ရန်ကုန်-ပြည် ကားလမ်းမပေါ်ရှိ ကြို့ပင်ကောက်မြို့ စစ်ဆေးရေးဂိတ်၌ ယနေ့ (နိုဝင်ဘာ ၁၁ ရက်)နံနက် ၅ နာရီခန့်က တိုက်ပွဲငယ်ဖြစ်ပွားခဲ့ပြီး စစ်ကောင်စီလက်အောက်ခံ ဒုရဲအုပ် မောင်မောင်တိုး ပြင်းထန် ဒဏ်ရာရရှိခဲ့ကြောင်း ကြို့ပင်ကောက် PDF က ထုတ်ပြန်သည်။
စစ်ကောင်စီသတင်းပေးဒလန်များ၊အုပ်ချုပ်ရေးမှူးများနှင့် ရဲတပ်ဖွဲ့သည် ယခုဖြစ်စဥ်အား နမှုနာယူ၍ ပြည်သူနှင့်အတူ ပူးပေါင်းရန် နောက်ဆုံးအကြိမ် ပြင်းထန်စွာသတိပေးသည်ဟု ကြို့ပင်ကောက် PDF က ပြောသည်။
“သေနတ်အတို နဲ့ဝင်ပစ်တာ။ဒုရဲအုပ် လက်မောင်းနဲ့ နံကြားကို ထိတယ်လို့သိရတယ်”ဟု ကြို့ပင်ကောက် PDF နှင့်နီးစပ်သူတစ်ဦးက ပြောသည်။
အောက်တိုဘာ ၁၆ ရက်ကလည်း ကြို့ပင်ကောက်မြို့ ဘောလုံးကွင်းအနီးစခန်းချထားသည့် စစ်ကောင်စီတပ်သားများအား ပစ်မှတ်ထား၍ ဖောက်ခွဲမှုပြုလုပ်ခဲ့သည်။
Public Service Announcement
