အမျိုးသားညီညွတ်ရေးအစိုးရ(NUG)ယာယီသမ္မတ ဒူဝါလရှီးလဟာ အမေရိကန်အမျိုးသားလုံခြုံရေးအကြံပေးပုဂ္ဂိုလ်ဂျိတ်ဆူလီဗန်ကို အွန်လိုင်းကနေ ဒီနေ့(အောက်တို ဘာ ၂၅ ရက်) တွေ့ဆုံခဲ့တယ်လို့ NUG နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။
အာဆီယံထိပ်သီးအစည်းအဝေးမတိုင်ခင် တွေ့ဆုံတဲ့ အထက်ပါဆွေးနွေးပွဲကို NUG နိုင်ငံခြားရေးဝန်ကြီး ဒေါ်ဇင်မာအောင်လည်း တက်ရောက်ခဲ့ပါတယ်။
တွေ့ဆုံရာမှာ အာဆီယံ သဘောတူညီချက် ၅ချက်အပါအဝင် စစ်ကောင်စီရဲ့ တာဝန်ယူ၊ တာဝန်ခံမှု နဲ့ပတ် သက်လို့ ထိရောက်စွာ ဆောင်ရွက်နိုင်ရေးနဲ့ မြန်မာနိုင်ငံ စစ်အာဏာသိမ်းမှု နောက်ဆက်တွဲ အကြမ်းဖက် ဖမ်းဆီးထိန်းသိမ်းမှုများ ၊လူသားခြင်းစာနာထောက်ထားရေးအကူအညီများ ၊ဒေသတွင်းနိုင်ငံများနဲ့ ပူးပေါင်း ဆောင်ရွက်နိုင်ရေး ကိစ္စရပ်များကို ဆွေးနွေးခဲ့တယ်လို့ ဆိုပါတယ်။
မနက်ဖြန် အောက်တိုဘာ ၂၆ ကနေ ၂၈ အထိ ကျင်းပမယ့် အာဆီယံထိပ်သီးညီလာခံနဲ့ ဆက်စပ်အစည်းအဝေးတွေကို အမေရိကန်သမ္မတဂျိုးဘိုင်ဒင်လည်း အွန်လိုင်းကနေ တက်ရောက်မှာ ဖြစ်ပါတယ်။
Public Service Announcement
