မေ – ၇ ၊၂၀၂၆
တရုတ်စစ်တပ်ရဲ့ထိပ်တန်းကာကွယ်ရေးဝန်ကြီးဟောင်းနှစ်ဦးကို တရုတ်ကသေဒဏ်အမိန့်တွေအသီးသီးစီရင်ချက်ချမှတ်လိုက်ကြောင်းသိရပါတယ်။
ဗိုလ်ချုပ်ကြီးတွေဖြစ်ခဲ့တဲ့ဝေ့ဖန်ဟီနဲ့လီရှန်ဖူတို့နှစ်ဦးဟာအဂတိလိုက်စားမှုစွပ်စွဲချက်တွေအတွက်တရုတ်စစ်ခုံရုံးရဲ့သေဒဏ်အမိန့်နဲ့ ကြုံတွေ့ခဲ့တာ ဖြစ်ပါတယ်။
ဝန်ကြီးဟောင်းတွေကို ၂ နှစ်ဆိုင်းငံ့ကာလအပြီးသေဒဏ်ပေးဖို့ ခုံရုံးက ဆုံးဖြတ်ခဲ့တာပါ။ဒါပေမဲ့ ဥပဒေစည်းမျဉ်းတွေအရတော့ဆိုင်းငံ့ကာလ အပြီးမှာသူတို့ကိုအမှန်တကယ်ကွပ်မျက်တာထက်ထောင်ဒဏ်တစ်သက် ပြောင်းလဲသွားမယ့် အခြေအနေ ရှိနေပါတယ်။
Public Service Announcement
သေဒဏ်အမိန့်ချခံရတဲ့ တရုတ်စစ်တပ်ကာကွယ်ရေးဝန်ကြီးဟောင်း ဗိုလ်ချုပ်ကြီး နှစ်ဦး ဓာတ်ပုံ – CNN ၊ Global Times သေဒဏ်အမိန့်ချခံရတဲ့ တရုတ်စစ်တပ်ကာကွယ်ရေးဝန်ကြီးဟောင်း ဗိုလ်ချုပ်ကြီး နှစ်ဦး ဓာတ်ပုံ – CNN ၊ Global Times သေဒဏ်အမိန့်ချခံရတဲ့ တရုတ်စစ်တပ်ကာကွယ်ရေးဝန်ကြီးဟောင်း ဗိုလ်ချုပ်ကြီး နှစ်ဦး ဓာတ်ပုံ – CNN ၊ Global Times
ဝေ့နဲ့ လီတို့ဟာဗဟိုစစ်ရေးကော်မရှင်နဲ့ နိုင်ငံတော်အကြံပေးအဖွဲ့ဝင်ဟောင်းတွေ ဖြစ်ကြပါတယ်။ စစ်ခုံရုံးကဝေ့ဟာလာဘ်လာဘရယူခဲ့ပြီးလီကတော့လာဘ်ယူခဲ့သလိုကိုယ်တိုင်လာဘ်ပေးတဲ့အမှုတွေလည်းကျုးလွန်ခဲ့တယ်လို့ ခုံရုံးကဆုံးဖြတ်ခဲ့ပါတယ်။
နှစ်ဦးစလုံးဟာနိုင်ငံရေးရပိုင်ခွင့်တွေအားလုံးရာသက်ပန် ရုပ်သိမ်းခံရပြီး ပိုင်ဆိုင်မှုတွေကိုလည်း အစိုးရ ဘဏ္ဍာအဖြစ် သိမ်းဆည်းခြင်းကို ခံခဲ့ရပါတယ်။
ဥပဒေတွေအရ ၂ နှစ် ဆိုင်းငံ့ကာလပြီးရင် သူတို့ရဲ့ သေဒဏ်စီရင်ချက်ဟာ ထောင်ဒဏ်တစ်သက်အဖြစ် ပြောင်းလဲသွားမှာဖြစ်ပြီးအဲဒီလျှော့ပေါ့မှုနောက်ပိုင်း အယူခံဝင်တာ၊ ပြစ်ဒဏ်ကာလ လျှော့ချပေးတာတွေ ခံစားခွင့် ရှိမှာမဟုတ်ဘူးလို့လည်း သိရပါတယ်။
အသက် ၇၂ နှစ်အရွယ်ဝေ့ဟာ ၂၀၁၈ ကနေ ၂၀၂၃ ခုနှစ်ထိ ကာကွယ်ရေး ဝန်ကြီးအဖြစ် တာဝန် ထမ်းဆောင်ခဲ့ပြီး အသက် ၆၈ နှစ်အရွယ် လီကတော့ ၂၀၂၃ ခုနှစ်မှာ အဲဒီ ရာထူးကို ၇ လသာ ရယူပြီး ဖယ်ရှားခံခဲ့ရပါတယ်။
ကိုးကား – Xinhua
