“သတ္တမအာရုံ”

ငြိမ်းသစ်

နပိုလီယံအစစ်က
နပိုလီယံမဖြစ်ချင်တော့တဲ့အခါ
ဂျိုးဇက်ဖင်းအတုက
ဂျိုးဇက်ဖင်းဟန်ဆောင်ပြီး
သူ့ခင်ပွန်းဟောင်းရဲ့ဓားကို
ပြန်လိုက်တောင်းနေသေး။

မြစ်အစင်းစင်းကိုဖြတ်ဖူးကြလိမ့်မယ်၊
အဲဒီမြစ်တွေခွာသံပြင်းလာဖို့
ကိုယ့်ပင်လယ်ကိုနှိမ့်ပေးခဲ့ရတယ်။

မီးကျီးခဲတွေကြား
ပြာကျသွားတဲ့အိပ်မက်ကို
ပြန်ယက်ယူဖို့
ရေအတက်ကိုစောင့်နေကြရ။

Public Service Announcement

ဒုက္ခတွေကိုပွဲလမ်းလိုကြည့်ဖို့
ကဗျာတွေကို အသံထည့်ပြီးကကြ
ကဗျာဆရာရဲ့သတ္တမအာရုံဟာ
ဘဝတွေပုံခဲ့တယ်၊ အနာဂတ်ကိုယုံခဲ့တယ်။

ကမ္ဘာကြီးအထက်မှာ ကဗျာတွေရှိတယ်။
ကဗျာအထက်မှာ ဘာမှမရှိပါဘူး။

(The Call -ခေါ်သံ”အွန်လိုင်းမဂ္ဂဇင်းမှာ
‘​​​ငြိမ်းသစ်’ရေးဖွဲ့တဲ့ “​​သတ္တမအာရုံ” ကဗျာကို People’s Spring ကပြန်လည်​ဖော်ပြ​ပေးတာဖြစ်ပါတယ်။အနုရသကဲပြီးတော်လှန်​ရေးအတွက်အ​ထောက်အကူပြုတဲ့ စာ​ပေကဏ္ဍမျိုးစုံကို “The Call – ​ခေါ်သံ” အွန်လိုင်းမဂ္ဂဇင်းရဲ့ ​Facebook Page ဖြစ်တဲ့ https://www.facebook.com/profile.php?id=100087677882749… မှာလည်းသွား​ရောက်ဖတ်ရှုနိုင်ပါတယ်)