သတိုး/People’s Spring
ရန်ကုန်မြို့ မြောက်ဥက္ကလာပမြို့နယ် (၂)ရပ်ကွက်အုပ်ချုပ်ရေးမှူးရုံးအား လက်ပစ်ဗုံးသုံးလုံးဖြင့်တိုက်ခိုက်ခဲ့ရာ ထိခိုက်မှုများနိုင်ကြောင်း မြောက်ဥက္ကလာပမြို့မြို့နယ်ပြည်သူ့ကာကွယ်ရေးအဖွဲ့ မှ တာဝန်ရှိသူက ပြောသည်။
” ရုံးထဲမှာ လူတွေရှိတယ်။သုံးလုံးပစ်တာ နှစ်လုံးကတော့ ပြင်းတယ်။ တစ်လုံးကတော့ Damage နည်းနည်းနည်းတော့ အသံပျော့တယ်”ဟု ၎င်းက ပြောသည်။
Public Service Announcement
အဆိုပါရုံးကို အောက်တိုဘာ ၁၃ ရက် ည ၈နာရီ ၄၅ မိနစ်တွင် ဗုံးသုံးလုံးဖြင့် တစ်ပြိုင်တည်းပစ်ခတ်တိုက်ခိုက်ခဲ့ခြင်းဖြစ်ပြီး ထိခိုက်မှုကို စုံစမ်းဆဲဖြစ်ကြောင်း ၎င်းက ဆိုသည်။
“သန်ခေါင်စာရင်းကောက်ယူမှုများ မုဒိန်းမှုကျူးလွန်ထားသော သူအားငွေကြေးရရယူပီးပြန်လွှတ်ပေးခြင်း(2)ရပ်ကွက်ပြည်သူများတိုင်ကြားမှုများပြားလာခြင်းကြောင့်ဖောက်ခွဲတိုက်ခိုက်ရခြင်းဖြစ်ပါသည်”ဟု ယင်းအဖွဲ့က ထုတ်ပြန်ထားသည်။
ပစ်ခတ်မှုအပြီးတွင် စစ်ကောင်စီတပ်ဖွဲ့ဝင်အများအပြားရောက်ရှိလာကာ လမ်းများပိတ်၍ စစ်ဆေးမှုများပြုလုပ်ခဲ့သော်လည်း စစ်ဆင်ရေးဆောင်ရွက်သူအားလုံး ဘေးကင်းပြီဖြစ်ကြောင်း အထက်ပါတာဝန်ရှိသူက ပြောသည်။
မြောက်ဥက္ကလာပမြို့နယ်ပကဖသည် အောက်တိုဘာ ၁၁ ရက်ကလည်း ၎င်းတို့၏ မဟာမိတ်အဖွဲ့နှင့်အတူ (ဋ) ရပ်ကွက်အုပ်ချုပ်ရေးမှုးရုံးကို ဖောက်ခွဲတိုက်ခိုက်မှုပြုလုပ်ခဲ့သည်။
ထို့အပြင် စစ်ဆင်ရေးများ ပိုမိုလုပ်ဆောင်နိုင်ရန် ပြည်သူများအနေဖြင့် မြို့ပြပြောက်ကျား အဖွဲ့များကို ထောက်ပံ့ပေးရန်အတွက်လည်း ၎င်းကတောင်းဆိုထားသည်။
” UG တွေကိုပစ်မထားကြပါနဲ့။ မြို့ပြမှ အဖမ်းခံရရင် သေမယ်ဆိုတာ သိသိကြီးနဲ့ လုပ်နေကြတာ။ တချို့ကလေးတွေ ဆန်တစ်အိတ်တောင်မရကြဘူး။ အိမ်လခဆို ဝေလာဝေး ။ ကျွန်တော်တို့ဆို ပကဖကရတာလေးနဲ့ ခွဲဝေပေးနေတာ”ဟု အထက်ပါတာဝန်ရှိသူက ပြောသည်။
