင်းပွဲ တစ်ခုမှာ ပြောကြားသွားပါတယ်။

ဒီဇင်ဘာလတုန်းကလည်း ဂျော်ဂျီယာ ပြည်နယ်မှာရှိတဲ့ အစ္စရေး ကောင်စစ်ဝန်ရုံးရှေ့မှာ ပါလက်စတိုင်းကို လိုလားထောက်ခံသူ တစ်ဦးက ကိုယ့်ကိုယ်ကိုယ် မီးရှို့ဆန္ဒပြခဲ့ပြီး အပြင်းအထန် ဒဏ်ရာရခဲ့တယ်လို့ သိရပါတယ်။

ကိုးကား: CNN

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

နိုင်ငံတကာ

ရုရှား အစိုးရ ပြောရေးဆိုခွင့်ရ အရာရှိ ဒစ်မစ်ထရီ ပက်စ်ကော့ဗ်ကတော့ အခုဆုံးဖြတ်ချက်ဟာ အမေရိကန်ကို ကြွယ်ဝသထက် ကြွယ်ဝစေပြီး ယူကရိန်း အတွက်တော့ နောက်ထပ် အသက်တွေ စတေးရင်း တွင်းဆုံးကျစေမယ့် ကိစ္စမျိုးလို့ တုံ့ပြန်သွားပါတယ်။

သတင်း

ပေါင် ၃၀၀ ဗုံးနှစ်လုံးကြောင့် သေဆုံးသွားသည့် ပြည်သူ များအနက် အမျိုးသား နှစ်ဦးနှင့် မိန်က​လေးငယ် နှစ်ဦးအပါအဝင် အမျိုးသမီး ​လေးဦး ပါဝင်သည်။

နိုင်ငံတကာ

အစ္စရေးနဲ့ အီရန်ကြားမှာ တိုက်ရိုက် ပဋိပက္ခဖြစ်မယ့် အလားအလာက လျော့ကျသွားပြီ ဆိုပေမယ့် အီရန်ရဲ့ လက်ဝေခံ လက်နက်ကိုင် အဖွဲ့အစည်းတွေနဲ့ အီရန်ကြား တိုက်ခိုက်မှုတွေကတော့ အရှေ့အလယ်ပိုင်း ဒေသအနှံ့ ဆက်လက် ဖြစ်ပွားနေပါတယ်။