Connect with us

Hi, what are you looking for?

သတင်း

ပြည်ပရောက်လုပ်သားတွေကို ကူညီ​စောင့်ရှောက်​ရေးဆိုပြီး အစည်းအ​ဝေး​ခေါ်ကာ လုပ်သား​တွေ​ငွေပြန်ပို့​ရေး အေဂျင်စီတာဝန်ယူဖို့ မင်းကင်းမောင်မြင့်ဖိအားပေး​​နေ

စစ်အုပ်စုရဲ့အလုပ်သမားဝန်ကြီး မင်းကင်းမောင်မြင့်က ပြည်ပရောက်အလုပ်သမားကူညီ​စောင့်​ရှောက်​ရေးဆိုတဲ့ခေါင်းစဥ်နဲ့​နေပြည်​တော်မှာ အစည်းအ​ဝေးလုပ်ပြီး ပြည်ပ​ရောက်အလုပ်သမားတွေ မိသားစုထံငွေပြန်လွှဲရေး အတွက် အေဂျင်စီတွေကိုတာဝန်ယူကြပ်မတ်ဖို့ ဖိအားပေး​နေပါတယ် ။

( ပြည်ပ​ရောက်လုပ်သား​တွေဆီက လွှဲ​ငွေရဖို့ မင်းကင်း​မောင်မြင့်က အေဂျင်စီ​တွေကို ​နေပြည်​တော်ကိုခေါ်ပြီး ​ဖိအား​ပေး​နေစဥ်။ဓါတ်ပုံ-စစ်​ကောင်စီ)

အောက်တိုဘာ-၁၀၊၂၀၂၆။မီးအိမ်/People’s Spring

စစ်အုပ်စုရဲ့အလုပ်သမားဝန်ကြီး မင်းကင်းမောင်မြင့်က ပြည်ပရောက်အလုပ်သမားကူညီ​စောင့်​ရှောက်​ရေးဆိုတဲ့ခေါင်းစဥ်နဲ့​နေပြည်​တော်မှာ အစည်းအ​ဝေးလုပ်ပြီး ပြည်ပ​ရောက်အလုပ်သမားတွေ မိသားစုထံငွေပြန်လွှဲရေး အတွက် အေဂျင်စီတွေကိုတာဝန်ယူကြပ်မတ်ဖို့ ဖိအားပေး​နေပါတယ် ။

ပြည်ပရောက်မြန်မာလုပ်သား​တွေကို ကူညီစောင့်ရှောက်ရေးအတွက်ဆိုတဲ့ ဆွေးနွေးပွဲကို အောက်တို ဘာ ၁၀ရက်က နေပြည်တော်မှာ လုပ်ပြီး အထက်ပါအတိုင်း ဖိအားခဲ့တာလို့တယ်လို့ ပြည်ပအလုပ်အကိုင်အေဂျင်စီလုပ်ငန်းရှင်အချို့ကပြောပါတယ်။

“ဆွေးနွေးပွဲခေါင်းစဥ်ကသာ ကူညီစောင့်ရှောက်ရေး၊တကယ်ကလွှဲပို့ငွေတိုးအောင်လုပ်ဖို့ပဲဦးတည်တာ”လို့ ဆွေနွေးပွဲတက်ခဲ့တဲ့လုပ်ငန်းရှင်တစ်ဦးက ပြောပါတယ်။

Public Service Announcement

Public Service Announcement

အဲဒီဆွေးနွေးပွဲမှာမြန်မာလုပ်သားအများဆုံးရောက်ရှိနေတဲ့ ထိုင်းနိုင်ငံအတွင်း မည်သူမည်ဝါဖြစ်ကြောင်းထောက်ခံစာ(CI) လျှောက်ထားသူတွေကိုအနည်းဆုံးဝင်ငွေခွန် ၁ နှစ်စာနဲ့ မိသားစုထံ လွှဲပို့ငွေ ၃လစာလွှဲပို့ထားတဲ့ အထောက်အထားတွေကို စိစစ်သွားမယ်ဆိုပြီး မင်းကင်းမောင်မြင့်ကပြောခဲ့တယ်လို့ ဆိုပါတယ်။

