ဖေဖော်ဝါရီ-၇၊၂၀၂၆။အိမ်သွင်/People’s Spring
စစ်တပ်ထိန်းချုပ်ထားတဲ့လားရှိုးမြို့ထဲကရပ်ကွက်တစ်ခုထဲကို ရှော့တိုက်ဒုန်းနဲ့ပစ်ခတ်ခံရပြီး ပြင်းထန်တဲ့ပေါက်ကွဲမှုဖြစ်ခဲ့ပါတယ်။
ဖေဖော်ဝါရီလ ၇ရက်၊မနက်၇နာရီ ၅၅မိနစ်မှာ လားရှိုးမြို့ ရပ်ကွက်(၁၁) နယ်မြေ(၉)ထဲက အိမ်တစ်လုံးကိုရှော့တိုက်ဒုန်းနှစ်လုံးထိမှန်တာဖြစ်ပါတယ်။
“ပေါက်ကွဲချက်ကပြင်းလွန်းလို့တစ်မြို့လုံး ကြားလိုက်တယ်။တခြားရပ်ကွက်တွေလည်း မြေပါတုန်တာ။လားရှိူးကအခြေအနေငြိမ်မနေဘူးထင်တယ်”လို့ ဒေသခံတဦးကပြောပါတယ်။
Public Service Announcement
ရှော့တိုက်ဒုန်းနှစ်လုံးမှာ တစ်လုံးကပေါက်ကွဲပြီး တစ်လုံးမပေါက်ကွဲဘူးလို့သိရပါတယ်။ရပ်ကွက်(၁၁)နယ်မြေ(၉)ထဲမှာ စစ်တ်တပ်စွဲထားတဲ့နေရာတွေရှိတယ်လို့ အခြားဒေသခံတစ်ဦးကပြောပါတယ်။
လားရှိုးမြို့ကိုစစ်ကောင်စီကကိုးကန့်တပ် (MNDAA)ထံကနေ တရုတ်အစိုးရအကူအညီနဲ့ ပြီးခဲ့တဲ့ ၂၀၂၅ ဧပြီလကစပြီး ပြန်လည်ထိန်းချုပ်ထားတာပါ။ဒါပေမယ့် မြို့ပေါ်ကိုသာထိန်းချုပ်ခွင့်ရထားပြီးဘေးပတ်ဝန်းကျင်နေရာတွေကို MNDAAက ဆက်လက်တပ်စွဲထိန်းချုပ်ထားတာပါ။
လားရှိုးမြိို့ အနီးမှာတပ်စွဲထားတဲ့MNDAAတပ်တွေဆုတ်ပေးဖို့ စစ်ကောင်စီကတောင်းဆိုနေပေမယ့် MNDAA ကဆုတ်မပေးပါဘူး။
၂၀၂၅ ခုနှစ်၊နိုဝင်ဘာလမှာစစ်တပ်ရဲ့အမှတ်(၅)စစ်ဆင်ရေးအထူးအဖွဲ့မှုး ဒုဗိုလ်ချုပ်ကြီးကိုကိုဦးက MNDAA ဘက်ကို တောင်းဆိုခဲ့ပေမယ့် ငြင်းပယ်ခံရပြီးဆွေးနွေးမှုပျက်ခဲ့ပါတယ်။အဲ့ဒီနောက်ပိုင်း စစ်ကောင်စီက ကင်းထောက်လေယာဉ်တချို့ပျံသလိုMNDAAကလည်းအင်အားတိုးချခဲ့ပါတယ်။
နိုဝင်ဘာလထဲမှာစစ်တပ်က လားရှိုးမြို့ထဲကို သေနတ်နဲ့ရမ်းသမ်းပစ်ခတ်မှုပြုလုပ်ခဲ့သလိုဒီဇင်ဘာလ၂၁ ရက်မှာလည်း ဗုံးပေါက်ကွဲမှုသုံးကြိမ်ဖြစ်ခဲ့တယ်လို့ မြို့ခံတွေကပြောပါတယ်။
MNDAAနဲ့ စစ်ကောင်စီဟာ လားရှိုးမြို့နယ်အတွင်း ဒေသခံလူငယ်တွေနဲ့ရွှေ့ပြောင်းလုပ်သားတွေကို ပစ်မှတ်ထားပြီး စစ်သားစုဆောင်းနေတယ်လို့လည်းသတင်းတွေထွက်ပေါ်နေပါတယ်။
