အလွမ်း”

Sarah

​နေ့အိပ်မက်​တွေက ​ခြောက်​သွေ့ပြီး ညအိပ်မက်​တွေဟာ ရှည်လျားလွန်းတယ်

ခနခနမက်တဲ့ အဖြစ်အပျက်​တွေ
လန့်နိုးတဲ့အခါ မျက်ရည်​တွေ
​ဝေဝါးတဲ့မြင်ကွင်းထဲက ​နောက်လှည့်ထွက်ခဲ့မိတယ်
တရက်နှစ်ရက်မက ရက်​ပေါင်းများစွာလိုလို

ပြတင်း​ပေါက်ကမြင်ရတဲ့ အလင်း​ရောင်​တွေ​ငေး​မျှော်ကြည့်ရင်း
အ​တွေး​တွေပြန့်ကြဲ​နေလိုက်တာ
​ခြေသံ​ပေါင်းများစွာ ဒီအခန်းထဲဝင်​ရောက်ဖူးတယ်
ရယ်သံ​တွေ သီချင်းသံ​တွေ မျက်ရည်​တွေနဲ့​ ထွေး​ပွေ့ထားခဲ့ဖူးကြတယ်
အဆင်မသင့်တဲ့အခါ အသဲကွဲရတာပဲ

Public Service Announcement

​ခြောက်​သွေ့လွန်းတဲ့နှုတ်ခမ်း​တွေအတွက် ​ဖြေ​ဆေးမရှိဘူး
ဘာကိုလိုချင်ပြီး ဘာကိုရယူချင်မှန်းမသိ​အောင်
ဘာမှ မဖြစ်ချင်​တော့တာ
ဒါဟာ အနက်​ရောင်​ချောက်ကမ်းပါးများလား
အ​တောင်ချိုးခံထားရတဲ့ ငှက်​တွေလို
ကိုယ့်အသိုက်ကိုယ်ပြန်ဖို့ပဲ ​တောင့်တမိတယ်

ဆန္ဒရဲ့ ဆန့်ကျင်ဘက်အရပ်ဟာ စိတ်ကို နာကျင်​စေတယ်
သက်ဆိုးရှည်ဖို့ ရှင်ကျန်ရစ်ခဲ့တဲ့ ဘဝ​တွေ
ဘယ်လိုဖြစ်ဖြစ် ​ရှေ့ဆက်ကြ
ဒီမျိုး​စေ့ရဲ့ အချိုးအ​ကွေ့မှာ
မပြီး​သေးဘူး ငါတို့အလှည့်ကျန်​သေးတယ်
​ဆန္ဒ​တွေရှိသ​လောက်ဆို ​ဟေ့ လူကြီး
ခင်ဗျားနဲ့​တွေ့ချင်​သေးတယ်
အခုမဟုတ်လဲ ​နောက်များမှ​ပေါ့…

(The Call -ခေါ်သံ”အွန်လိုင်းမဂ္ဂဇင်းမှာ ‘​Sarah’
ရေးဖွဲ့တဲ့ “​အလွမ်း” ကဗျာကို People’s Spring ကပြန်လည်​ဖော်ပြ​ပေးတာဖြစ်ပါတယ်။အနုရသကဲပြီးတော်လှန်​ရေးအတွက်အ​ထောက်အကူပြုတဲ့ စာ​ပေကဏ္ဍမျိုးစုံကို “The Call – ​ခေါ်သံ” အွန်လိုင်းမဂ္ဂဇင်းရဲ့ ​Facebook Page ဖြစ်တဲ့ https://www.facebook.com/profile.php?id=100087677882749… မှာလည်းသွား​ရောက်ဖတ်ရှုနိုင်ပါတယ်