ချင်းပြည်နယ် ဇိုတုန်နယ် ရေဇွာရဲစခန်းမှ တပ်ကြပ်ကြီးအဆင့်တစ်ဦးနှင့် ဒုတပ်ကြပ်အဆင့်တစ်ဦးတို့ လာရောက်ပူးပေါင်းခဲ့ကြောင်း ချင်းကာကွယ်ရေးတပ်ဖွဲ့- CDF (ဇိုတုန်)က ယနေ့(နိုဝင်ဘာ၉ရက်) ထုတ်ပြန်သည်။
အာဏာရှင်တော်လှန်ရေးနှင့် စစ်မှန်သည့် ဖက်ဒရယ်ဒီမိုကရေစီ တည်ဆောက်ရေး အခန်းကဏ္ဍတွင် ပြည်သူ့ဆန္ဒကို အလေးထား၍ တော်လှန်ရေးအင်အားစုများ ဘက် ရပ်တည်လာသည်ကို လှိုက်လှဲစွာကြိုဆိုကြောင်း ထုတ်ပြန်ချက်၌ ဖော်ပြထားသည်။
ဇိုတုန်နယ်အတွင်းရှိ အာဏာရှင်လက်ကိုင်တုတ်များအားလုံး ပြည်သူ့ရင်ခွင့်သို့ ခိုလှုံရန် အခက်အခဲများ ရှိပါက ဇိုတုန် CDF မှ လွတ်မြောက်နယ်မြေ ရောက်သည်အထိ ကူညီပေးသွားမည်ဟုလည်း အသိပေးထားသည်။
ချင်းပြည်နယ်ရှိ မြို့နယ်အသီးသီးတွင် စစ်ကောင်စီလက်အောက်မှ ရုန်းထွက်ပြီး ပြည်သူနှင့် ပူးပေါင်းလာသည့် ရဲအများအပြားရှိသည်။
Public Service Announcement
