ဇူလိုင် – ၂ ၊ ၂၀၂၆
အသက် ၁၁ နှစ်သာရှိသေးတဲ့ကလေးတစ်ဦးတက်မောင်းလာတဲ့ကားဝင်တိုက်လို့ထိုင်းမှာဘုန်းကြီး ရှစ်ပါးပျံလွန်တော်မူခဲ့ကြောင်း သိရပါတယ်။
ဇူလိုင်လ ၂ ရက်နေ့တုန်းက မွတ်ခ်ဒါဟန် ပြည်နယ်ထဲက မွိုင်ခရိုင်မှာ ဆွမ်းခံကြွကိုယ်တော်တွေနဲ့ ကပ္ပိယတွေကို ကားက ဝင်တိုက်ခဲ့တာ ဖြစ်ပါတယ်။
အသက် ၁၁ နှစ်အရွယ်ယောက်ျားလေးတစ်ဦးဟာမိဘတွေရဲ့ ကားကို တက်မောင်းလာရင်း သံဃာတော် ၃၅ ပါးနဲ့ ကပ္ပိယ ငါး ဦးတို့ လမ်းဘေးမှာ စီတန်း လမ်းလျှောက်လာတာကို ဝင်တိုက်ခဲ့တာ ဖြစ်ပါတယ်။
Public Service Announcement
နာဆီနူအန် ကျေးရွာနားမှာ ဖြစ်ပွားခဲ့တဲ့ ယာဉ်တိုက်မှုရဲ့သံသယရှိသူက အသက် ၁၁ နှစ်အရွယ် ကလေးငယ် တစ်ဦးဖြစ်ကြောင်း ၊ကားကိုတော့ မှုခင်းသက်သေအဖြစ် သိမ်းယူထားကြောင်း ဒေသခံ ရဲတပ်ဖွဲ့ အကြီး အကဲ ရဲမှူးကြီး ပိုင်ရော့ ထိုင်ဖွတ်ဆာက ပြောကြားခဲ့ပါတယ်။
ရဲတွေကကလေးကိုဘယ်သူကအဓိကအုပ်ထိန်းသလဲဆိုတာကို ဆက် လက်စစ်ဆေးနေပြီးလိုအပ်တဲ့ ဥပဒေရေးရာ စီမံကိုင်တွယ်မှုတွေ ဆက်လက် လုပ်ဆောင်သွားမယ်လို့ ဆိုပါတယ်။
ကလေးငယ်ဟာ မိဘတွေ ခွင့်မပြုဘဲနဲ့ ပစ်ကပ်ကားကို ခိုးမောင်းလာခဲ့ရာက အရှိန်မထိန်းနိုင်ဘဲ ဆွမ်းခံကြွ ကိုယ်တော်တွေကို ဝင်တိုက်ခဲ့တာလို့ ရဲတွေက စုံစမ်း တွေ့ရှိထားပါတယ်။
မွန်းမလွဲခင် အချိန်လောက်မှာ ဖြစ်ခဲ့တဲ့ ယာဉ်တိုက်မှုကြောင့် ဘုန်းတော်ကြီး ငါးပါး ပွဲချင်းပြီး ပျံလွန်တော် မူခဲ့ပြီး နောက်ထပ် သုံး ပါးက ဆေးရုံမှာ ပျံလွန်တော်မူခဲ့ပါတယ်။
နောက်ထပ် ဘုန်းတော်ကြီး ၁၀ ပါးကတော့ ဆေးရုံတက် ကုသမှု ခံယူနေရဆဲပါ။
ယာဉ်တိုက်မှုအပြီး အခင်းဖြစ်တဲ့ နေရာမှာ လူနာတင်ယာဉ်တွေ၊ ရဲတွေ၊ ကယ်ဆယ်ရေးအဖွဲ့တွေ အလုပ်များနေတာကို တွေ့ခဲ့ရကြောင်း မျက်မြင်တွေက ဆိုပါတယ်။
ဒီဖြစ်ရပ်ဟာ မွတ်ခ်ဒါဟန် ပြည်နယ်သာ မကဘဲ ထိုင်းတစ်နိုင်ငံလုံးအတွက် သင်ခန်းစာ ယူရမယ့် ကိစ္စလို့ ရဲမှူးကြီး ပိုင်ရော့က မှတ်ချက်ပေးခဲ့ပါတယ်။
ရှောင်လွှဲလို့ ရသင့်တဲ့ အခုလို ဖြစ်ရပ်ဆိုးမျိုးကို တားဆီးဖို့၊ လူတိုင်းမှာ၊ အထူးသဖြင့် ကလေးတွေရဲ့ မိဘတွေမှာ တာဝန်ရှိတယ်လို့လည်း သူက ပြောကြားသွားပါတယ်။
ကိုးကား – The Nation
