“စစ်နဲ့ ငြိမ်းချမ်းရေးဆုံမှတ်”

မောင်မိုးအေး

စစ်နဲ့ ငြိမ်းချမ်းရေးဆုံမှတ်က

အိမ်က ဘုရားစင်ပဲလို့

ကျနော်ပြောတိုင်း

အမေက သိပ်စိတ်ဆိုးတယ်

အမေသိပ်ကြိုက်တဲ့

ဘုရားပန်းအိုးမျိုးဆိုတာ

ကြေးရောင် ဝင်းပြောင်နေမှ

အမေဟာ ဒီလိုကျည်ခွံဟောင်းတွေနဲ့

ဘုရားပန်းကပ်ပြီး

ဟေတုပစ္စယောကစလိုက်တယ်

အရပ် ၈ မျက်နှာကိုပတ်ပြီး

မေတ္တာပို့တယ်

အယုတ်အလတ်အမြတ်မရှိ

အကြားအလတ်မရှိ

အားလုံးဆီအရောက်ပို့တဲ့

အမေ့မေတ္တာက ပို့ယမ်းမှမလိုပဲ

ပန်းအိုးမဖြစ်ခင်က

ခဲယမ်းအိုးကြီးကရော

အယုတ်အလတ်အမြတ်

ရွေးခဲ့ပါသလား

ကလေး လူကြီး

ကွေကွင်းခဲ့ပါသလား

ခုတော့ဒင်းတို့က

အိမ်က ဘုရားစင်

စစ်နဲ့ ငြိမ်းချမ်းရေးဆုံမှတ်မှာ

မိန့်မိန့်ကြီး ဝင်းပြောင်လို့

ဘုရားပန်းအိုးဘွဲ့ခံ

ငြိမ်းချမ်းအိုးကြီးပေါ့

သေချာကြည့်ပါ

ခင်ဗျားတို့လည်း မြင်ရမယ်

စစ်နဲ့ ငြိမ်းချမ်းရေးဆုံမှတ်မှာ

သေမင်းလက်ကြားက

ပွင့်နေတဲ့ပန်းတွေ

မေတ္တာတရားတွေ

သစ္စာတရားတွေ

၇၅ မမတွေ။

(The Call -ခေါ်သံ”အွန်လိုင်းမဂ္ဂဇင်းမှာ’​​​​​​​မောင်မိုး​အေး’ရေးဖွဲ့တဲ့ “​​စစ်နဲ့ ငြိမ်းချမ်းရေးဆုံမှတ်” ကဗျာကို People’s Spring ကပြန်လည်​ဖော်ပြ​ပေးတာဖြစ်ပါတယ်။အနုရသကဲပြီးတော်လှန်​ရေးအတွက်အ​ထောက်အကူပြုတဲ့ စာ​ပေကဏ္ဍမျိုးစုံကို “The Call – ​ခေါ်သံ” အွန်လိုင်းမဂ္ဂဇင်းရဲ့ ​Facebook Page ဖြစ်တဲ့ https://www.facebook.com/profile.php?id=100087677882749… မှာလည်းသွား​ရောက်ဖတ်ရှုနိုင်ပါတယ်)