ထီးချိုင့်မြို့နယ် မြတောင်လမ်းဆုံဘက်မှ တက်လာသည့် စစ်ကောင်စီတပ်ကားတစ်စီးကို ယနေ့(နိုဝင်ဘာ ၁၈ ရက်)နံနက် ၅နာရီခန့်က မိုင်းဆွဲတိုက်ခိုက်ခဲ့သည်ဟု ဧရာအရှေ့ခြမ်းပူးပေါင်းပျောက်ကြားတပ်ဖွဲ့(MTF9)က ထုတ်ပြန်သည်။
တိုက်ခိုက်ခံရသည့် စစ်ကောင်စီကားသည် မိုင်းထိသည့် နေရာတွင်ထိုးရပ်ခဲ့ပြီး ကားပေါ်မှပါလာသူအနည်းငယ်သာလှုပ်ရှားမှုရှိသည်ဟု ဆိုသည်။
ထို့နောက် စစ်ကောင်စီ၏တပ်ကူ Faw ကားတစ်စီးရောက်ရှိလာ၍ MTF9 တပ်ဖွဲ့မှ အောင်မြင်စွာဆုတ်ခွာနိုင်ခဲ့သည်ဟု ထုတ်ပြန်ချက်၍ ဖော်ပြထားသည်။
“ကင်းထောက်ရဲ့အတည်ပြုချက်အရ လေး၊ငါးဦးသေဆုံးနိုင်တယ်။လူနာတင်ယာဥ်နဲ့လာသယ်သွားတယ်”ဟု MTF9 တပ်ဖွဲ့ဝင်တစ်ဦးက ပြောသည်။
Public Service Announcement
ထီးချိုင့်၊ကသာနှင့် ကောလင်းဒေသကို စစ်ကောင်စီက နိုဝင်ဘာလဆန်းကစ၍ ထိုးစစ်ဆင်နေခြင်းဖြစ်ပြီး ဒေသတွင်းရှိလမ်းများ၌ မကြာခဏ မိုင်းဆွဲခံနေရသည်။