​အောက်တိုဘာ ၃ ရက်မှာ စစ်အုပ်စုရဲ့အလုပ်သမားဝန်ကြီး ဖြစ်လာတဲ့ မင်းကင်း​မောင်မြင့်ဟာ တာဝန်ပေးခံရပြီးတာနဲ့ ပြည်ပက​နေလွှဲပို့ငွေရရှိရေးကိုအဓိကထားလုပ်​နေတာက အာဏာသိမ်းခေါင်းဆောင်မင်းအောင်လှိုင်ရဲ့ ဦးစား​ပေးဖြစ်လိုတဲ့စိတ်ကြောင့်လို့ မြင်ကြောင်း အလုပ်သမားအရေးလူပ်ရှားသူတွေနဲ့အေဂျင်စီလုပ်ငန်းရှင်တချို့ကပြောပါတယ်။

“မင်းအောင်လှိုင် လိုလိုချင်ချင်ဖြစ်နေတဲ့ လွှဲပို့ငွေကိစ္စကိုပဲ အတင်းကိုဖိ​နေတာ။ သူပုံစံကအလုပ်သမားရော၊အေဂျင်စီတွေရှေ့ဆက်မလွယ်ဘူး “လို့ ပြည်ပအလုပ်အကိုင်အေဂျင်စီလုပ်ငန်းရှင်တစ်ဦးကပြောပါတယ်။

စစ်တပ်အာဏာသိမ်းပြီး လအနည်းငယ်ကြာကတည်းက နိုင်ငံတစ်ဝန်း မရပ်မနားစစ်တိုက်​နေတဲ့ အာဏာသိမ်းစစ်တပ်က လက်နက်ခဲယမ်း၊ စစ်သုံးနည်းပညာ​တွေနဲ့​လေယာဥ်ဆီဝယ်ယူဖို့နိုင်ငံခြားငွေအမြဲလိုအပ်​နေပါတယ်။

ပြည်ပရင်းနှီးမြှပ်နှံမှုအများစုထွက်ခွာသွားပြီး ပြည်ပ​ချေး​ငွေမရ​တော့သိလို ကုန်သွယ်​ရေးကျဆင်း​နေတဲ့စစ်အုပ်စုဟာ နိုင်ငံခြား​ငွေလိုအပ်ချက်အတွက် ၂၀၂၃ ကစပြီး ပြည်ပရောက် အလုပ်သမားတွေကိုလစာရဲ့ ၂၅ ရာခိုင်နှုန်းကိုမဖြစ်မ​နေပြန်ပို့ပြီး စစ်တပ်သတ်မှတ်ထားတဲ့​ငွေလဲနှုန်းနဲ့ မဖြစ်မ​နေလဲ​ပေးရမယ်လို့ကန့်သတ်ထားသလို ဝင်ငွေခွန်၂ရာခိုင်နှုန်းဆောင်ရဖို့ သတ်မှတ်ခဲ့တာ ဖြစ်ပါတယ်။

ဒါ​ပေမယ့် ပြည်ပအလုပ်အရေးကိုင်တွယ်ပုံ စိတ်တိုင်းမကျမှုတွေကြောင့် မင်း​အောင်လှိုင်က အာဏာသိမ်းပြီး​နောက်ပိုင်း ၅ နှစ်​ကျော်အတွင်း အလုပ်သမားဝန်ကြီး ၇ ဦးအထိလဲလှယ်ခဲ့ပါတယ် ။ဒါ​ကြောင့် မင်းကင်း​မောင်မြင့်က အရင်သူတွေနဲ့မတူကြောင်းပြလိုတဲ့စိတ်ရှိပုံရတယ်လို့ အလုပ်သမားအရေးလူပ်ရှားသူတစ်ဦးက ပြောပါတယ်။

“သူလုပ်နိုင်တယ်ဆိုတာ အရမ်းပြချင်နေတာ။ ဒီနေရာကိုလည်းသူလိုချင်နေတာလေ။ မင်းအောင်လိူင်ရဲ့ယုံကြည်မှုရဖို့အတွက် ဆက်ရမ်းပြနေဦးမယ့်အနေအထားတွေမြင်နေရတယ် “လို့ သူကဆက်ပြောပါတယ်။

စစ်တပ်ခန့်အလုပ်သမားဝန်ကြီး မင်းကင်းမောင်မြင့်က တာဝန်ပေးခံရတဲ့နေ့မှာဘဲ ပြည်ပရောက်အလုပ် သမားတွေရဲ့ မိသားစုထံ လွှဲပို့ငွေရရှိတာနည်းလို့ဆိုပြီး ​ဝေဖန်ပြစ်တင်ပြောဆိုထားတဲ့ ဗီဒီယိုဖိုင်ကို လူမှုကွန်ရက်တင်ခဲ့ပါတယ်။

