စစ်ကိုင်းတိုင်းအတွင်းရှိ အရာတော်၊ မြင်းမူနှင့် ဝက်လက်နယ်များရှိ ကားလမ်းများတွင် ဖြတ်သန်းသွားလာခြင်းမပြုရန် ဒေသတွင်း PDFများက ယနေ့(အောက်တိုဘာလ ၂၆ ရက်)တွင် သတိပေးသည်။
အရာတော် – ထီးဆောင်း – မြင်းမူ လမ်းပိုင်းတွင်အကြမ်း ဖက်စစ်တပ်ယာဉ်များ ခြေရှုပ်သွားလာလျက်ရှိသော ကြောင့် ခရီးသွားလာစရာရှိသောပြည်သူများ၊ အိမ်စီးကားများ၊ လိုင်းကားများ၊ ကုန်ကားများအနေဖြင့် အဆိုပါ အရာတော် – ထီးဆောင်း – မြင်းမူ လမ်းပိုင်းကို
အထူးရှောင်ရှားပြီး သွားလာပေးကြပါရန် အရာတော်မြို့နယ်တော်လှန်ရေးအင်အားစု ARAက သတိပေးနှိုးဆော်ထားသည်။
မဖြစ်မနေသွားလာရန်ကိစ္စများရှိလာပါကလည်း စစ်ကောင်စီယာဉ်များနှင့် နီးကပ်စွာသွားလာခြင်းမပြုဘဲ ဝေးဝေးကခွာပြီး သွားလာကြပါရန် ARAက ထက်မံအသိပေးထားသည်။
နံနက်ပိုင်းကလည်း ထီဆောင်း(၃)လမ်းဆုံနှင့် အရာတော်မြို့ တောင်ဘက်အထွက် ပင်တဂွန်အကျော်တွင်လည်း မအလတပ်ဖွဲ့များရောက်ရှိလာကာ လမ်းသွားလမ်းလာများကို စစ်ဆေးခဲ့ကြောင်း အရာတော်မြို့နယ်သတင်းမှန်ပြန်ကြားရေးက အသိပေးသည်။
Public Service Announcement
မြင်းမူမြို့နယ် ထီးဆောင်း-နောင်ကြီးအိုင် လမ်းမပေါ်သို့ လုံးဝဖြတ်သန်းသွားလာခြင်းမပြုလုပ်ကြပါရန်နှင့် မိမိတို့ အိမ်၌သာ နေထိုင်ကြပါရန် မြင်းမူ PDFက မေတ္တာရပ်ခံထားသည်။
ဝက်လက်မြို့နယ် အရှေ့ခြမ်းတွင်နေထိုင်သော မိဘပြည်သူများနှင့် ခရီးသွားများအားလုံး မလိုအပ်ပဲ ဘယ်မှမသွားကြရန် ဖောင်းဒိုင်း၊ဖောင်းဒိုင်း၊ ဖောင်းဒိုင်းအဖွဲ့ခေါင်းဆောင် ဗိုလ်နဂါးမှ ပြောကြားထားသည်။
အရာတော်၊ဝက်လက်၊ မြင်းမူ၊ မြောင်နှင့် ချောင်းဦး အစရှိသည့်မြို့နယ်များတွင်လည်း အကြမ်းစစ်ကောင်စီ ၏တပ်များ မကြာခဏမိုင်းဆွဲတိုက်ခိုက်ခံနေရသည်။
