CNA ၊ CDF – KKG တပ်ရင်း ၂ (CDM – Siyin) နှင့် Zoland-PDF ပူးပေါင်းတပ်ဖွဲ့သည် ချင်းတောင်သို့တက်လာသော အကြမ်းဖက်စစ်ကောင်စီ၏ကားအကြီးနှစ်စီး၊ အသေးနှစ်စီးကို သိုင်းငင်းနှင့် ဟိန်ဇိန်ရွာကြားတွင် ယနေ့ (နိုဝင်ဘာ ၈ ရက်နေ့)နံနက် (၁၀) နာရီဝန်းကျင်၌
မိုင်း (၆) လုံးခွဲ တိုက်ခိုက်ခဲ့ကြောင်း CDF ကသတင်းထုတ်ပြန်သည်။
ပူးပေါင်းတပ်ဖွဲ့၏ အလစ်ငိုက်ချုံခိုတိုက်ခိုက်မှုကြောင့် အကြမ်းဖက်စစ်ကောင်စီ တပ်သားများနှင့် စစ်ကားများ အထိအခိုက် ရှိနိုင်ကြောင်းလည်းဖော်ပြထားသည်။သို့သော်ထိ့ခိုက် ဒဏ်ရာရရှိမှုအသေးစိတ်ကိုမူဖော်ပြထားခြင်းမရှိပေ။
လက်ရှိအချိန်တွင်စစ်ကောင်စီတပ်များသည် ချင်းပြည်နယ်နှင့် ကလေးဆက်သွယ်ထားသော လမ်းမများတွင် တပ်စွဲ၊ သွားလာပြီး လူမဆန်သောအကြမ်းဖက်လုပ်ရပ်များကို အချိန်မရွေးကျူးလွန်နိုင်သည့်အတွက် မိဘပြည်သူများအနေနှင့် အထူးသတိပြုသွားလာနေထိုင်ကြပါရန် အသိပေးအပ်ပါသည်ဟုလည်း CDF-KKG(ချင်းဒေသကာကွယ်ရေးတပ်ဖွဲ့ – ကလေး၊ကဘော၊ဂန့်ဂေါ)အဖွဲ့က နှိုးဆော်ထားသည်။ ချင်းပြည်နယ်နှင့် စစ်ကိုင်တိုင်းတွင် စစ်ကောင်စီတပ်များက စစ်ကြောင်းထိုးနေ၍ ယခုလပိုင်းအတွင်းတိုက်ပွဲများဆက်တိုက်ဖြစ်ပွားနေပြီး စစ်ကောင်စီတပ်အထိ့နာနေသည်။
