အတုအယောင်ရွေးကောက်ပွဲအလိုမရှိကြောင်းနဲ့ စစ်အာဏာရှင်ကို ဆန့်ကျင်ကြောင်း စစ်ကိုင်းမှာ ဆန္ဒပြ

ဇွန်-၂၂၊၂၀၂၅။ သုည/People’s Spring

စစ်ကိုင်းတိုင်းအတွင်း သပိတ်အဖွဲ့တွေ၊ ဒေသခံပြည်သူတွေကဒီကနေ့(ဇွန်လ၂၂)မှာအတုအယောင်ရွေးကောက်ပွဲကိုအလိုမရှိကြောင်းနဲ့ စစ်အာဏာရှင်ကိုဆန့်ကျင်ကြောင်းသပိတ်လှုပ်ရှားမှုတွေအသီးသီး ပြုလုပ်ခဲ့ကြပါတယ်။

စစ်ကိုင်းတိုင်းယင်းမာပင်မြို့နယ်မှာအောင်လံလွှင့်မည် ရွှေရေကြည်သပိတ်စစ်ကြောင်းဟာဒေသခံပြည်သူတွေနဲ့ ပူးပေါင်းပြီးစစ်အာဏာရှင်ဆန့်ကျင်ရေး ညနေဆည်းဆာသပိတ် ချီတက်ဆန္ဒပြခဲ့ပါတယ်။

ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းကစစ်အာဏာရှင်ဆန့်ကျင်ရေးလူထုသပိတ်ပြုလုပ်ခဲ့ကြပါတယ်။

Public Service Announcement

ဆားလင်းကြီးမြို့နယ်လက်ပံတောင်းတောင်ဒေသမှာလည်းသပိတ်အင်အားစုဦးဆောင်ပြီး “Freedom form Fearအကြောက်တရားမှ လွတ်မြောက်ရေး” စာသားကို ကိုင်ဆောင်ကာ စစ်အာဏာရှင်ဆန့်ကျင်ရေးကြွေးကြော်သံတွေနဲ့သပိတ်ထွက်ရှိခဲ့ကြပါတယ်။

ဒါ့အပြင်ယာယီထိုင်သပိတ်မှာယုံကြည်ချက်ကြောင့်အကျဥ်းကျနေသူတွေအတွက် ဆုတောင်းပေးခဲ့ကြပြီး စစ်အာဏာရှင်ကို အလိုမရှိကြောင်း၊တရားမဝင်အတုအယောင်ရွေးကောက်ပွဲ အလိုမရှိကြောင်း၊ ဖမ်းဆီးထားသောနိုင်ငံရေးအကျဥ်းသားများ လွှတ်ပေးရန်တို့ကို တောင်းဆိုခဲ့ကြပါတယ်။

စစ်ကိုင်းတိုင်းတော်လှန်ပြည်သူတွေက နယ်မြေမငြိမ်သက်မှုကြားထဲကနေစစ်အာဏာရှင်ဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေပါတယ်။

(ဓာတ်ပုံ – စစ်ကိုင်းဒေသသပိတ်အင်အားစု၊ လက်ပံတောင်းသပိတ်)