“လွှဲတဲ့သူကလွှဲတယ်၊မလွှဲတဲ့သူကမလွှဲဘူး။တကယ် တမ်းပြောရရင်နိုင်ငံတော်က သူတို့ကိုလွှတ်သာလွှတ်ရတယ်၊အကျိုးမရှိဘူး “လို့ ပြောခဲ့တာဖြစ်ပါတယ်။သူဟာ ဦးသိန်းစိန်အစိုးရလက်ထက်မှာ အလုပ်သမားဝန်ကြီးအဖြစ် ၁နှစ်နီးပါးတာဝန်ယူဖူးတဲ့ ဗိုလ်မှူးချုပ်ဟောင်းတစ်ဦး ဖြစ်ပါတယ်။

ဒါ့အပြင်ပြည်ပအလုပ်အကိုင်အေဂျင်စီတွေထဲက စေလွှတ်ခဲ့တဲ့အလုပ်သမားဦးရေအတိုင်း လွှဲပို့ငွေအထောက်အထားရာခိုင်နှုန်းပြည့်မတင်ပြနိူင်တဲ့အေဂျင်စီ ၁၁၆ ခု ကိုအလုပ်ခေါ်စာအသစ်တင်ပြခွင့်ကို အောက်တိုဘာ ၁ရက်ကစပြီးဆိုင်းငံ့အရေးယူထားတယ်လို့စစ်အုပ်စုရဲ့အလုပ်သမားဝန်ကြီးဌာနကစက်တင်ဘာ၂၉မှာထုတ်ပြန်ခဲ့ပါတယ်။

ဒါ့အပြင် စေလွှတ်ခဲ့တဲ့အလုပ်သမားရှိ​ပေမယ့်လွှဲပို့ငွေအထောက်အထားတင်ပြဖို့ပျက်ကွက်တဲ့အေဂျင်စီ ၁၀ ခုကိုလည်းဒါဏ်ကြေးငွေ ကျပ်၁၀ သိန်းအပြင်အကျိုးဆောင်လိုင်စင်ကို ၆လပိတ်သိမ်းအရေး ယူသွားမယ်လို့လည်း ခြိမ်​​ခြောက်ထားပါတယ်။

ဆက်စပ်သတင်းများ

သတင်း

မြန်မာရွှေ့ပြောင်း အလုပ်သမားတွေရဲ့ အခွင့်အရေးအတွက် တက်ကြွလှုပ်ရှားတောင်းဆိုသူ တစ်ဦးအဖြစ် ထင်ရှားတဲ့ဆူရတ် (ဝီရဆဲန်ထောင်) ကို ထိုင်းတရားရုံး တစ်ခုက ဖမ်းဝရမ်း ထုတ်လိုက်တယ်လို့ ထိုင်းသတင်းဌာန​တွေက​ဖော်ပြပါတယ်။

သတင်း

ထိုင်းမှာတရားဝင် နိုင်ငံခြားသားအလုပ်သမား ၄.၂ သန်းကျော်ရှိပြီး မြန်မာနိုင်ငံသားက ၃.၃၃ သန်းကျော်ရှိ​​

သတင်း

ထိုင်းနိုင်ငံ၊ ဘန်ကောက်မြို့က UN ရုံးရှေ့မှာ မြန်မာလုပ်သားအ​ရေးဆန္ဒပြပွဲကိုလာ​​ရောက်​နှောက်ယှက်ပြီး အကြမ်းဖက်ထိုးကြိတ်ခဲ့တဲ့ ထိုင်းအမျိုးသားရေးသမားဆိုသူ​တွေကို ထိုင်းရဲတပ်ဖွဲ့ထံ သွားရောက်အမှုဖွင့်တိုင်ကြားရာ ရဲတပ်ဖွဲ့ကအမှုကို လက်ခံလိုက်တယ်လို့ ကျူးလွန်ခံရသူ Bright Future က ဆူရတ်ဂ်ျဂီရီက လူထုနွေဦးကို ပြောပါတယ်။

သတင်း

ဆန္ဒပြပွဲ အကြမ်းဖက်သူ​တွေကိုစုံစမ်းဖော်ထုတ်ပြီး ဥပဒေအရ အရေးယူဖို့ ထိုင်းပြည်သူ့ပါတီအမတ်တိုက်တွန်း

Facebook