မုံရွာမြို့တွင်အာဏာသိမ်းစစ်ကောင်စီတပ်သားများက သွားလာနေသော ဆိုင်ကယ်တစ်စီးအားတားရာ ရပ်မပေး၍ ဟုဆိုကာလိုက်လံပစ်ခတ်ရာသဖြင့် လူငယ် ၃ ဦး သေဆုံးခဲ့ကြောင်း ဒေသခံများက ပြောသည်။
ယမန်နေ့( နိုဝင်ဘာလ ၁ ရက် )ညနေ ၆ နာရီဝန်းကျင်က စစ်ကိုင်းတိုင်း၊မုံရွာမြို့ ဘုရားနီလမ်းနှင့်အာဇာနည်လမ်းထောင့်တွင်ရှိနေသည့် စစ်ကောင်စီတပ်သားများက လမ်းပေါ်တွင်ဆိုင်ကယ်စီးလာသောလူငယ်၃ဦး၏ ဆိုင်ကယ်ကိုတားရာ ရပ်မပေးသဖြင့် သေနတ်နှင့်လိူက်လံပစ်ခတ်ခဲ့သည်။ဆိုင်ကယ်မှာ အောင်သစ္စာလမ်းအတွင်းသို့မောင်းဝင်သွား၍ လိုက်လံပစ်ခတ်ရာ ရန်ကင်းရပ်ကွက်ရုံးအနီးအရောက်တွင် ပစ်ခတ်ခံရ၍ တစ်ဦးမှာ ဝမ်းဗိုက်ကို ကျည်ထိမှန်ခဲ့ကြောင်း၊ ဆက်လက်မောင်းနှင်သွားသည့်ဆိုင်ကယ်အား လိုက်လံပစ်ခတ်ရာ ကျန်နှေစ် ဦးမှာ ဗိုလ်တေဇလမ်း အောင်ဆေးခန်းအနီးတွင် ပစ်ခတ်ခံရပြီး ပွဲချင်းပြီး သေဆုံးသွားကြောင်း မုံရွာဒေသခံများက ပြောသည်။
“သေသွားကြတဲ့ကလေးတွေအလောင်းကိုစောင်နဲ့အုပ်ပြီးသယ်သွားကြတယ်၊နောက်ပြီးညရောက်တော့ အဲ့ရန်ကင်းရပ်ကွက်ရုံးနားကို အိမ်စီးကား နှစ်စီးနဲ့ပတ်နေတယ်။”ဟု ဒေသခံတစ်ဦးကပြောသည်။
ထို့အပြင် ယမန်နေ့နံနက်ပိုင်းကလည်း မုံရွာ ကမ်းနားလမ်း သလ္လာကျောက်ဆောင်ဆိပ်အနီးတွင် စစ်ကောင်စီတပ်သားများက အမျိုးသားနှစ်ဦးကို အိမ်စီးကားဖြင့်တိုက်၍ သေနတ်နှင့်လိုက်လံပစ်ခတ်ရာ အမျိုးသားတစ်ဦး လက်ကျည်ထိမှန်ပြီး မျက်နှာတစ်ခြမ်းစုတ်ပြတ်၍ ကျန်အမျိုးသားတစ်ဦးမှာ ထိခိုက်ဒဏ်ရာများ ရရှိခဲ့ကြောင်း ဒေသခံများကပြောသည်။
Public Service Announcement
