ယနေ့( အောက်တိုဘာလ ၂၄ ရက်) နံနက်၈နာရီအချိန်ခန့်က ပခုက္ကူမြို့၊ မြို့ရှောင်လမ်းနှင့် ရေစကြိုလမ်းထောင့်ရှိ စစ်ကောင်စီ စစ်ဆေးရေးဂိတ်အား PPDFကြုံတိုင်းတပ်ရင်းမှ တိုက်ခိုက်ရေးတပ်ဖွဲ့၀င်များနှင့် Seven PDF အဖွဲ့တို့ ပူးပေါင်း၍ မိုင်းခွဲတိုက်ခိုက်ခဲ့ပြီး ယင်းနေရာသို့ရောက်ရှိလာသော အကြမ်းဖက်တပ်ဖွဲ့ဝင်များအား အဝေးထိန်းစနစ်ဖြင့် မိုင်း(၂)ဆင့်ခွဲ၍ တိုက်ခိုက်ခဲ့ရာ အကြမ်းဖက်အချို့ ထိခိုက်ဒါဏ်ရာရရှိခဲ့ကြောင်း နယ်မြေခံ PDFများက အသိပေးသည်။
အခင်းဖြစ်ပြီးနောက် ဖြတ်သန်းသွားလာကြသောပြည်သူများထဲမှ အပြစ်မဲ့ ပြည်သူတစ်ဦးအား အကြမ်းဖက်များက အကြောင်းရင်းမဲ့ ပစ်သတ်ခဲ့ကြောင်းမြေပြင် သတင်းရင်းမြစ်များ အရသိရှိရပြီး အပြစ်မဲ့ပြည်သူတစ်ဦးအား ရက်စက်စွာပြုမူဆောင်ရွက်ခဲ့သော အကြမ်းဖက်စစ်ကောင်စီတပ်သားများ၊ ယင်းတို့နှင့်ပတ်သက်ဆက်နွယ်ရာ အဖွဲ့အစည်း၊ လူပုဂ္ဂိုလ်များအား မိမိတို့ PPDFအဖွဲ့မှ လုံး၀ခွင့်လွှတ်မည့်မဟုတ်ကြောင်းနှင့် ထိရောက်စွာအပြစ်ပေး သုတ်သင်တိုက်ခိုက်သွားမည် ဖြစ်ကြောင်း ဒေသခံ PDFများက သတိ့ပေးသည်။
ပခုက္ကူမြိုနယ်အတွင်းရှိပြည်သူများအနေဖြင့် စစ်ကောင်စီအကြမ်းဖက်များနှင့် ဆက်စပ်နှီးနွယ်ရာ နေရာ၊ ဌာနများသို့ သွားရောက်ခြင်း၊ မလိုအပ်ဘဲမြို့တွင်းမြို့ပြင် သွားလာလည်ပတ်ခြင်းအား ရှောင်ရှားပေးကြ ပါရန်နှင့် အာဏာလုစစ်ကောင်စီအား အမြစ်ဖြတ်ချေမှုန်းနိုင်ရေးအတွက်တတ်စွမ်းရာကဏ္ဍမှ ပူးပေါင်းပါ၀င် ဆောင်ရွက် ပေးကြပါရန် ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့က မေတ္တာရပ်ခံထားသည်။
