ကန်ပက်လက်မြို့ ပေါ်တွင် တပ်စွဲထားသည့် စစ်ကောင်စီတပ်ဖွဲ့အား ချင်းဒေသကာကွယ်ရေးတပ်ဖွဲ့က ယနေ့ ဝင်ရောက်တိုက်ခိုက်ခဲ့ရာ အကြမ်းဖက် စစ်ကောင်စီတပ်သား နှစ် ဦးသေဆုံးပြီး တစ်ဦး ဒဏ်ရာအပြင်းအထန်ရရှိသွားကြောင်း CDF-Kanpetlet က သတင်းထုတ်ပြန်သည်။
ကန်ပက်လက်မြို့ အ.ထ.က ကျောင်းတွင် တပ်စွဲထားသော စစ်ကောင်စီတပ်ဖွဲ့ဝင်များအား CDF-Kanpetletက ယနေ့( ဒီဇင်ဘာလ ၃ရက်) နေ့လည်တွင် ဝင်ရောက်တိုက်ခိုက်ခဲ့ခြင်းဖြစ်သည်။
တိုက်ပွဲဖြစ်ပွားချိန်တစ်နာရီ ကြာမြင့်ခဲ့ပြီး CDF ဘက်မှ တစ်စုံတရာထိခိုက်ခြင်းမရှိဘဲ ဆုတ်ခွာနိုင်ခဲ့သည်ဟုသတင်းထုတ်ပြန်ထားသည်။
နိုဝင်ဘာ ၂၈ရက်ကလည်း ကန်ကပက်လက်မြို့တွင်း၌ CDF ကန်ပက်လက်နှင့် အကြမ်းဖက်စစ်ကောင်စီတို့ ထိတွေ့တိုက်ပွဲပြင်းထန်ခဲ့ပြီးအကြမ်းဖက်စစ်ကောင်စီဖက်မှ သုံးဦးသေဆုံးကာ ခြောက်ဦး ဒဏ်ရာပြင်းထန်စွာရရှိသွားခဲ့သည်။
(ကန်ပက်လက်တွင် အာဏာသိမ်းစစ်ကောင်စီလက်အောက်ခံရဲများက ငြိမ်းချမ်းစွာဆန္ဒပြသူများကိုဖိနှိပ်ပြီး ဒေသခံများ၏ ရိုးရာဓါးပလိုင်းများကိုဖမ်းဆီးခဲ့သည်။ ဆန္ဒပြပြည်သူများကို စစ်ကောင်စီရဲများကအကြမ်းဖက်ဖြို ခွင်းရန်ပိတ်ဆို့ခဲ့စဥ် ဓါတ်ပုံ-CJ)