က​လေးPDFက ဖမ်းဆီးခံထားရသူများကိုပြန်လည်ကယ်တင်နိုင်ရန် စစ်​ကောင်စီတပ်လမ်း​ကြောင်းကိုပိတ်ဆို့ထားပြီး တိုက်ပွဲပြင်ထန်း​နေ

ဖမ်းဆီးခံရသောက​လေးပြည်သူ့ကာကွယ်​ရေးအဖွဲ့ (PDF-က​လေး)မှတပ်ဖွဲ့ဝင်များ ပြန်လည် လွတ်​မြောက်ရေးအတွက် အကြမ်းဖက် စစ်ကောင်စီတပ်၏ လမ်းကြောင်းကို က​လေး PDFနှင့် CDFက ပိတ်ဆို့ထားပြီးယ​နေ့တွင်လည်းတိုက်ပွဲအပြင်းအထန်ဖြစ်နေသည်ဟု ဒေသခံများက ပြောသည်။

ကလေးမြို့နယ်တွင် ယမန်နေ့က PDF Kalay တပ်ရင်း ၃ တပ်ခွဲ တစ်ခုကို အကြမ်းဖက် စစ်ကောင်စီက ယမန်နေ့က ဝင်စီးနင်းကာ ဆေးတပ်သား အမျိုးသမီး ၈ ဦးနှင့် အမျိုးသား နှစ်ဦးကို ဖမ်းဆီးခံခဲ့ရသည်။

ဖမ်းဆီးခံရသူများ ပြန်ကယ်ထုတ်နိုင်ရေးအတွက်စစ်ကောင်စီလမ်းကြောင်းကို Kalay PDFနှင့် ချင်းပြည်သူ့ကာကွယ်ရေးတပ်ဖွဲ့ CDFက ပိတ်ဆို့ထားပြီး ယနေ့ (နိုဝင်ဘာ၁၇) မွန်းလွှဲ တစ်နာရီ ခွဲခန့်အထိ တိုက်ပွဲဖြစ်နေ​​ကြောင်းဒေသခံတစ်ဦးက ပြောသည်။

” PDF Kalay နဲ့ CNDF တပ်တွေက ဖမ်းဆီးခံရတဲ့ရဲဘော်တွေပြန်လွတ်ပေးပါက လမ်းဖွင့်ပေးမယ်လို့ လော်စပီကာနဲ့ ပြောပါတယ်။ ဒါပေမယ့် စစ်တပ်ဖက်က ပြည်သူ့ကာကွယ်ရေးတပ်သားတွေ ပြန်မလွတ်ပေးလို့ တိုက်ပွဲ ထပ်မံဖြစ်ပွားခြင်းဖြစ်တယ်”ဟု ​​ဒေသခံတစ်ဦးက လူမှုကွန်ရက်တွင် ရေးသားထားသည်။

Public Service Announcement

“အမှားများ အားနည်းချက်များကို သင်ခန်းစာယူမည်။ ဆုံးရှုံးမှုများအတွက် နှစ်ဆပြန်လည်ရယူမည်။တိုက်ပွဲများဆက်လက်ဖြစ်ပွားလျက်ရှိသည့်အတွက် ပြည်သူများ လုံခြုံရေး သတိရှိစွာဖြင့် နေထိုင်သွားလာကြပါရန် မေတ္တာရပ်ခံအပ်ပါသည်” ဟု ယနေ့ နေ့ခင်းပိုင်းတွင် က​လေးPDFက အသိ​ပေးထားသည်။

က​လေးမြို့အ​နောက်​တောင်ပိုင်း နယ်​မြေ​နေရာတစ်ခုရှိ တပ်ဖွဲ့ဝင် ၂၀​ကျော် စခန်းချ​နေထိုင်သည့် က​လေး PDF တပ်ရင်း(၃)​​အောက်မှ တပ်ခွဲစခန်းတစ်ခုကို နိုဝင်ဘာ ၁၆ ရက်က အကြမ်းဖက်စစ်​ကောင်စီတပ်များက လက်နက်ကြီးများဖြင့် ပစ်ခတ်သိမ်းပိုက်ရာ အဆိုပါစခန်းရှိ အမျိုးသမီးရှစ်ဦးနှင့် အမျိုးသားနှစ်ဦး စုစု​ပေါင်း ၁၀ဦးဖမ်းဆီးခံရပြီး အများစုမှာ တပ်ရင်း(၃)မှ ​ဆေးအဖွဲ့ဝင်များဖြစ်​ကြောင်း က​လေးPDFက ယမန်​နေ့ကထုတ်ပြန်သည်။

ဖမ်းဆီးခံရသူများအနက် အမျိုးသားနှစ်ဦးကို အကြမ်းဖက်စစ်​ကောင်စီတပ်သားများက သတ်ဖြတ်လိုက်​ကြောင်း သတင်းရရှိ​သော်လည်း အတည်မပြုနိုင်​သေး​ကြောင်းလည်း က​လေး PDFက ယမန်​နေ့တွင် အသိ​ပေးထားသည်။

ထို့​ကြောင့် နိုဝင်ဘာ ၁၆ မွန်းလွဲပိုင်းကစ၍ က​လေးမြို့နယ်အ​နောက်​တောင်ပိုင်း နယ်​မြေတဝိုက်တွင် ရှား​တော၊ မြို့ကြီးကုန်း၊ မြို့လှစသည့် ​နေရာအသီးသီးမှ စစ်​ကြောင်းများခွဲထွက်လာသည့် အကြမ်းဖက်စစ်​ကောင်စီတပ်များနှင့် က​လေးPDF၊ CNDF၊ CDF(KKG)နှင့် ရပ်ရွာ ပ. က.ဖ အဖွဲ့များပါဝင်သည့် ပူး​ပေါင်းတပ်ဖွဲ့များမှာ ည​နေ၆နာရီခွဲအထိ တစ်​နေကုန် တိုက်ပွဲပြင်းထန်ခဲ့သည်ဟု ​ဖော်ပြထားသည်။ထိုအပြင် မြို့လှရပ်ကွက်ဘက်မှ စစ်ကူထွက်လာသည့်စစ်​ကြောင်းကို က​လေး PDFက မိုင်းဆွဲပြီး ပစ်ခတ်တိုက်ခိုက်ခဲ့သည့်အပြင် တာဟန်းရပ်ကွက်ရှိ တာဟန်းရဲစခန်းကိုလည်း လက်နက်ကြီး၊ လက်နက်ငယ်များဖြင့် သွားရောက်ပစ်ခတ်တိုက်ခိုက်ခဲ့သည်ဟု ထုတ်ပြန်ခဲ့သည်။

က​လေးမြို့တွင် တိုက်ပွဲအပြင်းအထန် ​ဖြစ်နေပြီး စစ်​ကောင်စီတပ်က လက်နက်ကြီးများအသုံးပြု၍ တိုက်ခိုက်​နေကာအင်အားမမျှဘဲ ရင်ဆိုင်နေရချိန်တိုက်ပွဲဖိအား လျော့ကျစေရေး နေရာစုံမှ ထကြွပေးရန် Kalay PDFက တောင်းဆိုထားသည်။

(အကြမ်းဖက်စစ်​ကောင်စီးတပ်၏ ဖမ်းဆီးခြင်းခံထားရ​သော က​လေးပြည်သူ့ကာကွယ်​ရေးတပ်၏ ​ဆေးတပ်ဖွဲ့ဝင်အမျိုးသမီးများ)