ဧပြီ -၂၆၊၂၀၂၆။ဖိုးသား/People’s Spring
မကွေးတိုင်း၊ နတ်မောက်မြို့နယ်အရှေ့ခြမ်းမှာ စစ်တပ်စစ်ကြောင်းနဲ့ တော်လှန်ရေးတပ်တွေ တိုက်ပွဲဖြစ်နေပြီး စစ်တပ်က ကျေးရွာတွေ မီးရှို့နေတယ်လို့ ဒေသခံစစ်ရေးသတင်းရင်းမြစ်တွေက ပြောပါတယ်။
မနေ့က(ဧပြီ ၂၅ရက်) မနက် ၇ နာရီခွဲဝန်းကျင်က ကျောက်မိုးကျေးရွာနဲ့ ထန်းပင်မျှောင်ကျေးရွာအနီးမြင်းတဲကြီးကျေးရွာက ထွက်လာတဲ့ စစ်တပ်စစ်ကြောင်းနဲ့ တော်လှန်ရေးတပ်တွေ အပြန်အလှန်ပစ်ခတ်မှု ဖြစ်ခဲ့တယ်လို့ ဆိုပါတယ်။
“မိုင်းကွင်းစောင့်တဲ့ ရဲဘော်တွေကို စစ်တပ်ဘက်က စပစ်လို့ တိုက်ပွဲ ဖြစ်တာ။အထိအခိုက်တော့ မသိရသေးဘူး”လို့ နေပြည်တော်တိုင်းစစ်ဌာန တပ်ရင်းအမှတ် (၉၀၃)က တာဝန်ရှိသူက ပြောပါတယ်။
Public Service Announcement
စစ်တပ်စစ်ကြောင်းမှာ အင်အား ၃၀၀ဝန်းကျင်ရှိပြီး ဒီကနေ့(ဧပြီ ၂၆ ရက်)မှာ ဖက်တောရေ ကျေး ရွာ မီးရှို့နေတယ်လို့ အသိပေးပါတယ်။
“ရွာတောင်ခြမ်းက လူနေအိမ်လေးလုံး လောက်မီးထဲပါသွားတယ်”လို့ နတ်မောက်မြို့နယ်စစ်ရေးသတင်းရင်းမြစ်က ပြောပါတယ်။
အဲဒီစစ်ကြောင်းဟာ ဧပြီ ၂၂ ရက်က နတ်မောက် အရှေ့ခြမ်း ကျီးကန်ရွာက ဆွံ့အနားမကြား ညီ အစ်ကိုနှစ်ဦးကို သတ်ဖြတ်ခဲ့တယ်လို့ အသိပေးပါတယ်။
ဒါ့အပြင် ကျီးကန်၊ ကန်ဦးကုန်း၊ ရုံးပင်ကွက်ကျေးရွာတွေက နေအိမ်တွေကို ဖောက်ထွင်းပြီး မီးရှို့တာတွေလုပ်ခဲ့တယ်လို့လည်း သိရပါတယ်။
နတ်မောက်မြို့နယ်အရှေ့ခြမ်းကို မြို့သစ်မြို့နယ် နဲ့ ရန်ကုန်-မန္တလေး အမြန်လမ်းကနေ အင်အား ၃၀၀ ဝန်းကျင်နဲ့ စစ်တပ်က ဧပြီ ၁ရက်ကစလို့ စစ်ကြောင်းထိုးလာတာကြောင့် ဒေသခံတော် လှန်ရေးတပ်တွေနဲ့ မကြာခဏထိတွေ့မှုတွေ ဖြစ်နေပါတယ်။
အလယ်ရိုးမနဲ့ဆက်စပ်နေပြီး သစ်တောကြိုးဝိုင်းတွေရှိနေတဲ့ နတ်မောက်မြို့အရှေ့ခြမ်းက တော် လှန်ရေးတပ်တွေရှိရာနေရာတွေကို ရှင်းလင်းရေးနဲ့ နယ်မြေစိုးမိုးရေး စစ်တပ်က ကြိုးပမ်းနေတာဖြစ်ပါတယ်။
