'/%3E%3C/svg%3E){kind=small}
မကွေးတိုင်း မြိုင်မြို့နယ် လက်ပံတိုရေနံမြေမှ ရေနံများသယ် ဆောင်လာသော ယာဉ်တန်းကို တိုက်ခိုက်ခဲ့ရာ စစ်ကောင်စီတပ်မှ ၇ဦးခန့် သေဆုံးခဲ့ကြောင်း ပခုက္ကူ ပြည်သူ့ကာကွယ်ရေးတပ်ဖွဲ့(PPDF) က ထုတ်ပြန်သည်။
ယနေ့(နိုဝင်ဘာ ၂၄ရက်) နံနက်ပိုင်းက မြိုင််မြို့နယ် လက်ပံတိုရေနံမြေမှ ရေနံများသယ် ဆောင်လာသော စစ်ကောင်စီ ထောက်တိုင် ရေနံဆီ ဘောက်ဆာယာဉ်များနှင့် ၎င်းဘောက်ဆာများအားလုံခြုံရေးအဖြစ်လိုက်ပါလာသည့် စစ်ကောင်စီတပ်ဖွဲ့၏ မော်တော်ယာဉ်များအပါအဝင် ယာဉ် ၁၀စီးခန့်ကို လက်ပံတို-အရာတော်လမ်းပေါ် တွင် တိုက်ခိုက်ခဲ့ခြင်းဖြစ်သည်ဟုထုတ်ပြန်ချက်တွင်ပါရှိသည်။
ရေနံတင်ယာဉ်တန်းကို ရှော့တိုက်ဒုံးများ၊ အဝေးထိန်း မိုင်းများဖြင့် တိုက်ခိုက်ခဲ့ရာ
စက်လက်တင်ဆောင်လာသော ကားအား တိုက်ရိုက်ထိမှန်၍ ကားမှာ လုံးဝပျက်စီးသွားပြီး ကားပေါ်ရှိ စစ်သားများ သေဆုံးထိခိုက်မှုများပြားကြောင်း၊ ဆီဘောက်ဆာယာဉ် ၁စီး၊စက်ကလေးတင်ဆောင်လာသည့်စစ်ကောင်စီယာဉ် ၁စီးတို့ထိခိုက်ပျက်စီးခဲ့ပြီး အနည်းဆုံး အကြမ်းဖက်စစ်ကောင်စီတပ်ဖွဲ့ဝင် ၇ ဦးခန့်သေဆုံးခဲ့ကြောင်း ပါရှိသည်။
ပြည်သူ့ကာကွယ်ရေးတပ်ဖွဲ့ဝင် များ အောင်မြင်စွာ ဆုတ်ခွာခဲ့ကာ ဘေးကင်းသောနေရာသို့ရောက်ရှိပြီး ဖြစ်ကြောင်း မြိုင် PDFက အသိပေးသည်။
Public Service Announcement
“မြိုင်မှာခွဲတာ ပေါက်ထိကို တုန်သွားတယ်။ အသံကြီးက ဟိန်းထွက်လာတယ်။”ဟု မြိုင်နယ်နှင့်ထိဆက်နေသည့်ပေါက်နယ်တွင်နေထိုင်သူတစ်ဦးက ပြောသည်။
အဆိုပါ တိုက်ခိုက်မှုကို ပခုက္ကူမြို့နယ် ပြည်သူ့ ကာကွယ်ရေးတပ်ဖွဲ့ PPDFနှ့င့် မြိုင် PDF အဖွဲ့ခွဲ မြေခွေး ပျောက်ကျားတပ်ဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်သည်ဟုဖော်ပြထားသည်။
နိုဝင်ဘာလ ၂၂ ရက်နေ့ကလည်း မြိုင်-လင်းကတော လမ်းရှိ လင်းကတောစခန်းမှူး လင်မယားစီးလာသောစစ်ကောင်စီကားအားမိုင်း (၆) လုံးဖြင့် တိုက်ခိုက်ရာ ၂ ယောက်လုံး ထိခိုက်ဒဏ်ရာရရှိသွားကြောင်း မြိုင် PDFမှ ယနေ့ နိုဝင်ဘာလ ၂၄ ရက်နေ့တွင် သတင်းထုတ်ပြန်သည်။
