“ဒေါ်အောင်ဆန်းစုကြည် အချုပ်နှောင်မှလွတ်မြောက်စေရေး” ကြွေးကြော်သံတွေနဲ့ စစ်ကိုင်းတိုင်းကပြည်သူတွေ ဆန္ဒပြ

ဧပြီ-၂၀၊၂၀၂၆။ သုည/People’s Spring

စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံတော်လှန်ပြည်သူတွေဟာ “ဒေါ်အောင်ဆန်းစုကြည် အချုပ်နှောင်မှလွတ်မြောက်စေရေး”ဆိုတဲ့ ကြွေးကြော်သံတွေနဲ့ ဆန္ဒပြလှုပ်ရှားမှုတွေကို ဒီကနေ့ (ဧပြီ ၂၀) မှာ ပြုလုပ်ခဲ့ပါတယ်။

စစ်ကိုင်းတိုင်း ယင်းမာပင်မြို့နယ် ကျေးရွာတစ်ရွာမှာ ရွှေဥက္ကံလူထုသပိတ်စစ်ကြောင်း က တော်လှန်ပြည်သူတွေနဲ့အတူ စစ်အာဏာရှင်ဆန့်ကျင်ရေး ဆန္ဒပြသပိတ်ကို ပြုလုပ်ခဲ့ကြပါတယ်။

ဆန္ဒပြတော်လှန်ပြည်သူတွေက “အဓမ္မကို အမြစ်ဖြတ် တော်လှန် လမ်းမပေါ်က ရွှေဥက္ကံ” စာသား ကိုင်ဆွဲပြီးတော့ “စစ်အာဏာရှင်အလိုမရှိ”၊ “စစ်မှန်တဲ့ဖက်ဒရယ်ဒီမိုကရေစီသာအလိုရှိကြောင်း”နဲ့ “အမေစု အချုပ်နှောင်မှလွတ်မြောက်စေရေး” တို့အတွက် ဟစ်ကြွေးတောင်းဆိုခဲ့ကြပါတယ်။

Public Service Announcement

နေရာဒေသအသီးသီးက တော်လှန်ပြည်သူတွေကလည်း “Free All Political Prisoners” စာသားနဲ့ လူထုခေါင်းဆောင် ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားအားလုံးလွတ်မြောက်ရေးနဲ့ အရေးတော်ပုံ အောင်နိုင်ရေးအတွက် Blue Shirt Campaign လူထုလှုပ်ရှားမှု လုပ်ဆောင်ခဲ့ကြပါတယ်။

ဓာတ်ပုံ – Blue Shirt Movement-Myanmar (BSMM)၊ ရွှေဥက္ကံလူထုသပိတ်