ကလေးမြို့နယ် မှန်တောနှင့် ကမ်းပါးနီကျေးရွာနှစ်ခုကြားတွင် အာဏာသိမ်းစစ်ကောင်စီ၏စစ်ကားနှစ်စီးကို ဆွဲမိုင်းဖြင့် တိုက်ခိုက်ရာ စစ်ကားတစ်စီးပျက်စီးပြီး အကြမ်းဖက်စစ်သား ငါးဦးထက်မနည်းသေဆုံးကြောင်း PDF(ကလေး) ကအောက်တိုဘာ ၂၃ ရက်တွင် သတင်းထုတ်ပြန်သည်။
ထိုသို့တိုက်ခိုက်မူကြောင့် စစ်ကောင်စီတပ်သားများက ရမ်းသမ်းပစ်ခတ်မူများရှိသော်လည်း PDF(ကလေး) တပ်ဖွဲ့ဝင်များက အထိမခိုက်မရှိ ဆုတ်ခွာနိုင်ခဲ့သည်ဟု ထုတ်ပြန်ချက်တွင်ဖော်ပြထားသည်။
ညနေပိုင်းတွင်လည်း အကြမ်းဖက်စစ်ကောင်တပ်ဖွဲ့ဝင်များသည် အိမ်စီးကားငယ်တစ်စီးဖြင့် ကလေးမြို့မှ ထွက်ခွာလာရာတွင် PDF(ကလေး)တပ်ဖွဲ့ဝင်များကစစ်ဆေးရန် တားဆီးခဲ့ရာ အိမ်စီးကားမှာ လှည့်မောင်းပြေးခဲ့သည်။ထိုကြောင့် PDF(ကလေး)တပ်ဖွဲ့ဝင်များကို လိုက်လံပစ်ခတ်ရာ အိမ်စီးကားမှာ လမ်းဘေးချောက်အတွင်းပြုတ်ကျသွားသည်ဟု PDF(ကလေး)ကထုတ်ပြန်ထားသည်။
ယနေ့တွင် ရန်ကုန်မှ ကလေးမြို့သို့ High Class ခရီးသည်တင်ယာဉ်တစ်စီး မိုင်း ၆လုံးဖြင့် ဖောက်ခွဲခံရပြီး ကားမှန်များကြေမွပျက်စီးခဲ့သည်။ ထိုကားတွင် အကြမ်းဖက်စစ်ကောင်စီတပ်သားများပါဝင်သည့်ဟုသော သတင်းအရ တိုက်ခိုက်ခြင်းဖြစ်သော်လည်း ကားပေါ်တွင် ကားသမား၊ ယာဉ်အကူနှင့်ခရီးသည်နှစ်ဦး စုစုပေါင်း ၄ဦးသာပါဝင်သည်။
Public Service Announcement
“ဒီလမ်းတွေကို အသုံးမပြုဖို့ သတိပေးစာထုတ်ထားတာကို ဂရုပြုစေချင်တယ်။ အကြမ်းဖက်စစ်တပ်က အရပ်သားဟန်ဆောင်ပြီးလာနိုင်တာမို့ လူထုအနေနဲ့ PDFတွေကို ကူညီတဲ့အနေနဲ့ သတိပေးချက်တွေကိုလိုက်နာပေးဖို့လို့ပါတယ်”ဟု ကလေးမြို့ခံတစ်ဦးကပြောသည်။
တိုက်ပွဲအခြေအနေများကြောင့် ကလေး-ဂန့်ဂေါလမ်းကိုဖြတ်သန်းသွားလာခြင်းမပြုရန် PDF(ကလေး)က ထုတ်ပြန်ထားသည်။ အချိန်မရွေးတိုက်ပွဲဖြစ်ပွားနိုင်၍ လုံခြုံရေးအတွက် ထုတ်ပြန်သတိပေးချက်အပေါ် အထူးလေးစားလိုက်နာပေးပါရန် PDF(ကလေး)က မေတ္တာရပ်ခံထားသည်။
